Luke 22:51 - ASII LAKDAP Bible (BSI)

⁵¹ Kiijiishe, Jesuq raq, “Hongjiiq she, atin li she!” nguta tiiwinto. Apaiq raq maiqwe nilok ka ajaq maq shamto. Raüta, ani mi ka tiihea kuqto.

Hawa Naga Bible 2001

⁵¹ Yuq muinz Yesu rueq, “Hungx tueq!” ngoz kuq ruiux kvruex waz nac kuex yauk maq tuingc vtueq vmac kuex tvhvlc kuq tueq.

Muklom

⁵¹ Etharin Jesu aa batta, “Thanga lali sey!” Etho piq aa ethiwa naq tha lo eq taqhal ta.

Luke 22:51 Referencias Cruzadas

Luke 22:50

Kiimaq tsangshiq phong wa weshi raq, Ramwe Ajong Pinthum we dise nilok nitsi nü ka tiidearok sebaiqto.

Luke 22:52

Kiijiishe, Jesuq raq ramwe jongbi nai Shomjam kheti hokra siihiipbi, kiimaq welabi, kiijaq apaiq lap wa watiiti ma nguto, “Ngi ka thiimeaq ikha namshiq ka wiija wiipiq, kiimaq maiqmii klata do maq warai min sha rarai ta?

John 17:12

Ngi ka tsangshiq rai adam sikang liipan na, ümniiraq akuq haü ümmang jong ningkun maq, ngi raq tsangshiq ka khup wong kuqshat maq rüm wan kang. Ngi raq tsangshiq phong wa, ashi min tiiko mang maq, aheawiq maq tiichhan chhi wan kang. Ashi momiq wantaq riiwe kla, Asii lakdap na awaiq thü bomtsi kra tiikupi wan nguta sholam wailam phan na kihoto.

Acts 16:28

Kra chhi raütiishe, Paul raq tiihong raüta, “Ümniiraq ümmiisaq ka naq tan kiq! Naishiq tarü ajaq asi siisaq!” nguta apaiq ma riimto.

Romans 12:21

Abi jaqsham ma namshiq ka naq tiitang rongkiq. Shatmaq, namshiq raq abi jaqsham ka, ahea jaqsham maq tang wan lili ronglaq.

2 Corinthians 10:1

Ngi Paul raq pumsii maq, namshiq ma ara bomtsi tiitai tiikang. Ngi ka namshiq rai mantut na sitiikang niika, tsan nin woknin we ikha sitiikang. Kiimaq nyea jokjok we nguta liiwan tlan. Shatmaq, kiimphai she tiijaiho latiika, kiqla hiip-hii we miishe jaki tiikang. Jesuq Khristo raq akuq, sobsob bom bom hon atsii nai mangchan tsantsii maq, ara namshiq ka tiijom na lata bom rai tiikang.