Luke 22:44 - ASII LAKDAP Bible (BSI)

⁴⁴ Krai mren, atsan na tsihea maq hali, apaiq raq achu ka jaü nongto. Apaiq achu jaü na riilong wantaq kriikha maq, apaiq khum na ralam sa wa ka, tiijai da ikha hiq na sato.

Hawa Naga Bible 2001

⁴⁴ Yesu kuex vsuing vkuilc vdaz rvhumc ningkhvnc nuex pinhtumc vjux thoz tueq. Vpiq raungluimc htenc muinz tvguiy ikhoc ghaq nuex svrc tueq.

Muklom

⁴⁴ Utin na tsamnang ang eq piq aa jujong jong aa romtam chuta; etho piq ranglom chee tha tahi mal haq náng saal ta.

Luke 22:44 Referencias Cruzadas

ISAIA 53:10

Tatiwe raq ngutlo, “Kriika ngi raq athapthi wanha, apaiq ka chamchao chang nguta; apaiq tsaitaq kriika ngarai diike wan miitu. Krai mren, apaiq raq apaiq lai ala phan kra michhii wan; apaiq rilung ka luhea misi wan, kiimaq apaiq lümaq ijaqsham ka mitiiku wan.

AJONJÜ 1:12

“Ngi ara liilaq,” nguta kriinyung hoqtlo, maiq wanleati achhichhi, “Ngi ma atinkhan chamchao tiisung kuqto, Arka maiq ahinti ju miimin tiisaü mak dea, Arka Tatiwe raq ngi ma, atsankhiq tsi ma tiisaüto.

Luke 22:45

Apaiq ka achu jaü rü maq tiido raüta, ajaqshisetiim phana wato. Apaiq raq liiwa kiita, tsangshiq ka, chapa tsanbitsi holai raq pat wan kha maq, akon she riikito.

John 12:27

“Riita, ümchaü ka ngi ma i tsan tsihea akhing she saü wato. Riita, ümchaü ngi raq jamlai she wa minguha? ‘I We loi, ara akhing ara ngi ma naq tiisaükiq dea,’ ngutiisha minguha? Shatmaq, kiikhiika ngulot mang. Ara jamkhano chong tiikang ngukla, ngi mangjong hiq na pokikang arka, ara chong tiikang chamchao wamong armaq lea wan miitu dongdii akiha!

Romans 8:32

Shiikeawe apaiq riili, Ase shaq santla, tiihang mak maq, nashiq tarü miitu honglu na kuqtaq! Apaiq raq nashiq ma, Ase santla kuqtaq, ikhiijiika, apaiq raq nashiq ma laihin ümchuwa raa wan tlaq, kriitiq sha phe maq kuq mak miraq?

Hebrews 5:7

Jesuq ka mangjong hiq na siji na, achu jaü maq siwanto. Apaiq tsan mong na tiima tsantsii atsin maq, apaiq ka atsai chang wa tiichhii lotti, Shiikeawe jaq wa achu jaüto. Kiimaq makphai trok raüta, ajong maq hong raüta, Shiikeawe ma tiitaito. Apaiq ka Shiikeawe wokhong na phaqchii nichii maq siti kha maq, Shiikeawe raq apaiq achu jaü bomtsi thun kra tre kuqto.