Luke 22:42 - ASII LAKDAP Bible (BSI)

⁴² “I We le, ümniiraq thapthi tlaü kiijaq hong tlaq jiila, ara chamchao kok arka, i dü wa alam riibaiq laq. Shatmaq kriika, ngi tiima khu na riimak. Ümnaq tiima khu na mihong laq.”

Hawa Naga Bible 2001

⁴² “Iwaz lex, mthuinz roc ngoz ruiux kuex vruex kuilc daz ngoz yaq kok kuex ngvy kox wawc tvlvy gay shuiuz. Yuq muinz ngvy thuinroc ikhoc rvmuq maq mthuinz roc m-yaungx kueq,” ngoz tueq vjux thoz tueq.

Muklom

⁴² Piq aa batta, “Iwa, nang unuk ang ujo iri tsamnang kok ri iching wang tathey chak u. Etharin itin nuk o ang moq, ba tinuk o hun cham ang aa.”

Luke 22:42 Referencias Cruzadas

Tvtsvmc 40:8

Ngi raq ümtsanroro jaqsham ka kai lungwiitiikang, i Shiikeawe lei! ümniiraq ngi ma shrinkuqtlaü ka imongjii na shaqtiikang.”

ISAIA 51:17

Jerusalem lei, samtlo laq! Maiqmii tiidolaq laüta chaplaq! Ümniiraq moho chekhap ka baknyang laüshe kata! kriika Tatiwe raq atsankhiqtsi ma nyanglaq nguta akuq kata; ümniiraq baknyang laü, kriiraq tropkhop tlaü.

ISAIA 51:22

Tatiwe üm Shiikeawe raq ümniika tiiwongkuqtlo raüta ngutlo, “Ngi raq chekhap ka lambaiq tiikang she, itsankhiq tsi ma ümniima akuqha kra. Ümniiraq nyang ka raamak she, kra che nyang laüta ümnaq tropkhoprai tlaü ka.

JEREMIA 25:15

Tatiwe, Israilnok Shiikeawe raq ngi ma chongto, “Arjaq ara chekhap itsankhiq maq tiimali thiikang. Ngi raq ümniika ümra mung niiwa tiikitiikang, kra mung thun ma hokuq holaq. Laüta tsangshiq ma armaq phetak chhaq tiibak nyang laq.

Matthew 11:25

Kra akhing na Jesuq raq Awe rai akha riibomto, “I we le, ra nai hiq rümti Tati we le! Ngi raq ümniima pinthum kechu tum tiikang. Ümniiraq atsin ahonti kiimaq tsüwe tsitwe thun ma, jamlai wa apaü riibaiq laü, kra thun tengman tlaq bomtsi ka, jehin nore setiim, jam min saptsin makti thun ma tiichhikuq wan laü she.

Matthew 11:26

O i We le, ümniiraq akha mihong tha wan laq nguta dea tiihongtha kuq wan laü.”

Matthew 20:22

Kiijiishe, “Namnai raq jamlai wa jaü tlan kra sap man. Ngi raq nyang chang chamchao kok kra, namnai raq minyang wan lot han sha?” nguta Jesuq raq ase nai kiima waito. “Nainai raq minyang wanlot hai,” nguta tsangnai raq treto.

Matthew 26:39

Kra ngu raütiishe, apaiq ka phanshi kongkhu linlin na wa raüta, hiq na bumtlii maq akha achu jaüto, “I We le, mai tlaq jiila ara chamchao kok arka i khum arwa alam riibaiq laq! Shatmaq arka ngi raq tiima tiikang kra thaq na seng raüta riimak. Shatmaq ümniiraq jamkho tiima tlaü kra thaq na seng laüta tiihong laq.”

Matthew 26:42

Kiimahali Jesuq ka thongshi ri hali kiho nongto. Raüta akha achu jaüto, “I We le, ara chamchao kok arka i khum wa lambaiq wan maimak, ngi raq nyang chang dongdii she rakitaq jiika, ümniiraq jamkho tiima tlaü, kra thaq na seng laütli tiihong laq.”

Matthew 26:44

Kriikha miishe, Jesuq ka thongshi ri hali tsangtsam ka baiqthü nong raüta, kongkhu lak na kiikha hali tiithongtsam she achu jaüki nongto.

Matthew 6:10

ümmungtan kli misaülaq; Ramungtan na ümniiraq athithi shamtlaq kiikha mangjong hiq niimin mishamlaq.

Mark 14:36

Apaiq raq akha achu jaüto, “I we, i we le! Ümniiriika phanrap milot haü siisaq. Mai tlaq jiika, ngi raq nyang chang, ara chamchao kok arka, alam riibaiq laq. Shatmaq, kiitiina, ngi raq thapthi wantiikang kra phan phan ka riimak. Shatmaq ümniiraq jamkho thapthi tlaü kra phan phan tiihong laq.”

Luke 23:34

Kiijiishe, Jesuq raq, “I We le, tsangshiq ngarai ka adii riikuq laq! Tsangshiq raq jamlai wa klo tlaq kra sapmak,” nguta nguto. Tsangshiq raq langlii raüta, apaiq khea ka tsangshiq liipan na riipheato.

John 18:11

Kiijiishe, “Ümnepja ka ahi na rei tlo laq! I We raq ngi ma akuq chamchao kok kra, ngi raq nyang mang miili lea wan chang ngutiisha tiima tlaü?” nguta Jesuq raq Petar ka sonto.

John 4:34

Kiijiishe Jesuq raq tsangshiq ma chongto, “Ngi ma dung ka, ngi tiikaiti we wak na minshiiq tiikang kra. Apaiq raq ngi ma jaqsham akuq tlot wan tiikang ahata, ngi ma dung pin.

John 5:30

“Ngi raq i tsiitsii maq tri raü ka sham mang. I We raq chongkuq tlaq kra phanphan li shin tiikang. Kriikha maq, ngi raq jamlai wa shin tiikang, kriika khaqkhaq shin tiikang. Ara jamkhano chongtiikang ngukla, ngi riika i mang jong miitu sham mang. Shatmaq, ngi tiikaiti we raq ahea nguta jamlai wa thimi tlaq, kriili sham tiikang.

John 6:38

Ara jamkhano chongtiikang ngukla, ngi ka ramungtan maq mangjong hiq na satkikang arka, i tsiitsii maq jaqsham kai akiha ka riimak. Shatmaq, ngi tiikaiti we Shiikeawe raq jamlai wa thapthi tlaq, kra shamkai kikang.

Acts 21:14

Riita, naishiq raq apaiq ka tiiwinlot mai she kha maq, atei she riikai. Laita, ikhiijiika, “Tatiwe raq jamlai phan wa thapthi tlaq, kriili she dea mihong tha laq,” ngutli she bom ka shat kai.