Luke 22:37 - ASII LAKDAP Bible (BSI)

³⁷ Ara jamkhano chongtiikang ngukla, ngi miitu Asii bomtsi na, ‘Apaiq riika thiimeaq dakubi kharü homa kra riisha howan damto,’ nguta chongtlo. Kra ngi miitu achong thü bomtsi kriika riikhaqli maq kuwan miitu, akhing she hong wato.”

Hawa Naga Bible 2001

³⁷ Ngaz rueq nuimshiq muex jungx kuq ix, ‘Vpiq kuex tvrac phvnx muq miqsaz rulc lomx yaq,’ ngoz tueq Rumvrc luik nuex ngvy lvmz wuiyq shec tueq rulc rv-ngvlc ngvy duix nuex yaungx wvnc tuex, yvmx khoc lac ngoz ruiux lec ngvy lvmz nuex seng vtueq vwuiyq shec kuex hungx wvnc vtuex,” ngoz tueq.

Muklom

³⁷ Asang likwit na bat aa, ‘Piq sha tho miq duktey jamna wet ta’ etho iri tung araaq raa asing ang ching, chammatakoi itung araaq taka aa sha asing thu phana.”

Luke 22:37 Referencias Cruzadas

ISAIA 53:12

Kra ningkhan, Ngi raq apaiq ma shreng jonghea ngachang mikuqha, kra ngachang ka ajong alabi kiimaq ningkun ajong hotibi phong na miraq. Apaiq raq arilung ka khoqriiq shishiiq maq kuqto, raüta abi maiqse kharii kra riisha wan damto. Apaiq raq ngarai maiqse pahea rilung kra la na tsaito, kiimaq tsangshiq mra ka midiikuqlaq nguta achu jaüto.”

Mark 15:27

Kiimaq tsangshiq raq thiimeaq tekti wenai kiimin, Jesuq ma jaqtsi nü na ashi, kiimaq jaqpha nü na ashi, pumsongkham na tübaiq damto.

Mark 15:28

Arka Asii Bomtsi na, “Nokwe raq apaiq ka mat-saü tsasebi rai pop damto,” nguta chongtlaq kra bomtsi kra tiiku miitu hong wanto.

Luke 18:31

Jesuq raq ajaqshisetiim roqshi ri anai ka pong ba na sheaho raüta chongto, “Tai ronglaq! Nashiq ka Jerusalem na kitiikai. Kiijaq Maiq Se miitu shammibi raq jamlai bom wa tiithai chong thütaq thun kra kunkun she miku wan.

Luke 22:22

Maiq Se riiwe kla Shiikeawe raq jamkho tiihongtaq kra phan phan mitsai. Shatmaq, apaiq shaphaqtiwe miika pinthum phiiptsi chang!”

Luke 22:36

Kiijiishe, Jesuq raq tsangshiq ma chongto, “Shatmaq, ümchaü ka, ju jaq niiwa kampho asi lo, thongkhiiq asi jiika lamho ra tlo. Kiimaq ju jaq niiwa nepja ahü, kriiti riika asamtong ka sha raüta, nepja ka ashi ri ra tlo.

Luke 22:52

Kiijiishe, Jesuq raq ramwe jongbi nai Shomjam kheti hokra siihiipbi, kiimaq welabi, kiijaq apaiq lap wa watiiti ma nguto, “Ngi ka thiimeaq ikha namshiq ka wiija wiipiq, kiimaq maiqmii klata do maq warai min sha rarai ta?

Luke 23:32

Maiqwe nai anai, tsangnai wiita matwe naisii riito. Kriimin, Jesuq rai lakshi na tübaiq wan miitu sheahoto.

Luke 24:27

Kra ngu raütiishe, Jesuq raq tsangnai ma, apaiq miitu, Asii bomtsi na Mosheq raq awaiq thü lakdap thun kiimaq pha wan raüta, shammibi raq awaiq lakdap thun na chong tlaq thun kra wiita phanchan kuqto.

John 10:35

Nashiq raq asap i, Asii bomtsi na jamlai wa chong tlaq kriika, tengteng. Kra bomtsi ka ümtiikiimin klaiki mak phan. Kiimaq Shiikeawe raq apaiq asii bomtsi ka ümriiti mo chongkuqtaq, kriiti thun ka Shiikeawe shamsham ikha miraq nguta chong tlo.

John 17:4

Ngi raq üm khushü jonglu ka mangjong hiq na tiichhi kuq kang she. Kiimaq ümniiraq ngi ma jaqsham athaü haü kriimin kun li shamkuq kang.

2 Corinthians 5:21

Khristo raq ngarai ka tangmak dea. Shatmaq Shiikeawe raq nashiq miitu, apaiq ka ngarai kaq ma tiija wanto. Kriikha maq, ümchaü nashiq ka, Khristo puk na nyap wankai krai mren, nashiq ka Shiikeawe raq kechu maiqsetiim miishe tiija wanto.

Galatians 3:13

Shatmaq, nashiq ara, Thungtri manson kharü mong wa daa wan miitu, Jesuq Khristo raq Thungtri manson homa kra howanto she. Ara jamkhano ngutiikai ngukla, Asii bomtsi na, “Juwa pechong na tübaiq tlaq, raüta tsai tlaq, kriiti ka Shiikeawe manson homa ho raüta tsaito ngushat,” nguta chong tlo.