Luke 22:20 - ASII LAKDAP Bible (BSI)

²⁰ Ikiikhiisii hali, apaiq raq raji dungsea jai, kok ka tsangshiq ma ake lam maq akha nguto, “Ara kok arka Shiikeawe Tongshong nye nei chang i tiijai. Namshiq miitu araü kuq.

Hawa Naga Bible 2001

²⁰ Kvrulc rv-ngvlc raungyac dungc saq lot yix, vpiq rueq kok kuex lvmz vtueq, “Vruex kuex nuimshiq tvkoc vruiuc gay ngvy tvguiy maq vtvhungx taq Tishox bomkhvrc vnyalx vtueq.

Muklom

²⁰ Irimal hun, phaksat jio, piq aa ning ma kok tha kot eq batta, “Iri kok wang sutichi raa itahi bara nim rangma qhan ta etho Shkewa jamoq anal raaqkhak hun aa.”

Luke 22:20 Referencias Cruzadas

DUNGWVNC 24:8

Kra raütiishe Mosheq raq ngam tiijai nüchhong win pin thun wiika lamto. Raüta mungmaiqse thaq na batto. Kiimaq apaiq raq akha nguto, “Arka Tatiwe raq namshiq rai tongshongtaq raüta aming thun kuqtaq kra neichang ram tiibok chang tiijai.”

JEREMIA 31:31

Tatiwe raq ngutlo, “Akhing ashi saü wantlo, kiitiikaq Ngi raq Israilnok rai nai Juda mungti rai tongshong anye ashi she mishong wanha.

JEKERIA 9:11

Tatiwe raq chongtlo, “Ngi raq namshiq rai tongshong wan kang. Lata honglu tiijai maq nei wan kang. Kriikha na ngi raq namshiq ka, munglu shumwi kharü mong wa, wiita she midokda wan ha.

Matthew 26:28

“Arka i tiijai, Shiikeawe Tongshong kra nei chang. Maiqse pahea ngarai thun diike miitu araübaiq.

Mark 14:24

Jesuq raq, “Arka i tiijai. Maiq pahea miitu araü kuq. Shiikeawe raq tongshong wantlaq kra ram wan chang, ramkham.

1 Corinthians 11:25

Ikiikhiisii hali, raji dungsea lot jai, apaiq raq kok ka do raüta, akha nguto, “Ara kok arka Shiikeawe tongshong nye kok. I tiijai maq anei. Ümtiikiiwa namshiq raq ara nyang tlan, ngi ka tiima lanta nyang ronglaq.”

2 Corinthians 3:6

Shiikeawe apaiq raq naishiq ma, ara tongshong nye jaqsham ara sham wan miitu ningkun kuq tlo. Ara tongshong nye lakdap arka thungtri lakdap ka riimak. Shatmaq, arka Asii Wenyi jaqsham. Jaq maq awaiq thü, thungtri lakdap riika maiqse ma tsailam kilü khoti dikuq tlo. Shatmaq, Asii Wenyi riika maiqse ma rilung kuq tlo.

Hebrews 12:24

Namshiq ka, Jesuq phana she saü wan lan. Apaiq raq tongshong anye shongkuqto. Kiimaq Abel tiijai nam ma araa, apaiq tiijai maq nei kuqto. Raüta ümchaü sanha, araa phan mikuq ha nguta kiqkham kuqtaq kriiwe phana niishe saü wan lan!

Hebrews 13:20

Shiikeawe raq nashiq Tati Jesuq ka amaa wa tiidong wanto. Apaiq ka skukong Rümti Ajong Pinthum. Arka apaiq miisaq honglu na kuq raüta tsaito kriikha maq jawanto. Kra tsaitaq kra maq pattup pat-sa tongshong kra atiijai maq nei wanto. Raüta sil maq san wanto. Riita hansang Shiikeawe raq namshiq ma namshiq raq apaiq raq rotlaq kra phan phan athuk atsom jaqsham wan miitu phanrap ahea awa phan rong raa tlaq kra namshiq ma asho awo michom rom kuqlaq. Kiimaq apaiq raq Jesuq Khristo lümaq, nashiq khum na apaiq tiichochi chang jaqsham thun kra mishamlaq. Kiimaq Khristo miituli khushü chhainyii jonglu kra pattup pat-sa misilaq! Amen.

Hebrews 9:15

Riita, ara chongtiikai arkha maq, Khristo ka tongshong anye arthaq na kiimwe miishe jawanto. Shiikeawe raq ara tongshong nye ashi shongkuqtaq arka, apaiq raq mangjong maiqse ümchuwa apaiq wokhong na tiisi miitu hea wan tlaq, kriiti ma tachong rilung achu shiiman pattup pat-sa rilung mikuq ha nguta kiqkham kuqtaq kra kewan miitu she shongkuqto. Riita, ara maiqse raq tachong achu shiiman lap tlaq arka, Khristo tsaitaq, kriikha maq maiqse ka tongshong chü pat na ngarai tangtaq kra, achü tri raq ngarai ka tiikhoi kuq lot mak dea riito, kiiwiishe tiichhii kuqtlo.

Hebrews 9:17

Riita, tachong hupsam pheake bomkham raüpot ka, bom khaketi we kra mitsai shaq wiiwii, tachong hupsam thun kriika riiphea lot mak. Bomkham keti we kra tsaikai jai shetiq, apaiq hupsam kra jumiiwa kuqtaq, kriiti raq mirphea lot.