Luke 21:6 - ASII LAKDAP Bible (BSI)

⁶ “Arthun ümchaü namshiq raq chhi tlan arka, akhing ashi saü wan raüjaq, bunlak buncha she mitiibun baiq. Ara jamhai chang longpen diim kaü thun arka, wiita hiq maq hutse botkhulai rai shot tlii mirun baiq.”

Hawa Naga Bible 2001

⁶ Yesu rueq, “Nuimshiq rueq khiz vshuinx htenc kuex kvhttak rvwvnc tuex, lung poshiz muinz kvdaungc kvjungx kaz muq nuex httuiuc laz kvhttak bac wvnc vkhing httuiuc wvnc tuex,” ngoz tueq jungx tueq.

Muklom

⁶ “Nim aa iri thaji khi inn raa, saalshey irimal tho rangham thu phana baro ashey long tho khakla katang na lun moq angna; thaji raa tathak eq taqhat chakna.”

Luke 21:6 Referencias Cruzadas

JEREMIA 26:18

“Man na Hejekia raq Juda mung na hokham jataq akhing na, Moresheth hiqti shammiwe Mika raq mungmaiqse tlotli ma Tati Ningkun Ajongwe raq jamlai wa ngutaq kra akha chongto, ‘Jajon chela ka wak thutlaq ikha mithubaiq, Jerusalem ka jamriim phong li she miraq, kiimaq Shomjam haichang jamkhii ka rumtang pero ma mijaki.’

JEREMIA 26:6

Namshiq raq ibomchong ka tlea wanruqli la riihanla, Ngi raq Shilo chela wa asii jam ka jamkho tiithen baiqkang, kiikha, ara Shomjam armin atiithen mirbaiqha. Kiimaq maiq mung thun raq ara chela mang ka chong raüta manson shiiton miishe mitiija.”

JEREMIA 26:9

Ümniiraq Tatiwe mang na ara Shomjam ka Shilo chela wa asii jam tiithenbaiqtaq kiikha mitiithen baiq kiimaq ara chela armin atiithen mirbaiq. Raüta ara chela na siti maiq ka jumin ahü she miraq nguta jaram wa son laü?” Raütiishe mungmaiqse ka ngi trotam niishe riitsap wanto.

AJONJÜ 4:1

Nashiq chaq achhai anyii thun ka, mutmaqmaq she, Shomjam longpenkaü thun ka, chiiheawea lam na riiphongtlo.

AJONJÜ 5:18

Jamkhano ngukla Jajon chela ka apaiq laqlaq li she, maiq min ahü she. Kiimaq chela rüm mong maq, miikakoi kong li she ngam rit phaq khumtlo.

Mikha 3:12

Namshiq raq arümkhan ashut klo tlan khana, Jajon ka ni ma athubaiq ikha mishthen baiq. Jerusalem ka then wan raüta, hiqmiq changkhü miishe mijaki, kiimaq Noqku Jamjong kin ka, rumnyangkhi miishe mijaki

JEKERIA 11:1

Lebanon lei, kilü thun ka dithü laq, Maisak pero wa maq tiikhiim chaq ma!

JEKERIA 14:2

Tatiwe raq mangjong hiq na siti maiq mung thun ka Jerusalem khatkai miitu adam na misheaho. Raüta rechap ka misürii wan. Jerusalem ka re raq khat raüta mitang wan. Nokmaiqse jam awak thun ka wiita mirut wan. Jechakre ka re raq mihaihiibaiq. Kra chelati khoko ka pongmung niishe munglu shumwi ma mitsuq wan. Shatmaq kiiwa abung akhii tiichong tlaq thun ka munglu shumwi miika tsuq wan mak miraq.

Matthew 24:2

Kiijiishe, “Üm,” nguta apaiq raq treto. “Namshiq raq ara Shomjam kaü tsomwa arli liisiq tlan nya. Ngi raq chongtiikang arka tengteng: Arjam kaü ümchaü namshiq raq liisiq tlan arka, ranaiqshi akhing na namjaqti raq hiq maq barot raüta, wiita tiisii rai she mishthen baiq. Ara jam thun chhi wan tlan arka wiita mirun baiq.”

Mark 13:2

Kiijiishe, Jesuq raq apaiq bom ka treto, “Namshiq riika ara jamjong kaü tsom wa kriili dea chhi tlan nya? Ngi chongpha. Ara jam kaü arka wiita she mitiibun baiq. Raüta, ara jamkaü ara hai chang longkaü thun kra dongdii min hiq maq hutse wiita mirun baiq. Jam riikom kriimin ahü she miraq.”

Luke 21:7

Kra tai raütiishe, “Shrinketi we, riita ara chong tlaü mra pin arka, ümtincho wa misaü wa? Kiimaq, ara akhing she saüto nguta tiichhike miitu ka jamlai phan maji binriim wa misaü?” nguta tsangshiq raq apaiq ma bom ka waito.