Luke 21:37 - ASII LAKDAP Bible (BSI)

³⁷ Jesuq raq kra liipan bala akhing niika, Shomjam na trahoke lishe sito. Kiimaq raji wan raüla, apaiq ka Olip Pero Hiqlam kiina kiho raüta, japki lili riitlo.

Hawa Naga Bible 2001

³⁷ Yesu kuex kvruex raungnuiyq htenc kvkaq Shomc Yuimx nuex tvluing kuq ruiux, raungyac yac nuex Olip ngoz yaq Kanx nuex kaz wvnc vtueq raungwvrx tvlvy ruiux shuex.

Muklom

³⁷ Jesu aa rangney o rangnuk himna tatal kota etho rangja sey ang ajo, ran náng thalat eq olive haqkang na tong ta.

Luke 21:37 Referencias Cruzadas

JEKERIA 14:4

Kra akhing na Tatiwe ka Jerusalem chela maq shedong nü na Olipro Pum na michap. Kiijiishe Olipro Pum ka man nai na shedong nü maq riita shenyap nü na tiikholiiq she mitiikhoki. Raüta aheawea niika jüwiikaü jonghea ashi she midong. Pum khoko ka shekhu nünü niishe mitiikoq wan. Kiimaq khoko ka shemai nünü niishe mitiikoqho.

Matthew 21:1

Jesuq nai ajaqshisetiim ka Jerusalem na kihoto. Tsangshiq ka Jerusalem na saüho nam nam she riito. Tsangshiq ka Bethphej hiqshong niishe saühoto. Kra hiqshong ka Olip Pero Hiqlam na atei wan. Kiimaq Jesuq raq ajaqshise nai wenai ma bom ka

Matthew 21:17

Kiimaq Jesuq raq mungmaiqse phong ka Shomjam niili baiqthü raüta, apaiq ka tiido wanto. Raüta chela tho na Bethani hiqshong kiijaq ajap wa she wawanto.

Matthew 26:30

Raütiishe tsangshiq raq miikhon ashi shito. Raüta Olip Pero Hiqlam niishe wawanto.

Matthew 26:55

Kra bomlot raütiishe, Jesuq raq maiqphong kiima nguto, “Namshiq ka ngi lap wa nguta wiija wiipiq kiimaq klata pi raq maq thiimeaq daku we lapwa ikha warai man sha ra rai ta? Ngi ka wranaiqshe Shomjam na nga lata namshiq ma tra hokuq wan kang ihata. Riita namshiq raq ngi ka kiiwa jamto lap man riilan.

Mark 11:12

Kriimaq napjai ranaiq she, tsangshiq ka Bethani maq, Jerusalem- salem na awa rai riito. Jesuq ka aramtsi riito.

Mark 11:19

Raji niishe, Jesuq nai ajaqshisetiim ka Jerusalem wa ahin na hali wawan nongto.

Mark 14:49

Ngi ka wranaiqshe, namshiq rai Shomjam na trahoke siwan kang riimak sha. Riita namshiq raq ngi ka kiiwa jamto lap man riilan. Shatmaq ümchaü arka, Asii Bomtsi na achongthü bomtsi kra tiihong tha chang she dongdii.”

Luke 19:29

Apaiq ka Olip Pero Hiqlam siim na Bethphej nai Bethani hiqshong ate kra tho niishe saüho raüta sanha, apaiq raq ajaqshi se nai wenai ma bom tiichong ho sinkhu na tiikiholito.

Luke 19:37

Krai mren, Apaiq ka Jerusalem na saüho ma ajeli she, Olip Pero Hiqlam siim na lamhong sat wan chang ba kra jiishe saüto. Kra miiphat she ka, apaiq jai phanti mungnyung mungse wawan dam tlaq kra thun raq, Jesuq raq achong lot mai ümtinkhan wa awang chang jaqsham wantaq thun kra miitu, Shiikeawe ma kechu tumke wan nai apaiq tiitsam kam wan:

Luke 19:47

Jesuq raq mungmaiqse ma wranaiqshe, Shomjam maq traho bom chongkuqto. Shatmaq Ramwe jongbi nai Thungtri shrinketibi, kiimaq welabi raq apaiq ka atsea baiq chang nguta mat ka tan wan ruq li she riito.

Luke 22:39

Jesuq ka chela maq tiido wanto. Raüta rahin jaq watlaq kiikha Olip Pero Hiqlam kiina wawanto. Kiimaq apaiq jai phanphan, ajaqshisetiim kiimin apaiq rai wawan damto.

John 12:1

Tiichhii Wan Poi ma ratrok mishaq na, Jesuq ka amaa wa atiidong wan we, Lajaras hiqshong Bethani hiq na kito.

John 18:2

Jesuq shaphaqti mat we Judas raq kra Olip pero ka asap. Judas raq kriiba ka jamkho sapta ngukla, Jesuq raq ajaqshisetiim ka akhing khing na kiijaq sheaho lili raüta tsangshiq rai adam na nga raüta haisiq kilili riitlo.

Acts 1:12

Kra miishe, kiimwebi ka Olip Pero Hiqlam maq, Jerusalem chela na hali jang wan nongto. Kra hiqlam kriika, Jerusalem chela maq meng shi tin riito.