Luke 21:23 - ASII LAKDAP Bible (BSI)

²³ Kra phiiptsi chang rahiq akhing ka, jechakre wiihanti nai noshii nyung re ma kai phiiptsi jiiptsi chang akhing miraq! Ara mungti ma, kra rahiq akhing kriika, pinthum chamchao riiweachhi akhing miraq. Kiimaq, kra akhing kriika, Shiikeawe raq arnok ma chamchao tiisaü akhing rahiq miraq.

Hawa Naga Bible 2001

²³ Kvruex raungnuiyq wvgvnz nyuiuz nuiyc puix nuingc jix noshawx nyuiuz tamx kuex vgvrx pinhtumc rvhumc tuex! Yvmx khoc lac ngoz ruiux lec vruex mungx htauk vyuq kvhiz juing yunghvlc nuiyc, vruex miq htenc htauk nuex Tishox thuinkhvy murx httuiuc wvnc tuex.

Muklom

²³ Ethi neynap tho, utang bahanhan etho pung tachip tey nu tang, ning thima rapney tsamnang angna. Iri haq ro daqhan tsamnang thupha na, etho iri miqtang khom o Shkewa tsamnang sha qhatna.

Luke 21:23 Referencias Cruzadas

AJONJÜ 4:10

Iphan imaq ma thenjen wantaq kriika, pinthum riitsitsaitsiiq, phiiptsi chang abi pinthum riito. Noshii nyungre raq dongdii min, tsangse noshiisetiim ka tsanglang pit tsi ma, tak na lumphaqto.

DANIEL 8:19

Raüta nguto, “Ngi raq ümniima Shiikeawe tsankhiq tsingo ka jamlai wa miraq kra tiichhi kuq tiikang. Kra riisham makchhi kriika, phangthum akhing na seng raüta tiichhi kuqto.

Matthew 21:16

Kra kha miishe, tsangshiq raq Jesuq ma waito, “Riita, ümniiraq ara tsangshiq raq jamlai wa gisii trang rai wantaq arka tai tlaü khata?” Kiijiishe Jesuq raq, “O, arka ngi riimin la taishat na!” nguta tsangshiq bom ka treto. “Riita, namshiq raq asii lakdap na, ‘Ümniiraq nosere nai noshiisetiim ma pinthum athuk atsom tiitsam kam bomtsi ka shrinkuq laü!’ nguta chongtlaq kriika namshiq raq phat man dea sha riilan?” nguta tsangshiq ma waito.

Matthew 21:41

Kiijiishe tsangshiq raq apaiq bom ka, “Apaiq raq matwetiim ka wiita mijiip baiq. Raüta wak ka akheng riikhaqli akhing na keti maiq ahinti miishe mitiishiip kuq,” nguta treto.

Matthew 21:44

Juwa ara longkaü na tiithaü wan tlaq, kriiti ka bunlak mibun wan; kiimaq ju dü niiwa ara longkaü ara dea jiiq, kriiti ka botkhulai ma mitiija baiq wan.”

Matthew 24:19

Kra mra pin akhing bala jechakre wiihü wiihanti nai noshii nyungre miika pinthum phiiptsi chang jonghea miraq!

Mark 13:17

Kra mung mra pin chhanghang jonghea bala ka, jechakre juwa wiihü wiihan sitlaq, kiimaq noshii nyungre sitlaq, tsangshiq miika nü maq achonglot mai chang chamchao jonghea akhing miraq!

Luke 19:27

Riita, ija, ümchaü min, i jaqtinok, ngi ka tsangshiq khuthaq na hokham ma tiija wan lungwii makti thun kriika, lap wa lanta ana tsiiq wa rongkiq. Lanta, tsangshiq ka ajaq, i makki na jiipbaiq ronglaq!’ ”

Luke 19:43

Kriikha maq, ümniima akhing she misaü wan, ümniika ümjaqti raq trotam maq, tangphak she mirukbaiq, kiimaq mitangbaiq. Raüta ümniika chela mong na trotam maq mikombaiq.

Luke 23:29

Ara jamkhano chongtiikang ngukla, liirong laq, tsangshiq raq, ‘Ai, ara akhing ara saühü sehü nyungre ma khoti kopan jonghea!’ nguta tiishudaq akhing misaü wan.

1 Corinthians 7:26

Riita, ümchaü pat wa rilung na chamchao litkot ümchuwa sitlaq, kra liiwan haü jiila, ngi raq tiima niika, juwa ümchaü jamkhiiwa sitlan, kiikhiili siraü jiiriiwe ka ahea miraq.

1 Thessalonians 2:16

Tsangshiq raq naishiq ka, Tsütsa Ahea ka Pongnok phan ma tiichhii wan rilung lap chang bomtsi ara chongke wan kiimin, wiita tangta baiq lai nguta kintangto. Shatmaq, tangta wan lot mak dea riito. Tsangshiq raq atinkhan ngarai tang wantaq kriikha maq, tsangshiq ka ümchaü sanha ngarai bu hotibi miishe jawan tlo. Arkha maq ümchaü atiisup wan na sanha, Shiikeawe tsankhiq ka tsangshiq khuthaq niishe saükito!

Hebrews 13:16

Kiimahali, nashiq raq kongti kiimti ma khrum shan kewan jaqsham ahea ka, ümtiikiimin naq laq rongkiq. Ara kongti khrum tiikai jaqsham ahata, Shiikeawe tiichochi chang honglu ngamrea shaütu.

James 5:1

Riita, ümchaü ka namshiq chiithe laopanbi miishe chongkuq pha, tai ronglaq. Samhea tiitsang tai rong laq! Namshiq ma waqkhü kham nyang akhing she saü wan tlo!

1 Peter 4:17

Phangthum Khapho ranaiq saüho miika ajeli she. Shiikeawe raq asengi kha ka kongkhu mipho phaho. Shiikeawe raq nashiq kha ka kongkhu mipho. Ikhiijiika, Shiikeawe raq atiichongki Tsütsa Ahea ma kam wan makti ka Shiikeawe raq ümtinkhan she wa tiichamchao jiiq riila! Kra chamchao ngutlaq kriika, achonglot mai phiiptsi chang!