Luke 21:16 - ASII LAKDAP Bible (BSI)

¹⁶ Namshiq ka nam nyungwe raq mitiishaü baiq. Namphu namno raq, namshiq ma tanyang senobi raq, kiimaq kongtibi raq mitiishaü baiq. Namshiq phong wa wiijamti ka, atsea mirbaiq.

Hawa Naga Bible 2001

¹⁶ Nuimshiq nyuiuz vwaz, phuz vnox, phvnx vmaq nuiyc kungjix htenc lekuy gay rvhumc tuex, nuimshiq wawc wvyvmc kuex thvt gay kv-phuinx.

Muklom

¹⁶ Nim nu nia wa, pho aa no, juntey tang, etho nim noknu nia wa tang aa ning aa nim raa thalo phanin etho nim wang chamtey tha tikwat na.

Luke 21:16 Referencias Cruzadas

JEREMIA 12:6

Ümphu ümno ümjamtitiim raq santla ümniika tiishaübaiqtaq; tsangshiq riimin ümnaq ngengtibi rai pong raüta ngengtlaq. Tsangshiq miika naqkamkiq, tsangshiq raq bom ka aheawiq bom raü min.”

JEREMIA 9:4

Maiq loweatek raq aphunowe ma honkam shatmaq sichang, Juwe riimin akongtiwe miika kamtsantsii thülot mak; jamkhano ngukla phunaino ümchu wa sitlaq ka Jakob ikha laopha maiqse siisaq, kiimaq maiq loweatek raq aphunowe chongsiqtlo.

Matthew 10:21

“Maiq wiijamti raq maiqmii phu ano thun kiimin rung na mihit thüki. Raüta mitiitsat baiq. Kiimaq, kiikhiisii hali awetiim riimin asetiim ka mitiitsat baiq. Kiimaq asetiim riimin anyungwe ka ngeng raüta mitiitsat baiq.

Mark 13:12

Maiqse raq maiqmii phu ano kra atsea baiq miitu atlap mirkuq. Awetiim raq asetiim ka milap kuq. Asetiim raq awetiim ka mingeng. Raüta, milap kuq. Raüta, atsea mirbaiq.

Luke 12:53

Awetiim raq asetiim ka mingeng wan. Kiimaq asetiim raq awetiim ka mingeng wan. Anyungtiim raq ase jechaksetiim ka mingeng wan. Kiimaq ase jechaksetiim raq anyungtiim ka mingeng wan. Anyai-chhitiim raq anam-nyungtiim ka mingeng wan. Kiimaq anam-nyungtiim raq anyai-chhitiim ka mingeng wan.”

Luke 21:15

Ara jamkhano chongkuqtiikang ngukla, ngi raq namshiq ma phaqchi mikuq kang. Namshiq raq maiqmii khum tiikhe bomchong ka, namjaqti nok raq jurmin khü lot mak chang bom michong kuq han.

Luke 21:17

Namshiq ka ngi tingkhu na maiqse angu wiitarü riishe mishushe wan.

Acts 12:2

Apaiq raq Johan ma aphu Jakob ka lap raüta nepja maq tiise baiqto.

Acts 7:59

Tsangshiq raq apaiq ka long maq thong tlaq liipan na, Stephen raq Tatiwe jaq wa, “Tati Jesuq Khristo lei, i tsai ji ara ümniiraq tao laq!” nguta achu jaüto.

Revelation 12:11

Tsangshiq raq apaiq ka Skuse tiijai maq nai, tengteng bomtsi chongkuq wantaq kriimaq tang wanto she. Tsangshiq raq atsai ma kham raüta, tengteng bomtsi ka chongkuqto.

Revelation 2:13

Ngi raq namshiq sitlan chela ka Thawe hokham sichang ba nguta asapha. Namshiq ka ngi rai tingting maq sitlan. I jaqshise maiqshaq pinthum, Antipas ka ngi ma kamtlaq kha na tsat baiqto. Apaiq ka Thawe hokham sichang ba maq tsatto. Apaiq tsaitaq akhing niimin, namshiq kamtsantsii thaq man maq silan.

Revelation 6:9

Kiijiishe, Skuse raq sil atrap phan biingi ngoja kriishe tiibun raüta linto chhikang. Kiijaq ngi raq berongwacha na, Shiikeawe bomtsi tsapkapkap maq chongke kha na, Shiikeawe sengi atsatbaiq wanti tsaiji wenyi kong ka pahea chhikang.