Luke 21:1 - ASII LAKDAP Bible (BSI)

¹ Jesuq ka Shomjam na riito. Jesuq raq Shomjam mong na tro tri tiitsang liito. Kiimaq, kiijaq chiithe maiqse raq tsangshiq honglu ka, Shomjam kampho tek na thiirea chhito.

Hawa Naga Bible 2001

¹ Yesu rueq tvroz nuex lawc koq tueq shomc yuimx kuimphox htawc juing jep nuex luiz waungx bix rueq yauk noalc htawc yaq kuex khiz tueq.

Muklom

¹ Jesu aa thaji chingko náng tunsiinta, etho tanglom wa tang aa thu eq rangnuk him ngin shingching khok na ngin rongsak aa tha siintan ta.

Luke 21:1 Referencias Cruzadas

1 HOKHVMX 14:26

Raüta apaiq raq Shomjam mong wa nai hokhamwe jam na chaq aseng ümchuwa sitlaq thun kra, kiimaq Solomon raq chaq maq alo liiq thun kra wiita hutho raüta kihoto.

2 HOKHVMX 12:9

Kiijiishe Jehoiada raq tekkaü ashi, ahap na apu asi kra lamto. Raüta kra tekkaü ka berong-wacha tho na Shomjam mong na nyap wan na jaqtsi nü siim na toto. Raüta kiijaq ramwebi jaqshamti kilamchong na chapti raq mungmaiqse noqku na wati raq kampho kuq tlaq kra wiita tek mong na thiitlo.

2 HOKHVMX 24:13

Kiimaq Shomjam wa tsuq tum thun nai hokhamwe jam wa tsuq tum thun kra wiita Bebilon mung niishe howanto. Tatiwe raq tiithaitaq kra phan phan she dea, Hokhamwe Solomon raq Shomjam na lang miitu ümchuwa chaq maq atiiq tak apin thun kra wiita tiibun tiiqbaiqto.

2 KAÜWA WERAÜ 36:18

Bebilon mung hokhamwe raq Shomjam ka runto, kiimaq Shomjam wa tsiiq nai nyam tum thun kra runto, kiimaq hokhamwe tsiiq tum kiimaq asengi ajong alabi thun tsiiq tum thun kra thum thum runto. Raüta Bebilon mung na hophaq wanto.

NEHEMIA 13:13

Krai mren, ngi raq honglu thü chang khok thun kra liiwanti cherewetiim shong wan nong kang. Tsangtsam ka arwetiim ara: ramwe Shelemia; Thungtri taksuwe Jadok; kiimaq, Lewiwe Pedaia. Kiimaq, tsangshiq khrum miitu ka, Jakkur se Hanan, Mathania ma asaü kra shongkang. Ngi raq, arwetiim ka, tsangshiq kongti ma, phaq nai sea kra aheawiq maq miphea kuq wan lot, nguta kam tiikang. Kra ningkhan, jaqsham ka tsangshiq ma kiinong kuq kang.

Matthew 27:6

Ramwe jongbi raq kampho thop ka tsunto. Raüta bom ka akha riichongto, “Arka mattsiiq. Shomjam kampho tek na thü miika ashe. Arka nashiq Thungtri na angmak.”

Luke 20:47

Tsangshiq riika, manti liihi nyungre ka süpsi wantlo. Kiimaq achu jaü ka, shetangtang tiichhi ha jaü raüta, tsangshiq jamkun ka wiita laolii phaqsiq wan tlo! Tsangshiq khuthaq na Shiikeawe raq kha ka jonghea mikuq. Kiimaq tsangshiq miika pinthum achonglot mai chamchao jonghea mikuq wan!”

John 8:20

Riita, ija, Jesuq raq ara mungmaiqse ma trahokuq wantaq thun arka Shomjam mong na aluke chang khok mong maq chongkuqto. Apaiq ningthoi akhing ka misaü shaq kha maq, apaiq dü na jurmin jaqkaiq maq sham lot mak riito.

JOSHUA 6:19

Phanrap hup nai sam kampho maq atiiq, chaq maq atiiq, nairai maq atiiq, kiimaq jin maq atiiq, thun wiita ka Tatiwe rii pong na asii ngamrea arai thüwi she. Arka Tatiwe tsamtiip khok na thü chang,” nguta aming kuqto.

JOSHUA 6:24

Kra lot raütiishe, tsangshiq raq chela ka wa maq tiibunlak, hiq maq hutse chaqbaiqto. Shatmaq hup asam thun chaq maq atiiq, kampho maq atiiq, miiki maq atiiq, kiimaq jin maq atiiq thun ka, tsangshiq raq ümchuwa riichom taq kriika, lamho raüta Tatiwe tsamtiip khok na thühoto.