Luke 20:25 - ASII LAKDAP Bible (BSI)

²⁵ Kiijiishe, “Ikhiijiika, Hokhamwe la ka Hokham we ma kuq rong liina. Kiimaq Shiikeawe la ka Shiikeawe ma kuq rong liina,” nguta Jesuq raq tsangshiq bom ka treto.

Hawa Naga Bible 2001

²⁵ Kvkhoc rvtueq Yesu rueq, “Vhvlx, kvkhoc ngoz ruiux kuex Honoc muex seng yaq kuex Honoc muex kuq shuinz, Tishox muex seng yaq kuex Tishox muex kuq shuinz,” ngoz tueq jungx tueq.

Muklom

²⁵ Req Jesu aa batta, “Irimal ang ajo, ka eq ajong lungwang ráng chamlang ang aa shi ajong lungwang ma kot inn etho Shkewa rang chamlang ang aa shi Shkewa ma kot inn.”

Luke 20:25 Referencias Cruzadas

TAKSU LAK 24:21

Ise lei, Tatiwe ka shrenglaq. Kiimaq hokhamwe ma manto laq. Tsangnai kiqkhiiti rai, naq riikongkiq.

Matthew 17:27

Shatmaq nashiq raq tsangshiq tsan tiibi wan ka romai. Kriikha maq ümniika thamchum kiina kilaüta ngiq ka pun kikiq. Pun pha shaqshaq pun tlaüti nübok ka riip laq. Kiijaq ngiq nübok na kampho sii ashi mihum haü. Kra kampho sii maq nanai la shomjam phunta kerii riikhaqli miraq. Kra lam wan laüta kuqwakiq.”

Matthew 22:21

Kiijiishe, “Hokham we mang,” nguta tsangshiq raq treto. Kiijiishe, “Riita ikhiijiika Hokham we rii ka Hokham we ma kuq rong liina. Kiimaq Shiikeawe rii ka Shiikeawe ma kuq rong liina,” nguta Jesuq raq tsangshiq bom ka treto.

Mark 12:17

Kiijiishe Jesuq raq, “Ikhiijiika, Roman Hokham we la ka apaiq ma kuq rong liina. Kiimaq Shiikeawe la ka, Shiikeawe ma kuq rong liina,” ngutiishe Jesuq raq tsangshiq bom ka treto. Kiimaq Jesuq bomtre kra tai raüta, tsangshiq ka kai amao riito.

Luke 20:24

“Kampho sii ashi ka lii i ta. Riita, arjaq sumla nai amang waiqtaq arka, ju sumla wa kiimaq ju mang wa waiqta?” nguta Jesuq raq tsangshiq ma waito. Kiijiishe, “Hokham we sumla nai Hokham we mang,” nguta tsangshiq raq bom ka treto.

Acts 5:29

Kra tairaütiishe, Petar nai akongti kiimwebi raq bom ka akha treto, “Naishiq raq Shiikeawe aming tai chang. Maiqse aming ka riimak.

1 Corinthians 10:31

Ahea na. Kriika riikhaqli ngutlaü. Ümniiraq dungsiq laü lo, phanrap ka Shiikeawe khushü tiijong miitu li phaqsiq ronglaq.

1 Peter 4:11

Jurwa Shiikeawe bomtsi chongkuq tlan, kriiti riika Shiikeawe kiq wa adeaki ikha, trahoke raa tlo. Jurwa phungtuti ma jaqsham kuq tlan, kriiti riimin Shiikeawe raq akuq ningkun maq shamke wan chang. Kra namshiq liipan na akha jaqsham tlan krai mren, wiitarü raq Jesuq Khristo lümaq Shiikeawe kli mishom ra wan laq. Jesuq Khristo kli pattup pat-sa khushü kiimaq ningkun ajong rümti we. Amen.