Luke 20:22 - ASII LAKDAP Bible (BSI)

²² Riita, ümchaü ümniiraq naishiq ma bom poshi chong liita, nashiq raq Roman Hokhamwe ma phuntake kriika, nashiq Thung- tri na hong tlaq sha hong mak wa?”

Hawa Naga Bible 2001

²² Nuiyshiq rueq Roma Honoc muex hihic kuy juing shuex, hic kuq miq juing lac? Htawc ruiux kuex nuiyshiq Tvrac muex vyaq lac? jungx kuq koq,” ngoz tueq wiz tueq.

Muklom

²² Í ma batphu, í thong na Rome ajong lungwang ma phunta ukot eq chingti kotching ang moq aa?”

Luke 20:22 Referencias Cruzadas

EJRA 4:13

Riita, Ajongwe lei, tsangshiq raq ara chela tro wa longperuk kriishe hai lot raü jiika, mungmaiqse raq ümniima phunta kuq tlaq kriimin kuqmak she miraq. Kriishe nguraü ka, hokhamwe raq mungmaiqse jaq wa hirii wan tlaq phunta ka akom she mirki.

EJRA 9:7

Naiti naiwi pat maq pha raüta, ümchaü niitaq saüli, naishiq ara ümsengi, ümphan ümmaq asii maiqsetiim raq pinthum achong min lot mai, ngarai pahea tang wan kai. Naishiq nok raq ngarai tang wan kai kriikha maq, naishiqnok hokhambi thun, kiimaq naishiqnok ramwebi wiita, pongmungti hokham rewe jaqkhon mong na lap wanto. Raüta tsangshiq ka jiipbaiq wanto. Kiimaq naishiqnok tsiiq anyam tum thun ka wiita khaükhokkhok hut wanto. Kiimaq naishiqnok ka pongmung na, rewa shumwi ma shea wanto. Naishiqnok ka achong lotmai, ji maq niwantlii raüta, ümchaü ranaiq niitaq saüli, chamchao shummii homa howan laitli sitiikai.

NEHEMIA 5:4

Kiimaq, maiq wiijamti riika, “Naishiq ha hokhamwe ma wak phunta, kiimaq spiqro phunta thun kewan chang kampho ahü kha maq, kampho nam laita, maiqtijong howan kai. Laita kra kampho maq phunta kuq wan kai.

NEHEMIA 9:37

Naishiq minshiiq hunnii wankai, hokhambi ma tijong hihi kuq wan kai. Arka naishiq ngarai tang wan kha na, ümniiraq naishiq ma, dise kharü li she tiiho kuq laü. Tsangshiq raq naishiq khuthaq na, naishiq nyamse khuthaq na, ji maq nishishi lishe, tiichamchao wanto. Naishiq ka pinthum pitlang pitthea, chamchao kharü mong na, sitiikai!”

Matthew 17:25

“Üm kuqtlo” nguta Petar raq treto. Kra riibom jai she Petar ka jam mong na nyap wato. Kiijiishe, Petar raq michong shaq niili Jesuq raq waito, “Simon ümniiraq jamkho tiima tlaü? Ara mangjong hiq na honyung hokhambi sitlaq kriima phunta ka ju raq kechang wa? Maiqmii mungti raq kechang sha pongmung maiqse, wansha we raq kechang wa?”

Luke 20:21

Ara siwebi tiikitaq ariiraq, Jesuq ma bom ka akha waito, “Shrinketi we, ümniiraq jamlai wa chong tlaü kra nai jamlai wa shrinkuq tlaü kriika tengteng dea. Naishiq raq asap hai, ümniiriika maiq sham na lii laüta, maiqse ka tiikhothiq maü phan. Tengtlaq Shiikeawe bomtsi ka maiqse miitu chongke chang sitlaq kriili chongkuq tlaü.

Luke 20:23

Shatmaq, Jesuq raq tsangshiq thiikho ka chhi shat. Kriikha maq,

Luke 23:2

Raüta, tsangshiq raq apaiq ma kha ka akha nyanto, “Arwe ariiraq, naishiq nok mungmaiqse thun kriika, mungshuk lam phan na sheaho wa, naishiq raq apaiq ara lap wan kai. Apaiq raq Roman Hokham we ma phunta kewan ra mak nguta mungmaiqse ka tiishontlo chhi tiikai. Kiimaq, apaiq ka naishiq Jehudinok mung thaq na Khristo nguta tiichongtlo. Kriika hokham we nguta tiingo riito.”

Acts 5:37

Kra jai miihali, Gelili wangti we Judas nguta maiq weshi hali, wela dong tiikang, nguta balashise tsangpii raito. Kriika mungmaiqse mang waiq akhing bala riito. Apaiq riimin mungmaiqse ka pahea tiimiirurangto. Shatmaq, apaiq kiimin tsatbaiqto. Apaiq tsaijai, asengi thun ka pongpin riipin wiita pintrangto. Raüta, mokito.

Romans 13:7

Arkha maq, namshiq raq jamlai phan phunta kechang wa sitlaq, kra kuq rong laq. Pumsii miitu phunta, kiimaq tachong hupsam phunta jamlai wa ake chang asi, kra wiita kuq ronglaq. Kiimaq tsangshiq tarü ma, shreng manto tiichhi, shiipan pin ka kewan chang, kra wiita khum khum klo ronglaq.

TRI CHONGKE 17:15

Riikhaqli tsan na tiitsanglaq, ümniiraq üm hokhamwe ma tsea wan tlaüwe kriika, Tatiwe raq atsea wantiwe kra shong chang. Apaiq ka namshiqnok maiq phan wa riichang. Pong mungti ka namshiq hokham ma shong maimak.