Luke 20:14 - ASII LAKDAP Bible (BSI)

¹⁴ Shatmaq, wakshiip seatinok raq, ase shaq kriishe chhi raüta, tsangshiq nai tsangshiq liipan na, ‘No tsam, arhata atati we se. Nashiq raq apaiq ara tiishe rong i na. Kriishe riihai jiika, apaiq tachong hupsam thun kriika nashiq rii she miraq!’ nguta bom ka riichongto.

Hawa Naga Bible 2001

¹⁴ Yuq muinz sunc jix hez rueq vsaz kuex khiz vtueq, ‘Vruex saz kuex sunc taungjix rvtueq, tsak jungx lvp wvnc jix waz rvtueq. Tsak jungx kuex naunghez rueq lvp laz juing piq kuex thvt gay ix!’ ngoz tueq rvjungc phvnc tueq.

Muklom

¹⁴ Etharin jakthang ma somtey tang aa piq tha khi atho, ning ni ning jaktungna rongwan ta, ‘Ira tangteywa sa. Kaphin piq ri tatik eq chak i, etho piq rang chamtan lik angin sha hiqtang rang sey angna!’

Luke 20:14 Referencias Cruzadas

Tvtsvmc 2:8

Jaülaq, raüla ngi raq ümniima maiqmung thun kunli mikuq kang; hiqraikhü tlotli ka ümniirii she miraq.

Tvtsvmc 89:27

Ngi raq apaiq ka ise chhikhuwe ma mitiijaha, hokhambi thun wiita thaq na ajong pinthum.

Matthew 16:7

Kra tai raüta, “Apaiq raq ara ngutlaq arka nashiq raq winsii lamho mai dea riikaita ngutlo,” nguta tsangshiq liipan na riichongto.

Matthew 21:25

Riita Johan ma khamlamke wan miitu arang ka juro kuqta? Shiikeawe raq sha maiqse raq akuq wa?” Kiijiishe tsangshiq liipan na akhiishe riikhiito, “Nashiq raq jamkho mitre rong i? ‘Shiikeawe raq akuq’ nguta ngu hai jiika, apaiq raq, ‘Riita namshiq raq Johan bomchong ma jamto kam man?’ nguta mingu.

Matthew 21:34

Spiqtsi mancho akhing she saüto angu niishe, apaiq raq adisetiim ka wakkheng na shamseati phana, akheng tiijaü wa she tiiwato.

Luke 19:47

Jesuq raq mungmaiqse ma wranaiqshe, Shomjam maq traho bom chongkuqto. Shatmaq Ramwe jongbi nai Thungtri shrinketibi, kiimaq welabi raq apaiq ka atsea baiq chang nguta mat ka tan wan ruq li she riito.

Luke 20:13

Kra riikiitiishe, spiqtsi ro wakchongti we riika, ‘Riita, ümchaü sanha, ngi raq jamlai she wa mirha? Ikhla, ngi raq I se shaq arli she tiikai chang miraq. Tsangshiq raq I se shaq arshe kla, mishreng she ahiq!’ nguta atsan mong na tiimato.

Luke 20:15

Krai mren she, tsangshiq raq apaiq ka lapho raüta, spiqtsi ro wak phekam na hitho raüta tsatbaiq kito.” “Riita, ikhiijiika, wakchongti we raq wakshiip seatinok kriika jamkhii she mirwan ngutiiwa tiima tlan?” nguta Jesuq raq tsangshiq ma bom ka waito.

Luke 20:19

Kra tai raüta, Thungtri shrinketibi nai ramwe jongbi raq, Jesuq ka kriijiili lapholai nguta danto. Kra jamkhano tanta ngukla, kra manphan shiiton maq tsangshiq ka shiitanto nguta sapto. Shatmaq, tsangshiq ka mungmaiqse ma ahai kha maq, apaiq ka lap mak dea riito.

Luke 20:5

Kra tai raüta, tsangshiq liipan niishe akha riichongto, “Nashiq riika jamkho mingu rong i? Nashiq raq, ‘Shiikeawe raq akuq,’ nguta ngu hai jiika, apaiq raq, ‘Ikhiijiika namshiq raq Johan bomchong ma jamto kam man?’ nguta mingu.

Luke 22:2

Ramwe jongbi nai Thungtri shrinketibi thun ka mungmaiqse ma ahai. Kriikha maq, tsangshiq raq Jesuq ka ahukse maq tsea baiq ma nguta, lampu rit konchon wan shat miishe kheto.

Acts 2:23

Arka Shiikeawe apaiq raq kongkhu miiphü tiihong wanje she dongdii. Apaiq raq tiihong wantaq kra phanphan, Jesuq ka namshiq jaqkhon mong na tiishaü kuqto. Kiimaq, namshiq riishe, apaiq ka ngarai maiqsetiim ma kiinong kuq lantiishe, pumsongkham na tiitü baiq lanta tiitsat baiq lan.

Acts 3:15

Namshiq raq maiqse ma tsitsü raüchong tiichamketi we kriika, atsea riibaiq lan. Shatmaq, Shiikeawe raq apaiq ka amaa wiishe hali tiidong wan nongto. Kiimaq, apaiq ka amaa wa dong wantaq kra chhi wantibi hakhi ka naishiq sitiikai.

Romans 8:17

Riita, ija, ümchaü sanha, nashiq ka asetiim she jawan kai kha maq, Shiikeawe apaiq raq, aphan amaq she nguta asengi miitu, achu shiiman ümtin khan wa rüm tlaq, kra thun ka wiita milap wan dam rong i. Kiimaq nashiq riika, Shiikeawe apaiq raq Khristo miitu, ümchuwa achu shiiman rüm tlaq, kra wiimin milap wan dam rong i. Riita arka, nashiq raq Khristo chamchao wantaq homa kra, jamkho riisha howan dam tiikai, kra tinkhan, nashiq raq apaiq achhai anyii khushü ngao kriimin, milap wan dam rong i.

Hebrews 1:2

Shatmaq ümchaü sanha, ara phangthum wan pat she ngo maq, Shiikeawe raq nashiq ma tsii chongke ka, Ase nübok lümiishe bom dam tlo. Shiikeawe raq Ase lümaq, ara ra nai hiq ara phansang wanto. Kiimaq Shiikeawe raq Ase ka phangthum jai maq ara ra nai hiq thun wiita kunli ara rüm wan miitu ashong wan kun she.