Luke 2:39 - ASII LAKDAP Bible (BSI)

³⁹ Joseph nai Meriq raq Tatiwe Thungtri jaqsham lot raütiishe, tsangshiq hiq shong, Gelili wang na Najareth chela na hali jang wan nongto.

Hawa Naga Bible 2001

³⁹ Yosep nuiyc Mary kuex Taungjix tvrac rulc rv-ngvlc phvnx ruip saz tvhungx lot vtueq, Galile hong wawc Nazaret ghaq nuex yek waung tueq.

Muklom

³⁹ Joseph nia Mary Teyhungwa thong na batta tha thun som eq Galilee mung na ningni samhaq Nazareth náng welta.

Luke 2:39 Referencias Cruzadas

Matthew 3:15

Shatmaq Jesuq raq abom ka akha treto, “Ümchaü lak na riiwe ka ngi raq ümniima jamlai wa thaü tiikang, kli sham laq. Arka, Shiikeawe raq kechu jaqsham kiimung ümchuwa thapthi wantaq kra tiikupi wan jaqsham.” Riita, krai mren Johan raq apaiq ma jaq ka sham kuq wanto.

Luke 1:26

Elijabeth ka wiihan jipi lü trok asi wanwi niishe, Shiikeawe raq rase Gebriel ka Gelili wang na Najareth hiq na tiikito.

Luke 1:6

Tsangnai wiita ka Shiikeawe maklii na kechu maiqse sii riito. Tsangnai ka Tatiwe tri raütu nai aming thun kra, kunkun lang raüta siti maiqta ashi.

Luke 2:4

Kiimaq, Joseph ka Gelili wang na Najareth chela maq, Judia wang na Bethlehem chela Dawit rawüchhi chang hiq na kihoto. Joseph ka Dawit saüse phan kha maq, kiijaq kihoto.

Luke 2:51

Riita, Jesuq ka anyungwe rai, Najareth hiq na hali jang wan damto. Raüta apaiq ka anyungwe wokhong na phaqchii nichii maq sito. Anyung raq arthun bomtsi lea wantaq arka, atsan mong na tiitsang dada maq shiwea wan raüta shaqthüto.

Luke 4:16

Kra akhing na, Jesuq ka apaiq jonglu wan chang hiqshong Najareth hiq na wato. Raüta, Asii Niitiitsak ranaiq na, apaiq ka rahin jaq kitlaq kiikha, sinagok na kito. Raüta, apaiq ka Asii bomtsi phat chapto.

Luke 4:23

Kiijiishe apaiq raq, “Ngi raq sapshat, namshiq raq, ngi ka ara bomtsi armaq mikhettot han, ‘Taktot we, ümthatsi ka kongkhu tiihea liishaq,’ nguta mishipoq han. Kiimaq, namshiq raq, ngi nangnga, Kaparniam na awang chang jaqsham wankang kra, ara i hiqshong ajiimin sham nonglaq nguta mingu han.”

TRI CHONGKE 12:32

“Ngi raq namshiq ma ümchuwa aming kuqkang thun kra wiita lang ronglaq. Arthaq na laihin naq tiitsuq rongkiq. Kiimaq kriithun wa aming tsi shi ra min lambaiq maimak.