Luke 19:9 - ASII LAKDAP Bible (BSI)

⁹ Kiijiishe, Jesuq raq tsangshiq ma chongto, “Ümchaü ranaiq Shiikeawe raq ara jamkun ara chhii wanto she. Ara jamkhano chong tiikang ngukla, apaiq armin Abraham saüse phan sii.

Hawa Naga Bible 2001

⁹ Yesu rueq, “Majuiuc raungnuiyq vruex yuimx vyuq palc daungc wvnc lvmx httuiuc kaz tueq, yvmx khoc lac ngoz ruiux lec piq muinz Abraham suiuz vsaz rvtueq.

Muklom

⁹ Jesu aa piq ma batta, “Thaney aa iri him ro lun thutapha, chammatakoi iri miqwa raa tho Abraham phi aa lí.

Luke 19:9 Referencias Cruzadas

Luke 13:16

Riita, ümchaü ara Abraham lai maiqnyung ashi, Thawe raq wiiroqshi ri wiitiichat kharü maq kha raüta tiichamchao wanto. Apaiq kra tiq sha, Asii Niitiitsak ranaiq na kharü mong wa tiidong ra mak ngutlan?”

Luke 13:30

Kra akhing na, ümchaü juwa jai na watiikai ngutlaq ti ka phukhu welabi ma mija wan. Kiimaq ümchaü juwa sinkhu na lamsheati anguti ka aran ma mija wan.”

Luke 16:24

Kra chhi raütiishe, apaiq raq Abraham ma chongto, ‘I we Abraham le! Ngi ma mangchan laq. Laüta, Lajaras ka ana tiikilaq. Ajaqshi se ka kham na tiipum raüta, i tili ara kham maq phanshi ra saq tiikaiq kuq ki raüjaq ahea miraq. Ngi ara walü mong niishe, achong min lot mang she chamchao wankang!’

Luke 16:30

Kiijiishe, chiithe we raq treto, ‘I we Abraham le, kra lamlamse ka hong mak! Shatmaq, maiq weshi ra, ama wiishe dong wan raüta, tsangshiq phana ki raüta tsii chongkuq ki raü jiika, tsangshiq ka ngarai mong wa tsantsii miklai wan.’

Luke 2:30

Ümniiraq tiichhii wan lam ka tankuq laü she. Arka ümchaü i mak maq chhi kang she.

Luke 3:8

Namshiq raq, ngarai tsantsii ka klai kai she dea nguta, namshiq jaqsham maq, atsi ango kra tiichhi kuq ronglaq. Namshiq liipan na, ‘Nashiq ka Abraham lai ala. Nashiq ka Asii maiqsetiim,’ ngutiika, naq tiishom ra rongkiq. Ngi chongpha. Tai ronglaq. Shiikeawe raq ara longkaü thun arwiili, Abraham lai ala kra mitiidong lot!

Romans 4:16

Riita ara chong tiikai arai mren, Shiikeawe raq Abraham ma kiqkham raüpot khakuq wantaq kriika, Abraham raq apaiq ma kamwantaq kra kha na kuqto. Riita, ara kongphiq khakuq wantaq arka, Shiikeawe raq maiqse ma, apaiq kaphap mangchan jonghea rüm tlaq kra tiichhike wan nguta, kuqto. Krai mren, ara kongphiq arka, Abraham saüse phan tarü kunli raq achü shiiman kra lap wan miitu kuqto. Arka Thungtri lang wantibi miitu li ka riimak. Shatmaq, Abraham raq jamkho Shiikeawe ma kam wantaq, kiikha kam wantibi tarü miitu kuqto. Ara jamkhano akha chong tiikai ngukla, Abraham ka nashiq tarü ma wenyi rilung na ati.

Galatians 3:14

Khristo raq, ara lamtan kuqwantaq arka, Shiikeawe raq Abraham ma achu shiiman mikuq ha nguta kiqkham kuqtaq kra, Pongnok phan maiqse riimin, Khristo Jesuq apaiq lümaq milap wan laq, nguta tankuqto. Arka nashiq raq kamtsantsii thü tiikai kra lümaq, Shiikeawe raq nashiq ma Asii Wenyi mikuq ha nguta, kiqkham kuqtaq kra milap wan laq nguta, Khristo raq ara lam ara tankuqto.

Galatians 3:29

Riita ija, namshiq ka Jesuq Khristo rii she nguta sitlan jiika, namshiq kiimin Abraham setiim siisaq she. Kiimaq krai mren, Shiikeawe raq jamlai wa mikuq ha nguta, Abraham ma kiqkham kuq taq, kra achu shiiman tachong hupsam kra, milap wan she nguta kamto maq sirong laq.

Galatians 3:7

Ikhiijiika, namshiq raq, jurwa Jesuq Khristo ma kamtsantsii thü tlaq, kriiti thun ka, chiisan Abraham setiim ma tiija wantlo nguta sap chang.

1 Peter 2:10

Man na akhing ashi na, namshiq ka Shiikeawe sengi ka riiman. Shatmaq, ümchaü sanha, namshiq ka apaiq sengi she jawan lan. Man na akhing ashi na, namshiq ka Shiikeawe kaphap mangchan, namshiq ma thü tlaq kriika sap man riilan. Shatmaq, ümchaü ka, namshiq apaiq kaphap wokhong mong niishe nyap wan lan. Apaiq raq namshiq tsea wantaq arka, apaiq raq awang chang tiichhii wan jaqsham wantaq, kra nanok ma chongke wan miitu she tseatsiiq wanto.