Luke 18:9 - ASII LAKDAP Bible (BSI)

⁹ Kiimahali, maiq ümriiti riiwa, tsangshiq maiqmii ka kechu maiqse kiimaq nanok ahinti thun ka, ngarai maiqsetiim nguta, khüphit nüphit sitlaqti ma, Jesuq raq ara shiiton manphan armaq bom ka chongkuqto.

Hawa Naga Bible 2001

⁹ Miqmac pumz dvyx vhvlx tvmaung ruiux miq vganc muex wvlc guez tvyaungc jix miq wvyvmc muex vruex bomc tv-ngvlc maq piq rueq jungx tueq.

Muklom

⁹ Etho Jesu aa miqtang ma barey piq ni piq ma chen jaqhal tathin eq adak miqtang ma jashit ta tathin aa eshi miqtang ma iri raaqshiton raa batta.

Luke 18:9 Referencias Cruzadas

TAKSU LAK 30:12

Maiq wiijam raq tsangshiq tsan ka asii sitiikai nguta tiimatlo. Shatmaq tsangshiq tsan ka anyaq pinthum.

ISAIA 65:5

Kra raütiishe tsangshiq raq nanok ma akha ngutlo, ‘Namshiq ka naishiq tho wa alu na ngarong laq. Naishiq ka pinthum asii maiqsetiim. Namshiq raq naishiq khum na jaq maq sham maimak!’ Ngi raq akhnok maiqsetiim ka liilot mang. Tsangshiq khuthaq na itsankhiq ka walütu nyaitlaq ikha nyaitlo. Kriika ümtiikiimin matki mak phan.

ISAIA 66:5

Tatiwe raq jamlai wa ngutla kra taironglaq, namshiq apaiq ma haisong tlan kiimaq apaiq aming wokhong na sitlanti raq: “Namshiq ka iwokhong na tsapkapkap maq shongngatlan kha na, namshiqnok phong wa maiq wiijamti raq namshiq ka ngengtlo. Raüta namshiq rai riipanpiitlo. Tsangshiq raq namshiq slaliitlo raüta, ‘Tatiwe raq apaiq jonglu kra mitiichhi kuqlaq. Raüta namshiq ka mitiichhiilaq. Kra nguraütiq naishiq raq namshiq chochi kra miliisiqkai.’ Shatmaq tsangshiq riiwe ka jea ngaü raüta michaphaq!

LEWI 13:32

Raüta ramwe raq kra ami ba ka ramiishi ngo ranaiq na hali milii nong. Raüta, ami ka khum bahin na nyam wan mak, kiimaq kra ami ba kiijaq abin thun ka mintiitii ka riimak, kiimaq ami ka rakhütsiri niili ami tro na akhü kriima atsaü ka riimak jiila,

Luke 10:29

Shatmaq, Thungtri shrinketi we raq, apaiq ra lap ma bom ka akha waito, “Riita, i jamthoti ka juwa?”

Luke 15:2

Kra chhi raüta, Phorisinok nai Thungtri shrinketibi raq, “Arwe raq ashleq arbaiq maiq thun ka taotlo! Kiimaq tsangshiq rai phaqshi seashi hai nga dam tlo!” nguta bot nyan trangto.

Luke 16:15

Kriikha maq, Jesuq raq tsangshiq ma nguto, “Namshiq ka maiqse makki na athuk atsom maiqse ikha tiichan ne lanta sitlan. Shatmaq, namtsan tsii kriika, Shiikeawe raq asap. Jamkhano ngukla, maiqse raq jamlai wa pinthum ara phan nguta shreng tlaq, kriika Shiikeawe makki na thiihü.”

Luke 18:11

“Phorisi we ka apaiq honhonse li chap raüta, ‘Shiikeawe le, ngi raq ümniima kechutum tiikang. Ngi ka sükha maiqse riimang; monglap tsii min rüm mang; lo, nanok wiitarü sitlaq ikha, maiqchak maiqse rai min sra kimang. Ngi ka ara phunta hitiwe akhiika riimang.

Luke 19:7

Kiimaq tsangshiq raq kra chhi raüta, “Arwe arka Mosheq Thungtri lang mak ngarai we jam na dü wan wawanto!” ngutiishe bottrangto.

Luke 7:39

Phorisiwe raq kra chhi raüta, “Arwe arka shammi riimak. Adü na shamti nyung kra jamkhiinok maiq wa, kiimin sapphaq mak!” nguta atsan na tiimato.

John 8:48

Kiijiishe, Jehudinok raq Jesuq ma waito, “Naishiq raq ümniika Samaria phan, kiimaq ümkhum na abi winji asi ngutiikai arka tengto dea ahata?”

John 9:28

Kra tairaütiishe, tsangshiq ka akhiq she riito. Kiimaq apaiq ka akha sonto, “Ümniili tiina kriiwe jai phanti, apaiq jaqshise. Shatmaq, naishiq ha Mosheq jaqshisetiim.

John 9:34

Kra tairaütiishe, “Naq bom kiq! Ümniika ngarai tak mong maq dong laüta ajong luwan haü! Kiikhiinok maiqse riitiq sha, naishiq ma tsii michong kuq haü ngu kai?” nguta tsangshiq raq apaiq ka sonto, Krai mren she, tsangshiq raq apaiq ka sinagok wa shleq baiqto.

Acts 22:21

Shatmaq, Tatiwe raq ngi ka, ‘Tiido laq. Walaq. Ngi raq ümniika maiq mung ahin luhea na siti Pongnok phan maiqse ma tsütsa ahea kra chongke wa she mitiiwa kang,’ ” nguta Tatiwe raq ngi ma bom ka chongkuqto.

Romans 10:3

Shiikeawe raq maiqse ka jamkho kechu maiqse ma tiija wan tlaq, raüta apaiq rai wehea miishe tiija wan tlaq, raüta awura maq tiiham wan tlaq, kra tri lamphan ka tsangshiq raq takmak miili sirai tlo. Tsangshiq riika Shiikeawe raq atankuq wan riikhaqli tri lam kra phan wan rii na, tsangshiq maiqmii tri lam tan raüta, kra lam ka phan raüta sitlo. Krai mren, tsangshiq raq, Shiikeawe raq atan kuq riikhaqli kechu maiqse ma jawan lam, kriika phan mak riitlo.

Romans 14:10

Riita, arkha maq, namshiq phong wa, maiq ümriiti riiwa, jücha weashaü lamlam miili dung ka tsapsiqtlan, kriiti raq, namphu nowe ka jam nguto sairan tlan? Kiimaq namshiq phong wa, maiq ümriiti riiwa, phanrap phanrii ka phaqsiq tlan, kriiti riimin, namphu nowe, jurwa namshiq kiikha phaqsiq makti we ka, jaram wa sairan tlan? Nashiq tarü ara, Shiikeawe man na chap wan chang siisaq. Kiijaq, apaiq riishe, nashiq ka kappe maq mishin wan.

Romans 14:3

Riita, jurwa phanrap ka aphaq asea nguli phaqsiq tlaq, kriiti raq, jurwa mophaq mosia phaqsiq mak, kriiwe ka setsiiq raa mak. Kiimahali, jurwa jücha weashaü lamlam miili dung tsapsiq tlaq, kriiwe riimin, arewe phanrap ngam angiq aphaq asea nguli we, kriika, setsiiq maimak. Shiikeawe raq apaiq kiimin, awokhong na atiinyap wan wishe.

Romans 7:9

Man na akhing ashi na, ngi ka thungtri aming sapmang maq, atra siwan kang. Shatmaq, ümtiikiiwa thungtri raq akuq aming kra, i khu thaq niishe saü wantaq, kra akhing miishe, ngarai ka i khum wa, ashai she riiwanto.