Luke 18:43 - ASII LAKDAP Bible (BSI)

⁴³ Krai mren, apaiq mak ka heakisaq li heakito. Kiimaq apaiq raq Shiikeawe ma kai kechutum tiitsam kam lam miishe, Jesuq jai ka phan wan damto. Mungmaiqse raq kra atsi heakai kra chhi raüta, tsangshiq tarü raq Shiikeawe ka tiitsamkamto.

Hawa Naga Bible 2001

⁴³ Kvkaq dvyx kvruex waz muik kuex hvlx kaz vtueq Tishox muex kejux vyungx ngoz kuq ruiux, Yesu yix phvnx wvnc naungx tueq. Kvruex lvmz kuex khiz vtueq miq htenc rueq Tishox muex tvtsvmc kvmc wuez tueq.

Muklom

⁴³ Rikla piq aa wey khita, etho Shkewa ma kechu ajong ko eq piq aa Jesu ji phanta. Eshiwang miqtang thaji they ira khi eq, Shkewa tha tasapsey ta.

Luke 18:43 Referencias Cruzadas

Tvtsvmc 107:15

Tsangshiq raq Tatiwe ma kechutum ratlo, apaiq tiipitmakphan lungwii miitu, apaiq raq tsangshiq ma amaochang pahea shamkuqto.

Tvtsvmc 107:8

Tsangshiq raq Tati ma pinthum kechutum ratlo, apaiq raq tiipitmakphan lungwiitlo, apaiq raq tsangshiq ma amaochang jaq shamkuqto.

Tvtsvmc 146:8

Kiimaq makchukti ma mak tiipiiqkuqtlo. Apaiq raq juwa hiq na riwantiiti ka ra na ado riikuqtlo; apaiq asengi kechu maiqsebi ka lungwiitlo.

Tvtsvmc 30:2

Ngi raq ümjaq wa khrum jaü hoqsiqkang, O Tatiwe lei, i Shiikeawe lei, krai mren ümniiraq ithatsi tiiheakuq laü;

ISAIA 35:5

Makchukti raq min michhi she, kiimaq nibiiti riimin mitai she.

ISAIA 42:16

“Ngi raq isengi makchukti thun mishun sheaha, tsangshiq raq jangshi min khum mak lam thun maq. Ngi raq tsangshiq ranyaq ka rawü ma mitiijaha, kiimaq tsangshiq khaki na rumtang lam thun ka, nyeadang danghea mitan kuqha. Arthun ara ikiqkham raüpot, kiimaq bom poshi min tiikhoi mang maq mitiiku wanha.

ISAIA 43:21

Tsangshiq ka Ngi pumsii miituli dongdii Ngi raq aphansang wanha, krai mren tsangshiq raq Ngi tiitsam mishinge wan!”

Matthew 11:5

Makchukti riimin chhi tlo she, hokkü jaqküti thun kiimin khumtlo she, kiimaq thupbi thati raq akaq ashong ashe mitsi rai tlaqti thun kriimin tiisii kuq wanto she, nibii biilati thun riimin taitlo she, maiq ka ama wiimin tiijang wantlo she, kiimaq Tsütsa Ahea kra miitsan miijan maiqse thun ma tiitai kuq wanto she.

Matthew 21:14

Kiimaq maiq pahea makchukti nai akü ashiiti thun ka, apaiq phana Shomjam mong na wato. Kiimaq apaiq raq tsangshiq thatsi ka tiihea kuqto.

Matthew 9:8

Nokmaiqse raq kra jaqsham ka chhi raüta ahai riito. Kiimaq maiqse ma atinkhan arang kewan kra chhiraüta Shiikeawe ka tiitsam kamto.

Luke 13:17

Apaiq bom tre ka tai raüta, apaiq ngengtibi ka ajiasi riito. Shatmaq, apaiq raq kai awang chang jaqshamtlaq kra chhi raüta, nokmaiqse angu thun kriika, kai chochito.

Luke 19:37

Krai mren, Apaiq ka Jerusalem na saüho ma ajeli she, Olip Pero Hiqlam siim na lamhong sat wan chang ba kra jiishe saüto. Kra miiphat she ka, apaiq jai phanti mungnyung mungse wawan dam tlaq kra thun raq, Jesuq raq achong lot mai ümtinkhan wa awang chang jaqsham wantaq thun kra miitu, Shiikeawe ma kechu tumke wan nai apaiq tiitsam kam wan:

Luke 4:39

Kiijiishe, apaiq ka wa raüta, atsiti nyung changdü tho na chapto. Raüta, atsi tha ka jobaiqto. Krai mren, atsi ka tiidoqra heasaq li heakito. Kiimaq, apaiq ka tiidopot raüta, tsangshiq ma tashong wachaq keshe tiimeshi hoto.

Luke 5:26

Kra chhi raütiishe, tsangshiq tarü ka, kai awang riiwanto. Tsangshiq ka ahai lam maq, “Ümchaü ranaiq nashiq raq, ara awang chang jaqsham jonghea ashi chhi kai!” ngutiishe Shiikeawe ka tiitsamkamto.

Luke 9:43

Mungmaiqse wiita raq, kra Shiikeawe ningkun jonghea jaqsham kra chhi raüta, pinthum awang riito. Mungmaiqse phong kriika, Jesuq raq phanrap phanrii amao chang jaqsham tlaq kra thun ka chhi raüta, awang athang rai liipan bala niili, Jesuq raq ajaqshisetiim ma,

Acts 11:18

Tsangshiq raq ara Petar raq chongkuqtaq tsütsa kra tai raütiishe, tsangshiq raq Petar shra bom nyantaq kra diibaiqto. Kiimaq, “Ikhiijiika, Shiikeawe raq ara Pongnok phan maiqse miimin, tsangshiq ngarai kra tiidii miitu, tsangshiq miimin kilü ka dikuqto she dea. Raüta tsangshiq miimin, atra maq si miitu rilung lam she tankuq wanto!” nguta tsangshiq raq Shiikeawe kiishe tiitsam kamto.

Acts 26:18

Ümniiraq tsangshiq mak ka mitiipiiq kuq wan haü. Kiimaq tsangshiq ka ranyaq nyang mong wa rawü lam phan niishe mishun shea wan haü. Kiimaq tsangshiq ka Thupkaü Thawe jaqkhon mong wa, Shiikeawe wokhong niishe mishun shea wan haü. Krai mren, tsangshiq raq ngi ma kamtsantsii thü tlaq kra lii miishetiq, tsangshiq ngarai ka midii kuq wan. Raüta tsangshiq ka Shiikeawe sengi maiqsetiim rai she shongnga wan dam miitu tsangshiq ma chapchang ngachang she mitiihong thaq kuq wan.’

Acts 4:21

Kra, tai nong raütiishe hali, Rung welabi raq, tsangnai ka tiiphiip miijiip raüta, kiq atsin maq hali, Jesuq mang na nanok ma trahoke maimak dongdii nguta, shiikeng miileng raütiishe, tsangnai kharü ka diibaiq raüta tiiwa baiqto. Jamkhano ngukla, tsangshiq raq tsangnai tiishut chang lam ka hum mak. Kiimaq, mungmaiqse tarü raq, “Shiikeawe raq awang chang shamto. Apaiq ka awangchang Shiikeawe,” nguta Shiikeawe tiitsam kamti siisaq.

Galatians 1:24

Kra tai wantaq krai mren, tsangshiq raq ngi lümaq, Shiikeawe jaqsham kra chhi raüta, Shiikeawe lishe tiitsam kamto.

1 Peter 2:9

Shatmaq, namshiq riiwe kla, Shiikeawe raq atsea arwan maiq phan she. Hokham we ramwebi. Asii mung ashi nguta sitlan. Shiikeawe sengi. Namshiq ka Shiikeawe raq ngarai ranyaq tangtang mong wa, apaiq tiichhii wan rawüli, achong lot mai awang chang liliim rilung she kuqto. Apaiq raq namshiq hea wantaq kriika, apaiq raq awang chang tiichhii wan jaqsham wantaq kra nanok ma chongke wan miitu tseatsiiq wanto.