Luke 18:39 - ASII LAKDAP Bible (BSI)

³⁹ Maiqkong phong wa sinkhu na watibi raq apaiq ka asea riito. Kiimaq kaiqshak miili ngalaq nguta sonto. Shatmaq, apaiq ka tiihong wan wan khoti, “Dawit Se loi! Ngi ara mangchan laq!” nguta giruq li she gihoto.

Hawa Naga Bible 2001

³⁹ Piq max nuex httax yaq miq htenc kvraq kuiyqshuik rvkuiuz ngoz tueq svl tueq; yuq muinz piq kuex pinhtumc guyc vtueq, “Dawid saz lex! Ngaz muex menjenc kuq koq!” ngoz tueq thoz tueq.

Muklom

³⁹ Jakhona qhingtey miqtang aa piq ma mol ta etho shu shu eq tong ma batta. Etharin piq jujong aa wey ringta. “David miqwasa! Tinshit angphu!”

Luke 18:39 Referencias Cruzadas

Tvtsvmc 141:1

Ngi raq ümnaq heatiikang, Tatiwe lei; ümchaü ngi khrumlaq! Ngi raq heatiikang na ibom trelaq.

Matthew 7:7

“Jaü ronglaq, raüla namshiq ma mikuq. Rit ronglaq, raüla namshiq raq mihum han. Kilü na buk ronglaq, raüla namshiq ma midi kuq.

Matthew 8:26

Jesuq raq tsangshiq ka sonto, “Namtsam ka kiitinkhan jaram kiinyii rai wa? Namshiq kamtsantsii ka ranhea!” Kra ngu raütiishe apaiq ka tiidopot raüta, rathaiq hengwa nai khamtso blun hengwa kriima, “Tsaq ronglaq” nguta aming tatto. Krai mren, rathaiq nai khamtso brak watrang kriika sangsaq li she, kaiqshak sanglili she sangkito.

Matthew 9:27

Jesuq ka kiimaq tiido wan raüta, lam na khumshkhum awa rai she riito. Kiijiishe maiq makchuk wenai raq apaiq jai ka phanshphan maq phan wanto. Tsangnai raq, “Dawit Se le, nainai ara mangchan kuq wan phiidea!” nguta agitrang lam maq apaiq jai ka phan wanto.

Luke 11:52

“Namshiq Thungtri shrinketibi ma pinthum phiiptsi chang asi! Namshiq raq Shiikeawe tiima tsantsii khon chang phaqchi kilü diwan chang sapi tu ka thü baiq lan. Namshiq maiqmii kiimin nyap wa man. Kiimaq nanok awa roti kiimin, tiiwa man maq tangta baiq tlan!”

Luke 18:1

Kiijiishe, Jesuq raq ajaqshisetiim ma tsangshiq ka wranaiqshe achu jaü ruq sichang kiimaq ümtiikaq ranaiq jiimin tsaiji tran ra mak nguta tsii chongkuqto. Apaiq raq kra tsii chongke bomtsi ka ara shiiton manphan armaq chong kuqto. Manphan ka ara.

Luke 18:15

Kra akhing na maiq wiijamti raq tsangse noshii setiim ka, Jesuq phana shea wanto. Kriika, apaiq raq tsangshiq ma achu mishman kuq laq nguta shea wanto. Ajaqshi setiim raq kra chhi raüta, anyung wetiim ka ason riito.

Luke 18:38

Kra tai raütiishe, apaiq ka, “Jesuq! Dawit Se loi! Ngi ara mangchan laq!” nguta gihoto.

Luke 18:40

Krai mren, Jesuq min achap she riikito. Raüta, kriiwe ka apaiq khaki na shea wan ronglaq nguta thaüto. Apaiq ka Jesuq tho na saüwa jai she, Jesuq raq apaiq ma,

Luke 19:39

Kra tai raütiishe, nokwe phong na Phorisinok wiijamti asi kriiraq, Jesuq ma, “Shrinketi we, ümjaqshisetiim ma, akhiika naq gisii rongkiq nguta atiitsaq riilaq!” nguta chongto.

Luke 8:49

Jesuq raq ara bom chongke rea liipan na, maiqla we jam wa tsütsa tiitai kai maiq weshi aki kriishe saükito. Raüta, “Ümse ka ahü she. Shrinketiwe kiimin jaram she wa mipaq laq haü,” nguta apaiq raq, Jairas ma tsütsa ka chongto.

2 Corinthians 12:8

Ngi raq jangtsam she Tatiwe jaq wa, ara tsi ara tiihea kuq laq nguta achu jaü kang.