Luke 18:32 - ASII LAKDAP Bible (BSI)

³² Apaiq ka Pongnok phan maiqse jaqkhon mong na mikuq baiq. Tsangshiq raq apaiq ka mihaihii; mishummii; kiimaq adü na tho maq mitho!

Hawa Naga Bible 2001

³² Vpiq kuex Pungnuk phvnx yauk nuex lekuy gay rvhumc vtueq, tsuingshiq rueq vpiq shummarc guirguenz ruiux htoz maq htoz wuez shuex.

Muklom

³² Piq sha Gentile tang jaknáng ko chakna, etho ning aa piq sha junnam na, tharak rina, etho piq sha tikthuk na.

Luke 18:32 Referencias Cruzadas

ISAIA 50:6

Ngi raq itseati ma iraikhü chungkuqkang, Ngi raq tsangshiq ka tiiwin mang, tsangshiq raq ngi shummiito, tsangshiq raq inübin phaibaiqto, kiimaq itheaphi na tho maq thoto.

ISAIA 52:14

Maiqse pahea raq apaiq ka chhi raüta akiinyii rai riito; apaiq sham ka wiita athenkai wishe riito, asham ari ka maiqse sham ikha riimak she riito.

ISAIA 53:3

Nashiq raq apaiq ka shummii wan kai; kiimaq apaiq ka tiishaübaiqkai; apaiq raq riitsitsaitsiiq chamchao homa ninwanto. Maiqse raq jurmin apaiq theaphi na liikham mak riito, nashiq raq apaiq ka hiqtili sinchiitsap ikhli shipoq wan kai.

Mikha 5:1

O Jerusalem chelati lei, srea nolabi riichom ronglaq! Nashiq ha miqkai she! Chela trotam maq re raq kam wanto she. Tsangshiq raq Israilnok welawe khat wanto!

Matthew 16:21

Kra akhing miiphat she Jesuq raq ajaqshisetiim ma linham linhok chongkuqto, “Ngi ka Jerusalem na saü ra dongdii. Kiimaq welabi, ramwe jongbi kiimaq Thungtri shrinketibi jaq na pinthum chamchao wan chang miraq. Tsangshiq raq ngi ka atsea mirbaiq. Shatmaq ranaiq tsam jai maq Shiikeawe raq ngi ka ama wa atiijang mirwan nong.”

Matthew 20:19

Raüta tsangshiq raq Pongmung maiqse jaq mong na mihit kuq baiq. Tsangshiq raq apaiq ka mihaihii. Chunpo-nyam chongwai maq mitsat. Raüta pumsongkham na mitübaiq. Shatmaq ranaiqtsam jai maq, apaiq ka ama wa adong mirwan nong.”

Matthew 22:6

Kiimaq maiq wiijamti riika apaiq raq atiiki ajaqshisetiim kra laphoto. Raüta tsangshiq ka ninta khoti tsatto. Kiimaq tsangshiq ka atsea khoti riibaiqto.

Matthew 26:67

Kiijiishe maiq wiijamti raq Jesuq ka atheaphi na tho ariiq maq phong tsoktsok she thosiq wanto. Kiimaq wiijamti riika apaiq ka hot-hot she buk hoto. Kiimaq maiq wiijamti riika, jaq phi maq apaiq ka siiqsiiq she tsat hoto.

Matthew 27:2

Tsangshiq raq apaiq ka ajaq ka raü maq kha raüta Roman Wanghupti we Pilat rung na hithoto.

Mark 14:65

Raütiishe, tsangshiq phong wa maiq wiijamti raq, Jesuq ka tho ariiq maq phong tsoktsok she thosiq wanto. Kiimaq amak ka khea maq jobto. Raüta, jaqtham maq thaüto. Raüta, “Ümnaq jaqtham maq thaüti ka juwa, chong liita!” nguta slailii siqto. Kiimaq hokranok raq, apaiq ka hitho raüta, atheaphi na siiqsiiq tsatto.

Mark 15:1

Ranap chu miili ramwe jongbi ka taülaükhiq maq welabi nai Thungtri shrinketibi, kiimaq Jehudinok Rung Jong phowebi thun kunli rai, ngongthun ngato. Raüta, tsangshiq raq kha ka tiihong phoje she thüto. Raütiishe, tsangshiq raq Jesuq ka jinraü kharü maq kha raüta, Pilat rung niishe hithoto. Raüta, Pilat jaq niishe kiinong kuq baiqto.

Luke 18:33

Tsangshiq raq apaiq ka chunpo-nyam chongwai maq bunlak mitsat. Raüta, mitsat baiq. Shatmaq, ranaiqtsam jai maq, apaiq ka atra midong wan nong.”

Luke 23:1

Krai mren, Rung welabi thun ka tsangshiq ngongthun kra lot raütiishe, tri raü ka shatje miishe, wiikongtam tiido rang riito. Raüta, Jesuq ka Pilat rung niishe sheahoto.

Luke 23:11

Herod raq apaiq phenlanok rai adam maq, Jesuq ka pinthum haihii siqto. Kiimaq, tsangshiq tarü raq thophi riiqphi saisito. Raütiishe, apaiq raq tsangshiq ma, apaiq dü na bannin kheathum ajong hokhambi raq samchang ashi kriishe tiisam kuq ronglaq nguta thaüto. Kra lot jai she, Herod raq Jesuq ka Pilat rung niishe hali tiisheaho nongto.

Luke 23:35

Nokwe thun ka kra thun kra liisea chapkito. Kiimaq Jehudinok welabi raq, “Apaiq raq nanok ka chhii kuqto. Ümchaü min, apaiq ka Shiikeawe raq ashong Khristo dea jiika, apaiq khum ka mitiichhii liina!” nguta apaiq ka shummii siqto.

John 18:22

Jesuq raq ara bomtre ara tai raüta, Shomjam kheti peta weshi raq Jesuq ka atheaphi na riisiiq tsatto. Raüta, “Ümniiraq Ramwe Ajong Pinthum we ma akha bomke min sha mai ta?” nguta siato.

John 18:28

Ranap chu maq, Jehudinok welabi raq, Jesuq ka Kaiaphas jam maq Wanghupti we jam niishe sheahoto. Jehudinok welabi ka Wanghupti we jam wang mong niika wamak dea riito. Tsangshiq raq kra ranaiq ka Tiichhii Wan Poi dung sia chang. Kiijaq jam mong na wa ka tsangshiq ma apii. Kiijaq waraü ka tsangshiq khum ka misheki. Kriikha maq, tsangshiq khum ka asii thü raa ngo maq, tsangshiq ka jam wang mong na wamak dea riito.

John 18:30

Kiijiishe, “Mungtu we lei, apaiq raq kha tangmak dea ngu raüka, naishiq raq apaiq ka ümrung na jaram wa misheaho,” nguta tsangshiq raq apaiq bom ka treto.

John 18:32

Arthun hongtha wan taq arka, Jesuq raq apaiq tsai lamlu ka kongkhu ji maq tiithaitaq bomtsi kra tiiku miitu she hongtha wanto.

John 18:35

Kiijiishe, “Ngi ka Jehudi we sha? Ümnok ümta nai ramwe jongbi raq khata, ümniika i rung na hitho raüta tiichap wanti ka! Ümniiraq jamlai mat atsa wa tang laü?” nguta Pilat raq Jesuq ma bom ka waiwan nongto.

Acts 2:23

Arka Shiikeawe apaiq raq kongkhu miiphü tiihong wanje she dongdii. Apaiq raq tiihong wantaq kra phanphan, Jesuq ka namshiq jaqkhon mong na tiishaü kuqto. Kiimaq, namshiq riishe, apaiq ka ngarai maiqsetiim ma kiinong kuq lantiishe, pumsongkham na tiitü baiq lanta tiitsat baiq lan.

Acts 3:13

Natitiim Abraham, Isak kiimaq Jakob Shiikeawe kiimaq natitiim Shiikeawe raq Ajaqshi se Jesuq ma, Shiikeawe apaiq asii khushü ngao kriika ake kun she. Shatmaq, namshiq raq, apaiq ka lap lanta, Jehudinok jaq na kiinong kuq lan. Kiimaq, lanta, Pilat raq apaiq ka namshiq makki na, apaiq dü na kha ahü, atiidong baiq chang nguta, kha ka photo. Shatmaq, namshiq raq apaiq ka atiidong baiq raa mak dongdii ngutiishe, tiishaü baiq lan.