Luke 18:30 - ASII LAKDAP Bible (BSI)

³⁰ kriiti riika, Shiikeawe jaq wa ümchaü pat ara jiimin apa milap wan. Kiimaq jai na saüho tlaq pat na pattup pat-sa rilung milap wan.”

Hawa Naga Bible 2001

³⁰ majuiuc pat vyuq muinz ruimrix paunghvlc lvp luz wvnc shuex, kvdvyx muinz rvmuq, yix wawc pat nuex muinz pattup rullungx lvp wvnc shuex,” ngoz tueq tsuinghez muex jungx tueq.

Muklom

³⁰ ning aa i rollung ro, juk daqhan kapna etho uthok rangham tho pattuk rollung tho ukap eq na.”

Luke 18:30 Referencias Cruzadas

YOBA 42:10

Kiimaq Job raq akongtitiim wetsam miitu achu jaükuqtaq kra jai miishe Tatiwe raq apaiq ka pinthum chiithejong miishe tiija nongto kiimaq apaiq ma tsiiq anyam ka kongkhu lak na kuqtaq kra nam miimin liipnai achan she shiiman kuqto.

Tvtsvmc 119:103

Ümniiraq sung atsii chongkuq tlaü ka pinthum sumhea— ngiq ngu nam miimin sumhea!

Tvtsvmc 119:111

Ümnaq aming raütu ka ngi ma pattup pat-sa tachong hupsam; tsangshiq ka i tsan i mong tiichochiti.

Tvtsvmc 119:127

Ngi raq ümnaq aming thun ka chaq thaq na apa lungwii tiikang, chiisan chaq nam miimin achan lungwii tiikang.

Tvtsvmc 119:162

Ngi ka ümkiqkham bomtsi miitu kai khoqriiq tiikang— chaqtum sengtum humtiwe ikha chochi tiikang.

Tvtsvmc 119:72

Ümniiraq ngi ma tri raütu kuqlaü ka pinthum rahea, mangjong hiq na wa tsiiqtum tlotli tha niimin rahea.

Tvtsvmc 37:16

Kechu maiqse jaq na tsiiq akhüse rümtlaq kra thii ka abi maiqse kong tsiiq ka wiita rom raü min apa miraq,

Matthew 12:32

Jurwa Maiq Se ma ngengseng kiqshut tlaq, kra ngarai ka adiike mimai. Shatmaq jurwa Asii Wenyi ma ngengseng kiq shuttlaq, kriika ümchaü pat niimin kiimaq jai na pattup pat-sa saüho tlaq akhing niimin diikuq lot mak miraq.

Matthew 4:24

Krai mren, apaiq mangjong tsa ka Siria mung tlotli na nyam wanto. Kriikha maq, mungmaiqse raq phanrap phanrii thuptsi thatsi chamchao maiqse thun ka apaiq phaniishe sheahoto. Atsiti phong wa wiijam ka thaq raq arom wan, wiijam ka angaq tsiti, kiimaq wiijam ka khum amaa arki tsiti thun riito. Jesuq raq tsangshiq tarü thatsi ka tiiheakuqto.

1 Timothy 4:8

Nashiq raq han-ngam maq ümchuwa jaqsham tiikai ara riika, nashiq han-ngam khum ara aphin tiija tlo. Narii tiihong tlo. Shatmaq, arthaq na kaü raüta, athii atsin ka, nashiq raq kamasham jaqsham tiikai ahata rahea phan jaqsham. Ara riika, nashiq rilung na, phanrap lam na awongsii ma tiija wan tlo. Kriika, ara mangjong han-ngam miituli min riimak. Rawiichii nashiq wenyi rilung miitu amet jonghea tiitsingo wan tlo.

1 Timothy 6:6

Tsiiq anyam maiqmii jaq na ümchuwa asi, kriili hong raijiiq nguta, tsantsii asii maq siti miika, kamasham rilung ka chiithe jong rilung ashi.

Revelation 2:10

Namshiq ma jamlai chamchao wa saü tlaq, kra miitu min naqhai rongkiq. Tairong laq! Abi Thawe raq namshiq phong wa, maiq wiijamti ka phaqtek mong na mithü kiiphan. Raüta, namshiq kamtsantsii ka mimaitai kiiphan. Shatmaq, namshiq ka raroqshise li micham chao han. Namshiq raq ngi ma kamtsantsii ka pharang rang maq thü ronglaq. Kra miitu atsai chang li jiimin naq thaq rongkiq. Jurwa rekhat tang tlan, kriiti ma ngi raq srea poksi ka pattup pat-sa rilung mikuq kang.

Revelation 2:17

“Arkha maq chongtiikang, nam ni asi jiila, Asii Wenyi raq phungtuti ma tsii chongkuq tlaq ara tiitsang tairong laq! “Rekhat tang wanti ma, ngi raq apaü raüta athü man na kiiwa wiijam mikuq ha. Kiimaq hali, ngi raq tsangshiq loweatek ma longpo lüdiidii poshi mikuq ha. Kra longpo na mang anye tiiwaiq shat miraq. Kra mang ka, kra lap tlaqti ka tlea raüta, maiq ahinti jurmin sap mak miraq.

Revelation 3:21

Jurwa rekhat tangtlaq, kriiti ka ngi hokham ngacho tho na nga dam miitu ngi raq arang mikuqha, ngi raq rekhat tang lata, srea ma jawankang krai mren, ümchaü i We hokham ngacho tiinap na nga tiikang. Kiikhiisii kriiti kiimin ngi tiinap na i hokham ngacho na mitiinga ha.