Luke 18:23 - ASII LAKDAP Bible (BSI)

²³ Shatmaq, kriiwe raq Jesuq bom ka tai raüta, apaiq ka atsan biwa tiichhi shat she riito. Atsan ka jamkhano bita ngukla, apaiq ka kai chiithe jong maiqse.

Hawa Naga Bible 2001

²³ Yuq muinz kvruex waz kuex kvruex kvjaz tay vtueq thuinz nuex pinhtumc yonz tueq, yvmx khoc lac ngoz ruiux lec piq kuex pinhtumc luiz waungx waz rvtueq.

Muklom

²³ Etharin eshi miq aa iri raaq raa tat eq, piq tin rapney shita, chammatakoi piq rapney tanglom hal angta.

Luke 18:23 Referencias Cruzadas

EJEKIEL 33:31

Krai mren, isenginok ka ümbom chong kra taiwa kongta hushhu ümphana watlo. Shatmaq ümniiraq tsangshiq ma jamlai bom wa chongkuq tlaü kriika tsangshiq raq lang mak. Tsangnübok miika lungwii bomtsi bomtlo. Shatmaq tsangshiq ka sükha rilung lam kra phan raütli sitlo.

Matthew 19:22

Noriiwe raq ara tsiichong bomtsi ara tai raüta, apaiq ka kai atsanbi waliishe tiido wanto. Atsan ka jamkhano biwanta ngukla, apaiq ka pinthum chiithe maiqse riito.

Mark 10:22

Ara Jesuq bomtsi kra tai raüta sanha, kriiwe mun ka tiijuk ram she riito. Kiimaq apaiq ka atsanbi wa rashra she, munjuk mijuk she tiido wawanto. Apaiq ka chiithe we kha maq atsiiq ma tsantsi hea.

Luke 12:15

Kra ngu raütiishe, Jesuq raq tsangshiq tarü ma akha chongkuqto, “Sükha ramho kharü mong na dea man chang miitu, honkamshat maq si rong laq. Ara jamkhano chongtiikang ngukla, riikhaqli maiqse rilung ngutlaq kriika, ajaq na tsiiq anyam rüm tlaq, kra lamlam li ka riimak. Apaiq ka ümtinkhan chiithe we li jiimin ümriilaq.”

Luke 18:22

Jesuq raq ara bomtre kra tai raüta, apaiq ma chongkuqto, “Ümniiraq phanshi ri dea sham chang asi shaq. Ümtachong hupsam ümchuwa, kra wiita asha riilaq. Laüta, kra sha kampho ka, miitsan maiqse ma phea kuq laq. Kra riihaü jiila, ümniika ramungtan na chiithe ma mija haü. Laüta wara. I jai arshe phan laq.”

Luke 18:24

Jesuq raq apaiq tsanbi wa ka chhito. Raüta akha nguto, “Chiithe maiqse raq Shiikeawe Mungtan na nyap wan ka aha pinthum!

Luke 19:8

Kiimaq, Jekias ka tarü man na chap raüta, Tatiwe ma chongto, “Shiilangwe le liilaq. Ngi raq ita iwii hupsam sitlaq kriiwa, mannai na phea lata, manshi kra miitsan miijan maiqse miishe miphea kuqha. Kiimaq ngi raq maiq weshi ra la laolii wan kang jiila, kra thaq na manblai tliip lata mitham kuqha.”

Luke 21:34

“Namshiq ka honkam shat maq si rong laq! Namshiq ka che nyang dungsea peosea na nai mungkang han-ngam miitu chapasea niili ka, naqmo chü rongkiq. Kra Ranaiq raq namshiq ka

Luke 8:14

Tsamlai wiijam kiimko rang babaiqhü ba na arokti ka ara. Maiq ümriiti riiwa Shiikeawe bomtsi ka taitlo. Shamtaq, mangjong han-ngam miitu chapa tlaq kriiraq, kiimaq tsiiq nai nyam ma ranphan tlaq kiimaq mangjong han-ngam peo lam phan tiima tsantsii kriiraq kaqhotlo. Raüta, tsangshiq kamtsantsii ka tsingo mak bikitlo. Kriiti ka tsamlai shuk cham mong na arokti maq shiiton tlo.

Ephesians 5:5

Namshiq raq ara bomtsi arka asap han ahiq, jurwa sethoq sepii ja tlaq, ashe ashi klo raüta sitlaq, lo, asii aram wali sitlaqti (sükha tsii ka sumla noq ngarai) riika, Khristo nai Shiikeawe Mungtan wa achu shiiman ka lap wan lot mak.

Philippians 3:8

Arthun arli lamlam ka riimak: Ngi raq Tati Khristo Jesuq rai mang riisap thü tsinhea, kra miitu phanrap ka, thiihü hiqtili miili she tiijabaiq kang. Apaiq miitu, ngi raq phanrap phanrii hiq maq hutse raübaiq kang she. Ngi raq ara phanrap thun ara sinchiitsap ikhli she tsuqbaiq kang. Kriika, ngi raq Khristo ka lap wan miitu tsuqbaiq kang.

Colossians 3:5

Namshiq raq namkhum na ara mangjong han-ngam ramho raq jamlai jaq wa shamtlaq thun kriika atsea baiq raa dongdii she. Kriika arthun ara: sethoq sepiija, ashe ashi riinyatshat, sükha, abi ati kiimung, kiimaq shakaq tsii, (arka sumlanoq ngarai tang) thun ara riito.

1 John 2:15

Namshiq raq mangjong hiq rilung lam phan ka naq lungwii rongkiq. Kiimaq ara mangjong hiq rii jamlai wa sitlaq, kriika naq lungwii rongkiq she. Namshiq raq mangjong hiq rilung lamphan kla lungwii han jiika, Shiikeawe ka lungwii man ngushat.