Luke 18:16 - ASII LAKDAP Bible (BSI)

¹⁶ Shatmaq, Jesuq raq nosere ka atho na heato. Raüta, tsangshiq ma akha chongto, “Nosere ka ana ngi phana tiiwa ronglaq. Tsangshiq ka naq tiiwin rongkiq. Ara jamkhano chong tiikang ngukla, Shiikeawe Mungtan ka tsangshiq sitlaq akha siti rii.

Hawa Naga Bible 2001

¹⁶ Yuq muinz Yesu rueq nosaz rulx kuex gvl vtueq, “Nosaz rulx kuex ngvy kox nuex mkaz rueq nauk tuingshaung kaz, yvmx khoc lac ngoz ruiux lec Tishox Mungtan kuex vkhoc jix hez mungtan rvtueq.

Muklom

¹⁶ Etharin Jesu aa nijang sa tang tha piq relnáng hal eq batta, “Nijang sa tang ri ijamnáng takat phin etho ning ri nak táng inn, chammatakoi Shkewa mungtan raa irimal miqtang rangma hun.

Luke 18:16 Referencias Cruzadas

RAPHA HIQWA LAK 21:4

Kiimaq Isak ka ratiichat maiq she angu na, Shiikeawe raq aming kuqtaq kra phan phan Abraham raq athohan poi ka klo kuqto.

2 KAÜWA WERAÜ 20:13

Juda mungti maiqwere thun kunli tsang nyung re nai tsangsetiim rai Shomjam rinkea na chapraq raq riito.

JEREMIA 32:39

Ngi raq tsangshiq rilung na tsantsii ashi kli she mikuqha: kriika tsangshiq raq Ngi ka rilung pattup pat-sa she mishreng wan. Kriika tsangshiq ma ahea miitu kiimaq tsangsaü tsangsetiim ma ahea miitu.

Matthew 19:14

Kiijiishe Jesuq raq ajaqshisetiim ma chongto, “Nosere ka ana i phana tiiwa rong laq. Naq tiiwin rongkiq. Ramungtan ka juwa ara nosere akha siwan tlaq kriiti rii.”

Luke 18:15

Kra akhing na maiq wiijamti raq tsangse noshii setiim ka, Jesuq phana shea wanto. Kriika, apaiq raq tsangshiq ma achu mishman kuq laq nguta shea wanto. Ajaqshi setiim raq kra chhi raüta, anyung wetiim ka ason riito.

Luke 18:17

Ara tsan na tiitsang rong laq! Jurwa Shiikeawe Mungtan ka nonose raq taotlaq akha taomak, kriiti ka ümtiikii jiimin, Shiikeawe Mungtan na saülot mak miraq.”

Acts 2:39

Ara jamkhano chong tiikang ngukla, Shiikeawe raq ara kiqkham raüpot khakuq wantaq arka namshiq miitu. Kiimaq, namsaü namsetiim miitu. Kiimaq ara kiqkham arka, maiqse angu alulang na ümchuwa sitlaq kriiti thun ka, nashiq Tati Shiikeawe raq, apaiq rii she nguta hea wantiiti thun kra kunli miitu.”

1 Corinthians 14:20

I phu I notiim lei, namshiq ka namshiq tiima na noshiisetiim ikhiika naqsi rongkiq she. Abi ati lam phan niika, noshii setiim ikha si ronglaq. Shatmaq ahea lam phan niika, namshiq tiima tsantsii ka nyungwere tsii ikhiishe tsii ronglaq.

1 Corinthians 7:14

Ara jamkhano chongtiikang ngukla, awese thatsang maiqse ka tsang-nyung rai pumshi hanshi she siwantaq kra lümaq, Shiikeawe riimin milang wan. Kiimahali atawe ka Phungmaiqse kiimaq atanyung ka thatsang maiqse miraq. Kriimin thatsang maiqse atanyung ka atawe lümaq Shiikeawe raq milang wan. Akha kiq atsiim ka riwan hü ngu raü jiika, tsangshiq saü asetiim ka thatsang maiqsetiim ikha miraq. Shatmaq akhla singa raü jiila, tsangshiq ka Shiikeawe raq milang.

TRI CHONGKE 29:11

kiimaq jechak re, kiimaq nosere, kiimaq namshiq rai siti pong mungti thun, tsangshiq ka namshiq ma pe daq keti kiimaq namshiq ma kham piketinok tarü adam na chaptlan.

TRI CHONGKE 31:12

Wiitarü adam na, maiqwere thun, jechakre thun, kiimaq nosere thun, kiimaq namshiq chela thun na siti pong mungti thun kra triitam hea laq. Krai mren, maiq tarü raq ara tri raütu kra mitailaq. Kiimaq Tatiwe üm Shiikeawe ka tsangshiq raq mishreng laq. Kiimaq apaiq raq shrinkuqtaq bomtsi thun kra tsapkapkap maq milanglaq.

1 Peter 2:2

Kiimaq rawü chhi nye noshiisetiim ikha, wranaiqshe asii chiisan kamasham nyakpü, asii bomtsi kra nyang wan roli she, namtsan mong na kham-nyang tiitsi lanta sirong laq. Akha nyang lanta sihan jiila, namshiq khum ka ahea wiq maq mijong luwan. Kiimaq namkhum ka mitiichhii wan lot.