Luke 18:11 - ASII LAKDAP Bible (BSI)

¹¹ “Phorisi we ka apaiq honhonse li chap raüta, ‘Shiikeawe le, ngi raq ümniima kechutum tiikang. Ngi ka sükha maiqse riimang; monglap tsii min rüm mang; lo, nanok wiitarü sitlaq ikha, maiqchak maiqse rai min sra kimang. Ngi ka ara phunta hitiwe akhiika riimang.

Hawa Naga Bible 2001

¹¹ “Pharise waz kuex piq dvyx jvp vtueq; ‘Tishox lex, miq vganc jix htenc kuex kvkax wax jix, tsuingrux muq jix nuiyc miqjuik muex yaq jix miq rvtueq, ngaz kuex tsuingshiq kvkhoc muinz rvmauk, vruex muinghic jix waz vkhoc muinz rvmauk ningkhvnc nuex mnoz muex kejux yunghvlc.

Muklom

¹¹ Phorisi wa tha lang eq piq ni piq ma raaq eq romtam chuta, ‘Shkewa, nga nang ma kechu ajong kophang, chammatakoi nga miq dak mal ang mong, nga ahut ang mong, jashit jaksomtey ang mong etho sathuk jaksomtey ang mong; nga nang ma kechu ajong kophang chammatakoi nga iri phunta khoktey mal tho ang mong.

Luke 18:11 Referencias Cruzadas

Tvtsvmc 134:1

Warong ra, Tatiwe tiitsam rong i, tlotli ajaqshisetiim lei, tlotli apaiq Shomjam na rawa jaqshamtibi lei.

Tvtsvmc 135:2

juwa Tati jam na chaptlanti thun raq, nashiq Shiikeawe Shomjam maq.

TAKSU LAK 20:6

Maiqse raq maiqmii ka, akam sea chang ikha tiichongtlo; shatmaq riikhaqli maq rit wan haütiq, juwa riikhaqli maiq kra misap haü!

TAKSU LAK 30:12

Maiq wiijam raq tsangshiq tsan ka asii sitiikai nguta tiimatlo. Shatmaq tsangshiq tsan ka anyaq pinthum.

ISAIA 1:15

“Ümtiikiiwa ümniiraq ümjaq ka ra na dolaüta achu mijaühaü, Ngi raq ümniika alü min liimang she mirha. Ümniiraq ümtinkhan li achu jaü raümin, Ngi raq tre mangshe. Jamkhano ngukla ümjaq ka maiq tiijai na atsam reawi she.

ISAIA 58:2

Tsangshiq raq Ngi ka wranaiqshe shomnoqtlo. Raüta tsangshiq ka pinthum ilam phan thun kra sap wan miitu kiimaq itri raütu kra lang wan raüta siwan miitu shiikut chaq tiikai nguta tiitsakiq siqtlo. Tsangshiq raq ngutlo Ngi raq tsangshiq miika riikhaqli tingting tri raütu kli kuq raüjaq ahea miraq. Kiimaq tsangshiq raq Ngi shomnoq lam maq kai khoqriiqtiikai nguta tiitsakitlo”.

ISAIA 65:5

Kra raütiishe tsangshiq raq nanok ma akha ngutlo, ‘Namshiq ka naishiq tho wa alu na ngarong laq. Naishiq ka pinthum asii maiqsetiim. Namshiq raq naishiq khum na jaq maq sham maimak!’ Ngi raq akhnok maiqsetiim ka liilot mang. Tsangshiq khuthaq na itsankhiq ka walütu nyaitlaq ikha nyaitlo. Kriika ümtiikiimin matki mak phan.

JEREMIA 2:28

“Namshiq raq namshiq miitu phra kong atiiq han thun ka ümbano? Namshiq ma chamchao akhing na tsangshiq raq mitiichhiikuq liina— tsangshiq raq mitiichhiilot jiiha! Juda lei, ümchela thun ümchuwa, kiichu üm phra kong asi.

JEREMIA 2:35

namshiq raq ngutlan, ‘Ngi ka maiqsang la; tengteng, Tatiwe ka ngi rai tsan riikhiq mak she.’ Shatmaq Ngi, Tatiwe raq, namshiq ka mitsat ha. Jamkhano ngukla namshiq raq ngarai tanglanta nang nga tangmai dea nguta rottlan.

EJEKIEL 33:31

Krai mren, isenginok ka ümbom chong kra taiwa kongta hushhu ümphana watlo. Shatmaq ümniiraq tsangshiq ma jamlai bom wa chongkuq tlaü kriika tsangshiq raq lang mak. Tsangnübok miika lungwii bomtsi bomtlo. Shatmaq tsangshiq ka sükha rilung lam kra phan raütli sitlo.

Mikha 3:11

Chela pengti welabi raq tsiiqlap siq raüta peng wantlo. Ramwebi raq Thungtri ka, jaq maq lapphaq miituli shrin kuqtlo, Shammibi raq amaq lap ma riisham bom chong tlo, Raüta tsangshiq tarü raq, “Tatiwe naishiq rai asi. Nashiq tiihaisong chang jammin ahü,” nguta tsütsit tlo.

Matthew 10:3

Kiimaq Philip nai Bartholomi. Kiimaq Thomas nai Phunta hiti we Mothiq. Kiimaq Alphias se Jakob nai Thadeas.

Matthew 5:20

Arningkhan ngi chongpha. Namshiq ka Phorisinok nai Thungtri shrinketibi thaq na achan linlin miishe, Shiikeawe aming ka tsapkapkap maq lang wan han jiitiq, awongsii Shiikeawe sengi ma mija wan lot han.”

Matthew 6:5

“Namshiq raq ümtiikiiwa achu jaü tlan akhing na, mongnam nok raq jaü tlaq ikhiika, naq jaü rongkiq! Tsangshiq riika sinagok maq nai lamkii na chap raü raüta, maiq raq michhi laq nguta achu jaü tlo. Namshiq ma riikhaqli chongpha, tsangshiq raq Shiikeawe jaq wa poksi lap chang ka ahü she.

Mark 11:25

Kiimaq ümtiikiiwa, namshiq raq achu jaütlan na, tsan na kongti weshi ra rai tsan riibi asi nguta tiido kiiphan la, kra mra ka adü riibaiq ronglaq. Kra riihan jiitiq, üm We Shiikeawe, ramungtan na siti riimin ümngarai thun ka midii kuq.

Luke 20:47

Tsangshiq riika, manti liihi nyungre ka süpsi wantlo. Kiimaq achu jaü ka, shetangtang tiichhi ha jaü raüta, tsangshiq jamkun ka wiita laolii phaqsiq wan tlo! Tsangshiq khuthaq na Shiikeawe raq kha ka jonghea mikuq. Kiimaq tsangshiq miika pinthum achonglot mai chamchao jonghea mikuq wan!”

Luke 22:41

Kra ngu raütiishe, apaiq raq tsangshiq ka kriijaq tiinga thü raüta, tsangshiq nga tlaq kiimaq piqphiishi tin kongkhu na wawanto. Raüta, kaütsrong na ngaki raüta, akha achu jaüto,

Galatians 3:10

Jurwa Thungtri lang raütli sichang nguta kamtlaq, kriiti ka manson tiini mong niili sitlo ngushat. Ara jamkhano chongtiikang ngukla, Asii bomtsi na, “Jurwa Thungtri lakdap na waiqtaq kra phan phan wranaiq she, Thungtri aming thun kra lang mak, kriiti ka Shiikeawe manson moho raüta sitlo ngushat!” nguta chongtlo.

Philippians 3:6

Nanyungwe Thungtri lang wan lamphan na, tri raü sham wanti, akaü ashi. Kriikha maq, phungtuti ka pinthum tiichamchao wan kang. Thungtri lang raüta kechu maiqse ma jawan chang lam asi dea ngo chang jiika, ngi ka thungtri aming tingting maq lang wanti, kechu maiqse ashi nguta asi wan ha wa.

Revelation 3:17

Namshiq ka, ‘Ngi ka chiithe kiimaq rongboq; ngi ka winta sitiikang,’ nguta tiishom ra rai tlan. Shatmaq, namshiq raq, maiqmii ka thümse sang, kiimaq tiinan miishan sitiikai nguta heman! Namshiq ka miitsan, makchuk, kiimaq kheahü sitlan.