Luke 17:6 - ASII LAKDAP Bible (BSI)

⁶ Kiijiishe, Tatiwe raq treto, “Namshiq kamtsantsii ka jücha raise tin li jiimin, kam lanta namshiq raq ara manjong chong arma, ‘Ümrang chong maq tiiba wan laq. Laüta sammoktra jü mong na cham wan laq!’ nguta thaü han jiila mitai.”

Hawa Naga Bible 2001

⁶ Taungjix rueq, “Nuimshiq kvmluimx thuinz kuex yekex lix tanc saz httax ruiux yuq, nuimshiq rueq vruex ruiybanc jungx lex, ‘Vruingx maq kvbaungc wvnc vtueq, svmuktvrax nuex kemkaz kuiuz!’ ngoz ruiux yuq nuimshiq kvjaz kuex tay shuex.

Muklom

⁶ Teyhungwa thawel batta, “Nim kam raa jungqhang li tan ang ajo nim aa iri mulberry bang rima jin bat eq nin haqmong wang baching ching aa thalat eq jungku náng phuk ka u! Etho eshi bang shey nim raaq sha utat eq na.”

Luke 17:6 Referencias Cruzadas

Matthew 14:29

Kiijiishe, Jesuq raq, “Kira,” nguta thaüto. Krai mren, Petar ka lai mong wa kham thaq na satkisaq raüta, Jesuq pha nü na kham thaq maq khum wanto.

Matthew 17:20

Kiijiishe, “Namshiq kamtsantsii ka akom kha maq,” nguta Jesuq raq tsangshiq bom ka treto. “Ngi raq chongtiikang arka tengteng. Namshiq kamtsantsii ka jücha rai tinse li siraü jiimin, kam lanta ara hiqlam arnang nga, ‘Arba arwa tiikoq wanlaq, laüta ahin niishe kii wan laq’ nguta thaühan jiila, ngohea dea mitiikoq wan. Namshiq raq phanrap miklo lot han!”

Matthew 21:21

Kiijiishe Jesuq raq treto, “Ngi raq chong tiikang arka tengteng. Namshiq raq rang ra man maq kamhan jiila, ngi raq phupmup chong ara jamkho tiitsai baiq kang, akhiisii hali namshiq riimin milot han. Ara lamlam li ka riimak. Namshiq riika arthaq niimin, ara hiqlam kaü arma, ‘Tiikoq wan laq. Laüta, sammoktra jü mong na tiingok wan laq’ nguta thaü han jiila, hiqlam kaü ka mikü wan.

Mark 4:31

“Arka akha. Jücha lai kra mangjong hiq na aran pinthum. Maiq weshi raq, kra awak na miwanki ngu i.

Mark 9:23

Jesuq raq treto, “Tengto, ümniiraq Shiikeawe ma kam haü jiila! Ümniiraq kam haü jiila, phanrap milot haü!”

Luke 13:19

Kriika akha. Arka maiq weshi raq jücha lai ka wak na wanki tlaq ikha. Jücha cham ka jong wan raüta, achong ka ajong wiq she jong wan tlo. Raüta, jücha chong kü ako thun kiijaq, wushi setiim riimin, achü haitlo.”

Luke 17:7

“Bom shiiton ngu i, namshiq phong wa weshi ra raq, maiqmii jaqshise ashi mirüm han. Riita, apaiq ka wak jaqsham rü maq, riimak la, sku rüm rü maq, jam na misaü wa ngu i. Jam niishe saü raü jiila, ümniiraq apaiq ka tü atsam ka phaqsiq tlo laq, ngutiisha mithaü haü?

Luke 19:4

Kriikha miishe, apaiq ka sinkhu na ju raüta, tam chong ashi kiijaq dü wato. Raüta, Jesuq ka lam maq alea wan kiiwa lii ma nguta kheho lito.

Luke 7:13

Tatiwe raq manti-nyung ka chhi raüta, atsan na kai mangchan tsito. Kiimaq Jesuq raq apaiq ma, “Naqhoqkiq” nguta tlin bom damto.

Luke 7:19

Tatiwe phana bom tiiwai kai tiikito. Tsangnai ka Jesuq phana kiraüta, “Ümnaq ardea sha Johan raq, maiq weshi saüho tlo nguta chongtiiwe kra, sha naishiq raq ahinti miki nguta khechang wa miraq?” nguta waito.

1 Corinthians 13:2

Ngi ka kamasham na ama maq siti, maiqse tsantsii ka tiinin lili chang, traho bom chongke min milot ha sham. Kiimaq phanrap apaü arthü bomtsi thun kriimin misap ha sham. Kiimaq i kamtsantsii jong ka, ku akin kriimin tiime lili chang khan min misi sham. Shatmaq i tsan mong na lungwiitsii ahü jiika, ngi ka thiihü miraq.