Luke 17:24 - ASII LAKDAP Bible (BSI)

²⁴ Rachhai ralüp wa raq, ra ka siimko maq riita, siimko na saüli liliim chhai rai tlaq ikha, Maiq Se saükai akhing niimin, mangjong hiq ara hamli na, ali aliim she, mililiim wan. Kiimaq mangjong maiqse tarü raq, apaiq ka michhi wan.

Hawa Naga Bible 2001

²⁴ Raunglep koq yuq raungsamx kox maq, raungsamx kox nuex httuiuc laz raungx nuex tv-phez yaq ikhoc Miq Saz vpiq raungnuiyq nuex yaungx wvnc tuex.

Muklom

²⁴ Rangna rangkan lip eq chamal eq ashey chako wang adak chako náng phang aa thimal, Miqna Sa saal sha irimal hun angna.

Luke 17:24 Referencias Cruzadas

EJEKIEL 1:14

Kra ngamkaütiim ka konü siim maq riita konü siim na doqhaha rachhai ralüp ikha phiqhea achhai lüplüp doqsiqtlo.

JEKERIA 9:14

Tatiwe ka, asenginok rechap wanti thaq na ra maq misaüho, raüta wuchi liqsin jowan trang ka rachhai ralüp, Tati Rakaü Hiqwe raq rechap boli mitsü, Raüta apaiq ka shemai nü rathaiq rai miwa.

Matthew 24:27

Ara jamkhano chongkuq tiipha ngukla, Maiq Se saükai akhing kriika ra rachhai ralüp wan tlaq akhing na shedong maq riita shenyap chong na saüli maklii liipan niili chhai rai tlaq ikha tiihanghiiq miili misaüki.”

Matthew 24:30

Kiijiishetiq Maiq Se saükai akhing ka saüto she dea nguta rawang win na phanrap ka mitiiji shi. Kiimaq kra tiiji shi tlaq kriishe mangjong maiqse wiita raq michhi. Kiimaq mangjong maiqse kunli raq rawang win na Maiq Se ka phumda mong na Shiikeawe ningkun ajong kra ho raüta kiimaq achhai anyii khushü liliim kra horaüta apaiq saüho kra michhi. Kra chhi raüta, mangjong maiqse kra maaho manyi she mihoqsii trang.

Matthew 25:31

“Ümra akhing niiwa Maiq Se ka Hokham ma jaraüta rasetiim rai she saüho tlaq, raüta apaiq ka ahokham ngachang ngacho kiijaq minga,

Matthew 26:64

Kiijiishe Jesuq raq, “Ümniiraq ümnü maq ngu tlaü kata. Shatmaq ngi raq chongtiikang arka tengteng: Ümchaü armiiphat she namshiq raq Maiq Se ka Ningkun Ajong Pinthumwe ma jaqtsi nü na nga raü michhi han. Kiimaq apaiq ka phumkhu thaq nga raüta mangjong hiq na satkai akai rai she michhi han!”

Matthew 5:15

Jurmin lemtem ka tiinyai raüta taükok maq hong baiq mak. Kra rii na khoti lemtem ka atochang na mito. Krai mren, jam mong na maiq ümchu wa sitlaq kriima walüli asi miraq.

1 Corinthians 1:8

Apaiq raq namshiq ka atiithum ranaiq na saüli, kamasham na pharangrang maq mithü. Krai mren, Tati Jesuq Khristo saükai akhing Ranaiq na, Shiikeawe raq namshiq ka kechu maiqse nguta mipho kuq wan.

1 Thessalonians 5:2

Ara jamkhano chongtiikang ngukla, namshiq maiqmii riimin la, Tatiwe saükai Ranaiq ka, rawa na ahuk saüwa tlaq ikha, tiidong chhaq miili misaüki nguta, samhea wiq asap han she.

2 Thessalonians 2:2

Tatiwe saükai akhing Ranaiq ka saü wato she lii, nguta maiq bom maiqsa paja kra tai lanta, namtsan namtsii ka, naq tiimrurang rongkiq. Maiqbom tai lanta, namtsan ka motiichhii jap min naq tiichhii jap rongkiq. Jursap, maiq ashi ra raq, arka naishiq raq riisham bom maq chongto nguta, lo naishiq raq trahoke lam maq chongto nguta, lo naishiq raq lak tiiho wan kai kiijaq waiqto nguta bom ka motiipa ja min miraq.

2 Thessalonians 2:8

Kra shiikhingti we ka Shiikeawe raq lambaiq raü jiitiq, Abi Thawe kriishe misaüki. Shatmaq, ümtiikiiwa Tati Jesuq kriishe saühojiiq, kiijiishe anübok wa dongtlaq, atsitsü hea nepja maq, Abi Thawe kra misebaiq. Raüta, apaiq khushü walüli ka wa ikha, achhai anyii liliim tlaq, kriimaq mitiithen chaq baiq.

James 5:8

Kra niq riri sii hali, namshiq riimin la, tsankhun maq, nin wan ruq maq khe chang li. Tatiwe ka misaüki dongdii. Apaiq saükai jipi rahiq hong wan miika ajeje lishe. Kriikha maq, apaiq saükai khe kamto maq si rong laq. Atheingei ka naq theingei rongkiq. Namshiq tsaiji ka naq tran rongkiq.

2 Peter 3:10

Shatmaq Tatiwe Saükai Ranaiq ka ahuk dong wa tlaq ikhli, tiihanghiiq miili misaüki. Kra Ranaiq na ra thun nai ra na diim tlaq raiqsaiq jipi thun wiita hiq maq hutse, amok dungdung, apat arat wa trang liishe, wa raq tiibunlak, apun min ahü mikhiim baiq. Kiimaq ara mangjong hiq diim armin, hiq raikhü na ümchuwa diim tlaq kra wiita hutjok, tiisiirai wa maq michaq baiq.