Luke 17:21 - ASII LAKDAP Bible (BSI)

²¹ Jurmin, ‘Lii laq, Maiq Se ka arjiishe saükito ahata!’ Lo, ‘Lii laq, Maiq Se ka kriijaq she saükito ahata!’ ngutiika ngu mak. Ara jamkhano chongtiikang ngukla, Shiikeawe mungtan ka namshiq khum na sitlo.”

Hawa Naga Bible 2001

²¹ ‘Lawc shuinz, vyuq httax yaq! rvmuq ngoz ruiux, nuex kvyuq httax yaq!’ ngoz tueq muinz jungx lot miq; yvmx khoc lac ngoz ruiux lec Tishox Mungtan kuex nuimshiq mungx nuex httax yaq,” ngoz tueq.

Muklom

²¹ Utang eq tho irimal jin bat moq angna, ‘Siin u, ira irina!’ Etha ang moq ajo, ‘Ira eshina!’ Chammatakoi Shkewa Mungtan nim jaktung na.”

Luke 17:21 Referencias Cruzadas

Matthew 12:28

Riimak! Beljebul raq riimak. Shatmaq Shiikeawe Wenyi ningkun maq, ngi raq tha ka jobaiq tiikang. Riita ara jaqsham tiikang ara riili she, Shiikeawe Mungtan ka namshiq khuthaq na saükito she dea nguta hakhi kuq tlo.”

Mark 13:21

“Arkha maq, kra akhing na, maiq ashi ra raq namshiq ma, ‘Liilaq, Khristo ka arshe ahata!’, lo ‘Liilaq, apaiq ka i niikiijaq kata!’ nguta chong raü jiimin, namshiq raq naq lamkam rongkiq.

Luke 17:23

Namshiq ma akha chongketi maiq min asi miraq, ‘Lii laq. Maiq Se ka i niikiijaq.’ Lo ‘Lii laq. Maiq Se ka arjaq ahata!’ Shatmaq, akha chongketi jai ka naqphan rongkiq.

Luke 21:8

Kiijiishe, Jesuq raq treto, “Namshiq ka honkam shat maq sirong laq. Maiq ma naq tlao rongkiq. Maiq pahea ka i mang shaphaq raüta, misaüho. Raüta, tsangshiq raq, ‘Ngi ahata Khristo!’ nguta mitiitsaki. Kiimaq, ‘Phangthum akhing ka saü wato she!’ nguta mingu. Shatmaq, tsangshiq jai ka naq phan rongkiq.

John 1:26

Kiijiishe Johan raq treto, “Ngi riika mungmaiqse ma kham maq lamlam miili kham ka lamkuq tiikang. Shatmaq, namshiq phong na maiq weshi asi. Apaiq ka juwa kra, ümchaü min namshiq raq sap man shaqli.

John 18:36

Kiijiishe, Jesuq raq treto, “Ngi ka mangjong hiq wa hokham riimang. Ngi ka hokham we ngu raüka, i sengi thun ka wa raüta, Jehudinok ma ngi ka tlap mak mikhat wan wa. Riimak. Ngi raq hokham arang hotiikang arka, ara mangjong hiq rümti raq akuq ka riimak!”

Romans 14:17

Shiikeawe sengi ma jawan rilung ngutlaq kriika, phaqsea khamnyang tiitsak khok wan khuthaq na seng raüta siwan rilung ka riimak. Shatmaq, ating arai, khusang rakhang, kiimaq chojong chise maq siwan rilung, kra chong tlo. Riita, arthun arka maiqse rilung na, Asii Wenyi riitiq, tiitsi ngo wan phan.

Colossians 1:27

Shiikeawe raq kra apaü raüta athü wan ka, ümchaü sanha asengi ma, aphoq kechang she nguta akiq tiideato she. Riita ara achong lot mai rahea phan, achhai anyii tsiiqchong nyamchong rümtlaq arka, wiitarü miitu rümtlo. Riita ara chongtiikai apaü raüta athü bomtsi ka, Khristo ka namshiq khum niishe sitlo nguta chongtlo. Kra liichum ka, namshiq riimin Shiikeawe achhai anyii khushü jonglu kra milap wandam han she nguta ngo ahata.