Luke 17:14 - ASII LAKDAP Bible (BSI)

¹⁴ Kiijiishe, Jesuq raq tsangshiq ka chhi raüta, tsangshiq ma akha chongkuqto, “Warong laq. Lanta, ramwebi ma namkhum ka tlii warongkiq.” Krai mren, tsangshiq ka ramwebi pha na wa wawanto. Tsangshiq ka lam na awa rai bala liipan niili, tsangshiq thatsi ka heakito.

Hawa Naga Bible 2001

¹⁴ Yesu rueq tsuingshiq kuex khiz vtueq, “Waung kuinz nuimshiq shauk vgvnz kuex shomc waz bix muex tvkhic waung kuinz,” ngoz tueq. Tsuinghez lvmx nuex waung yaq nuex dvyx hvlx wvnc tueq.

Muklom

¹⁴ Jesu aa ning tha siin eq batta, “Ka inn etho nim aa tingwa tangma tasiin kat inn.” Ning chuwang jio, lam qhing o hun ning qhalta.

Luke 17:14 Referencias Cruzadas

2 HOKHVMX 5:14

Krai mren, Naaman ka Jordan rai na kihoto. Raüta Elisha raq apaiq ma chongkuqtaq kra phan phan khamchum mong na tiitsam hihi jang miishe tiitsamto. Kiimaq athatsi ka klang miitaq tiitsiirai heakito. Apaiq khum wa ahan ngam ka phintsaq tsaq heashe, tsindang dang heashe, nonose han ikhiishe nyeajok jok hea heakito.

ISAIA 65:24

Tsangshiq raq ijaq wa achu jaü tlaq kriimin milot shaq niili, Ngi raq tsangshiq achu jaü ka mitreha.

Matthew 3:15

Shatmaq Jesuq raq abom ka akha treto, “Ümchaü lak na riiwe ka ngi raq ümniima jamlai wa thaü tiikang, kli sham laq. Arka, Shiikeawe raq kechu jaqsham kiimung ümchuwa thapthi wantaq kra tiikupi wan jaqsham.” Riita, krai mren Johan raq apaiq ma jaq ka sham kuq wanto.

Luke 5:14

Jesuq raq apaiq ma, “Ara ümthatsi heakitaq arka, maiq ahinti ju miimin naq chongkiq. Shatmaq, ramwe we phana leaphok walaq. Laüta, ümkhum kra tiichhi wakiq. Apaiq raq ümkhum ka milii laq. Apaiq raq lii jai she, maiq tarü man na, ümkhum ka Asii she dea nguta tiichhi kewan hakhi, Mosheq Thungtri maq honglu she kuq laq,” nguta apaiq ma aming kuqto.

John 11:10

Shatmaq, apaiq ka ranyaq na khum raüla, ranyaq chhi mak kha maq, akhum lam maq atiithap tha akü rai miraq. Ara jamkhano ngukla, ranyaq kha maq apaiq ka tung alam min chhimak miraq.”

John 2:5

Kiijiishe, “Apaiq raq namshiq ma jamlai bom wa chong jiiq, kra phanphan sham rong laq,” nguta Jesuq nyung raq jaqshamtibi ma chong kuqto.

John 9:7

Kra raütiishe, apaiq raq, “Kilaq, Silom Thamchum na ümthea ka maikikiq,” ngutiishe makchuk we ka thaüto. (Silom liichum ka “tiikito” nguta ngo riito). Krai mren, makchuk we ka thamchum kiina kihoto. Raüta athea ka maito. Kiimaq amak ka heakisaq li she heakito. Raüta apaiq ka maiqhea tingsang she ajam na jang wanto.