Luke 16:16 - ASII LAKDAP Bible (BSI)

¹⁶ “Riita, Mosheq Thungtri nai shammibi lakdap na waiqtaq tri raü thun kriika, Khamlamketi we Johan pat na saüli li, maiqse raq lang wan raüta siwanto. Kra jai miishe ka, maiqse ma Shiikeawe Mungtan Tsütsa Ahea kriishe tiitai chongkuq kuqtlo. Kiimaq maiqse angu pumsiitek raq, Shiikeawe wokhong na shang wan tlo haijaq nguta, riishii riipan she warai wan tlo.

Hawa Naga Bible 2001

¹⁶ “Moshe Tvrac nuiyc shvmmax bix rueq vwuiyq luik htenc kuex Yuix Luip Yohan pat nuex httuiuc phaungx ngaungx wvnc tueq; Kvruex yimaq kuex Tishox Mungtan nuex seng yaq Thuix Thaungx Vhvlx htenc kuex jungphvnx wvnc koq tueq, miq ruip rawx kuex mungtan nuex rvsherc rv-phuk nyuip wvnc wuez tueq.

Muklom

¹⁶ “Moses thong etho rangsamal tang aa phanchan sha John jungthalam nángduk angta; iri jio Shkewa Mungtan tungtang aqhal phanchan aa etho thaji irináng kachang chang aa kapha.

Luke 16:16 Referencias Cruzadas

Matthew 10:7

Kirong laq. Lanta, ‘Ramungtan ka aje niishe!’ traho kirongkiq.

Matthew 15:11

Maiqse raq anü mong na jamlai wa thii wan tlaq kra riika, apaiq ka Shiikeawe man na ashe miika tiija mak. Shatmaq, apaiq raq anübok maq jamlai phan bomtsi wa bom tlaq, kriiraq apaiq ka Shiikeawe man na ashe ma tiija tlo.”

Matthew 21:32

Ara jamkhano chong tiikang ngukla, Khamlamketi we Johan ka saüho raüta, namshiq ma kechu lam phan kra tiichhikuq wanto. Shatmaq namshiq raq apaiq bomchong ma kam man riilan. Shatmaq phunta hitibi nai mephe nyungtiim riika, apaiq bomchong ma kamto. Namshiq riika ara chhi shat shat taü miimin, namtsii ka klai man dea. Kiimaq Johan bom chong ma kam man dea riilan.

Matthew 3:2

“Namshiq tsantsii ka klai wan tlo ronglaq. Jamkhano ngukla Ramungtan ka aje niishe!”

Matthew 4:17

Kra akhing miiphat sanha, Jesuq riishe nokmaiqse ma trahoke wan jaqsham ka akhiishe phahoto: “Namshiq ngarai lam phan wa jang wan ronglaq. Jamkhano ngukla Ramungtan ka aje niishe!”

Matthew 4:23

Kra raütiishe, Jesuq ka Gelili wang hamli na barap se na wato. Raüta, sinagok thun maq shrinkuqto. Kiimaq Shiikeawe raq mangjong maiqse kunli asengi ma tiija wan akhing ka saüto she nguta Tsütsa Ahea kra tra hokuq wanto. Kiimaq maiq atsi asiti phanrap phanrii thuptsi thatsi raq chamchao rai tlaq thun kra wiita tiihea chhintsii kuqto.

Mark 1:14

Johan ka phaqtek na ashaq wi niishe, Jesuq ka Gelili wang na wa raüta, Shiikeawe Tsütsa Ahea ka akha chongkuqto,

Mark 1:45

Shatmiitiq, apaiq ka wawan raüta, atsi tiihea kuqtaq tsütsa kra, barap binrii niishe tsaki wanto. Apaiq raq barap na, rin ra wan kha maq, Jesuq ka chela na, nokwe makki na, khumki lot mak she riito. Arkha maq Jesuq ka, maiq akaiq kaiq ba hiqshong niili she khum wanto. Kra taü maq dongdii min, mungmaiqse ka Gelili wang barap se wa, apaiq phana riitsap riikhat wato.

Luke 10:11

‘Liirong laq, naishiq hokphi na akop botkhulai ara dongdii min, jai nü na naübaiq thü tiikai. Arka namshiq ma manson miishe mija wan. Shiikeawe Mungtan ka namshiq thoniishe saükito!’

Luke 10:9

Lanta, kra chela na maiq atsi asiti sitlaq kra tiihea kuq ronglaq. Lanta tsangshiq ma, ‘Shiikeawe Mungtan ka namshiq thoniishe,’ nguta chongkuq ronglaq.

Luke 16:29

“Kiijiishe, Abraham raq treto, ‘Ümphu ümnotiim ma tsii chongketi ka, Mosheq nai shammibi raq awaiq thü, Asii bomtsi asi. Ümphu ümnotiim raq tsangshiq bomchong kra tai chang.’

Luke 16:31

Shatmaq, Abraham raq treto, ‘Tsangshiq raq Mosheq nai shammibi bomchong kra lang mak jiika, maiq ama wa ashi ra dong wan raüta chongkuqki raü jiimin, tsangshiq tsantsii ka klai mak dongdii miraq.’ ”

Luke 9:2

Raütiishe, apaiq raq tsangshiq ka, Shiikeawe Mungtan bom tra hokekai thaüto. Kiimaq atsi asititi thun kra tiiheake kai miitu tiikito.

John 1:45

Kiimaq Philip ka Nathaniel rai riihumto. Raüta, apaiq ma chongto, “Naishiq raq Najareth hiqti Joseph se, Jesuq rai riihumkai. Apaiq miitu ka Mosheq raq Thungtri lakdap na waiq thüto. Kiimaq, shammibi riimin waiqthüto.”

John 11:48

Nashiq raq apaiq ka akhli, awang chang jaqsham ka tiisham ruq li tiisham hai jiika, mungmaiqse wiitarü raq apaiq ma siisaq she mikam wan. Kiimaq Roman welabi raq nashiq thaq na kha minyan. Raüta, nashiq nok Shomjam nai namung ara tsangshiq raq ashthen she mirbaiq!”

John 12:19

Ara mungmaiqse raq Jesuq tao wan kra chhi raütiishe, Phorisinok ka tsangshiq nai tsangshiq liipan na, bom ka akha riichongto, “Liimanta, notsam, nashiq riika tanglot mai dongdii she! Liirong laq, mangjong maiqse tlotli raq, apaiq jai li she phan wanto!”

John 5:4

Jamkhano ngukla akhing khing na Tatiwe rase ka thamchum na satki lili raüta kham ka tiibrak tlo. Raüta atsiti juwa thamchum tiimejai na sinkhu na thamchum mong na satkitlaq kriiti thatsi ka heakitlo.

Acts 3:18

Arka, Shiikeawe raq rathup rapha niiphü dongdii, apaiq shammibi tarü nübok maq, apaiq Khristo ngutlaq kriika, pinthum chamchao raütiitiq tsai chang dongdii miraq, nguta tiithai chong jeshe dongdii. Krai mren, Shiikeawe raq shammibi lümaq tiithai chongkuqtaq kra phan phan she dea, ara mra ka pin wanto.