Luke 15:18 - ASII LAKDAP Bible (BSI)

¹⁸ Ngi arka arwa tiido wan lata, i we phana li she mijang wan nong ha. Lata, i we nangnga, i we le, ngi raq Shiikeawe man na nai ümman na, ngarai jonghea tang wankang.

Hawa Naga Bible 2001

¹⁸ Ngaz kvtenc vtueq iwaz kox nuex waung vtueq, iwaz lex, Tishox muex muinz, mnoz nuex muinz ngaz yaq tauk.

Muklom

¹⁸ Nga iwa ching náng ka eq bat náng, “Iwa, nga mungtan jakho etho bamiik siin o ngarey jaksom somlo táng.

Luke 15:18 Referencias Cruzadas

2 KAÜWA WERAÜ 33:19

Kiimahali hokhamwe raq achu jaütaq nai Shiikeawe raq apaiq achu jaü tretaq bom thun, kiimaq apaiq mra mitiidii wan shaq na apaiq raq ngarai tangtaq thun raüpot kra- apaiq raq ashut klowantaq thun kra, thatsang noqkujam thun haitaq kra kiimaq jechak nyung phrakaü Ashera berong thun shongtaq kra, kiimaq apaiq raq sumla thun shomnoq wantaq thun kra wiita Shammibi Manphan Lakdap na waiq thüto.

Tvtsvmc 25:11

O Tatiwe lei, ümkiqkham ka thülaq, laüta ingarai thun ka diibaiq laq, jamkhano ngukla ingarai ka pahea,

TAKSU LAK 23:13

Sintsangse maq ümse tiitsii, miika naqkankop kiq. Sintsangse maq tsat raüka, ümse ka tsaiki mak.

ISAIA 63:16

Ümniika naishiq ma awe jong. Naititiim Abraham nai Jakob raq naishiq mang ka sap mak. Shatmaq, ümniika naishiq Tatiwe ka, naishiq ma awe, naishiq ka wranaiqshe tiikhup wongke wantiwe.

JEREMIA 3:19

Tatiwe raq ngutlo, “Israil lei ngi raq ümniika ise ma tiija wan tiima kang, kiimaq ümniima peohea mung kewan tiima kang, mangjong tlotli na pinthum hiqhea. Ümniiraq ngi ka iwe nguta hea wanlaq nguta thapthi wan kang, krai mren ümniika iwokhong wa ümtiikiimin dongho maimak she.

JEREMIA 31:20

“Israil lei, ümniika ise ngi raq pinthum mangchan tiikang. Ümtiikiiwa Ngi raq ümmang chong tiikang, Ngi raq ümniika lungwiikhiq maq tiimasiq tiikang. Imongjii ka ümnaq miili rantlo; Ngi raq ümniika mitiihangha.

AJONJÜ 3:29

Nashiq raq tsan tiibum laita, nin wan haijaq ahea. Kra riihai jiila aran chang ka asi li sham.

AJONJÜ 3:40

Nashiq jamkho shongnga tiikai kra, shinlii laita Tatiwe phana nyap wan nong rong i.

DANIEL 4:26

Rase raq pechong khuk ka hiq na kiikhiili thüronglaq nguta aming kuqto. Kra liichum ka ümra akhing niiwa ümniiraq ümtsan mong na, ara mangjong hiq tlotli arka Shiikeawe riidea rümtlo ngutiishe mitum haü, kra akhing niishetiq, Shiikeawe raq ümniika hokhamwe ma hali mishong nong.

Jona 2:4

‘Ngi arka ümwokhong wa shleq baiq laü she sham. Ngi raq asii Shomjam mong na, ümsham chhiwa lu nong mangshe sha,’ nguta riiwea kang.

Jona 3:9

Kiikha nashiq raq ngarai tiidii wan hai jiika, jursap, Shiikeawe raq apaiq tsantsii miklai wan min aja sham. Kiimaq apaiq tsankhiq nashiq khuthaq na sitlaq kriimin mishi wan sham. Raüta nashiq ka atsai chang wa, atiichhun mirkuq wan sham!”

Matthew 3:6

Tsangshiq raq maiqmii ngarai ka tiidii wanto. Krai mren, Johan raq tsangshiq ma Jordan rai na kham lamkuq wanto.

Matthew 6:14

“Namshiq ma shutphittibi mra thun ka namshiq raq diikuq han jiila, ramungtan na siti nam We riimin namshiq mra thun ka midii kuq.

Matthew 6:9

Namshiq raq achu jaü ka akhli jaü wan lili ronglaq: ‘Ramungtan na siti na We: Ümmang asii kli mishreng laq;

Matthew 7:11

Namshiq ka abi maiqsetiim raq santla, namsetiim ma ahea awa phan hupsam kene wan ka atsin han. Riita ikhiijiika, ramungtan na siti nam We raq, apaiq jaq wa jaü wan tlaqti miika, ümtinkhan kao raüta ahea awa phan hupsam she wa kuq wan jiiq riila!”

Luke 11:2

Kiijiishe Jesuq raq tsangshiq ma akha chongkuqto, “Namshiq raq ümtiikiiwa achu jaü tlan akhing na, akha jaü ronglaq: ‘I We lei: Ümmang asii kli mishreng laq; Ümmungtan ka misaülaq.

Luke 15:17

Atiisup niishe, apaiq tsii ka samto. Raütiishe, apaiq nai apaiq ka akha nguta tiibotto, ‘Ai, i we jaqshisetiim ümchuwa sitlaq thun kriika, tsangshiq wok phetaktak, aphaq asea li lot mak sitlo. Shatmiitiq, ngi ara nangnga, arjaq ram raq haü lata, tsai tiikang nya!

Luke 15:19

Ngi arka ümchaü sanha, ümse nguta ngo ka thek mang she. Ümjaqshisetiim jamkho rüm tlaü kiikhiili she rümlaq,’ nguta minguha nguta atsan na tiimato.

Luke 15:21

Kiijiishe, ase raq, ‘I we le,’ nguta bomto. ‘Ngi raq Shiikeawe man na nai ümman na, ngarai jonghea tang kang. Ngi ka ümchaü ümse nguta ngo ka thek mang she,’ nguta awe rai bomto.

Luke 18:13

“Shatmaq, phunta hitiwe ka alu niili chap raüta, ra nü niimin liimak maq, akhuk na ajaq maq tiitap raüta, ‘Shiikeawe le, ngi ara ngarai maiqse. Ngi ara mangchan kuq liidea!’ nguta achu jaüto.”