Luke 15:15 - ASII LAKDAP Bible (BSI)

¹⁵ Kriikha miishe, apaiq ka kra mungti, maiq weshi jam na ningchang tham phaq kai kihoto. Kriiwe riishe, apaiq ka awaq kong kra rümkai miitu wak niishe tiikito.

Hawa Naga Bible 2001

¹⁵ Kvkhoc rvtueq kvruex mungx wawc miq washiz kox nuex httax naungx tueq, kvruex waz rueq piq kuex wuik wawc wauk htenc tvremc tvkoc tvkaz tueq.

Muklom

¹⁵ Ethi rangma piq eshi mungna tongtey washey ching thináng jaksom lot chuk thima kata etho piq tha uwak siintan remkum thima shingta.

Luke 15:15 Referencias Cruzadas

2 KAÜWA WERAÜ 28:22

Riita apaiq dii na chamchao sangrai ka henghea she saü wan kiita, Ahaj raq Tatiwe makki na ngarai ka pahea tang wan wan khoti riito.

DUNGWVNC 10:3

Krai mren Mosheq nai Aron ka hokhamwe phana wato. Raüta apaiq ma nguto, “Tatiwe, Hibrunok Shiikeawe raq ngutlo, ‘Ümniika ibom taimaü ikiq khiiruq ka ümtincho na saüli wa mikhiisiq haü? Isenginok ka tiiwalaq. Raüta tsangshiq raq Ngi mishomnoqlaq.

ISAIA 1:5

Ümniiraq ikiq khü wanli she ka jam nguto sruriitlaü? Riita ümniiriika imo ka arthaq niimin laihea howan sha rotlaü? Israil loi, ümkhupo niika ümchaü sanha ami atsi phongli she. Kiimaq ümtsantsii nai ümkhutsai ka wiita atsi makaiq she.

ISAIA 57:17

Ngi ka tsangshiq ma itsankhiq riikang. Tsangshiq ngarai tangwan kha na kiimaq tsangshiq sükhatsii thü wan kha na khiq kang. Kra ningkhan Ngi raq tsangshiq ma mo tiihokang lata tiishaübaiq kang. Shatmaq tsangshiq ka nilannok. Krai mren tsangshiq raq lungwiitlaq kriili klo wanruq riito.

JEREMIA 5:3

Tengteng, Tatiwe riika tsapkapkap maq noqti rittlo. Apaiq raq namshiq ka sintsang maq bukto, shatmaq namshiq raq tsantsii kuq man dea. Apaiq raq namshiq tiibunlak bukto, shatmaq namshiq raq shrin mandea. Namshiq ka wanshakshak nilannok; kiimaq nam ngarai lam phan ka thaqbaiq man dea.

EJEKIEL 16:52

Riita ümchaü ka ümniiraq ümjea ngaü chamchao homa ka holaüta sichang she. Ümngarai phong nai ümnyino nyungtiim ngarai phong kra adam na triingea raü ka, tsangshiq ka ümnaq nam ma maiqshaq linlin. Ümchaü sanha, ümjeasi khabu kriima tiipang laütli si liina. Jamkhano ngukla ümniiraq ümnyino nyungtiim ka asii maiqse lin lin ikhiishe tiija kuq laü kata.”

EJEKIEL 16:63

Ngi raq ümshut ümphit thun ümchuwa klo wan laü kra kunkun midiibaiqha. Shatmaq ümniiraq kriithun ümtsan mong na mitiitsang haü. Kiimaq ümnü maq bom poshi dongdii min dolot maü pinthum mijeasi haü.” Arka Tati Rakaü Hiqwe raq toqtanto.

NAHUM 3:6

Ngi raq ümniika wiikhü wiitho maq misaisi pha, kiimaq ashe ashi maq miphong baiqpha, Mangjong maiq raq liilot mak shekhiq lishe mija haü.

MALAKI 2:9

Arkha na, ngi riimin, Israilnok tsantsii ka namshiq tiishummii wan miitu she mitiiphe baiq wan ha. Jamkhano ngukla, namshiq raq, ngi raq thapthi tiikang kra shamkuq man kiimaq, namshiq raq isenginok ma shrinkuq tlan na, nokmaiqse ka tarü makliishi maq liiman riitlan.”

Matthew 7:6

“Ngamrea ka hi kong ma naq kuq rongkiq. Tsangshiq raq namshiq khoti mikaq. Lakshii tum ka waqkong khaki naq baiq rongkiq. Tsangshiq riika hok miili minibaiq wan.”

Luke 15:13

Kra pheake jai maq jaqlo miili, anowe raq apaiq la hup asam kra asha riito. Raüta, kra sha kampho ka hoho raüta, apaiq ka wanhiq na kihoto. Raüta, apaiq ka maiq mung ashi luhea na tre hoto. Raüta, kra mung na akampho kiimin pili piilii, tuwan piiwan shaphaqto.

Luke 15:14

Apaiq raq ajaq na ümchuwa sitlaq kra thum thum shaphaq baiqto. Kra jiishe, kra mung ka hamli na, ram jonghea dongto. Kiimaq apaiq jaq niika jam min ahü, siirai she riito.

Luke 15:16

Apaiq raq atsan mong na tiima ka, waqkong dung chang waqtsam cherongtsi kiiwa ashi ra raq siinai ikuq nya, i ramtsi ara atiitsaq ha chang nguta, rangransiqto. Shatmaq, apaiq miika jurmin, aphaq sia chang phan ka kuqphaq mak riito.

Romans 6:22

Shatmaq, ümchaü sanha, namshiq ka ngarai kharü mong wa ada wan kun she. Ümchaü sanha, namshiq ka, Shiikeawe disetiim she. Krai mren, namkhum ka ngamrea phu akuq ikha, Shiikeawe ma, namrilung ka kiinong kuq lan krai mren, namshiq rilung ka ümchaü asii she. Riita, akha sitlan ara tsingo ka, namshiq raq pattup pat-sa rilung she lap tlan.

Titus 3:3

Jamkhano ara chongtiikang ngukla, man na lea wankai akhing ashi na, nashiq tarü ka maiqjiq, angok angikong ikha siwan kai. Shiikeawe lamphan sapmai, nilan kong siwan kai. Kiimaq ashut ashe rilung li siwan kai. Nashiq ka ngarai sükha tsii kharü mong na siwan kai. Kiimaq phanrap phanrii, ngarai han-ngam sükha polo lam phan wan laitli siwan kai. Nashiq raq nashiq rilung ka maiq chongsea nai maiq ngengseng lam miili rilung shaphaq wan kai. Nanok raq nashiq ka shuliito. Kiimaq nashiq riimin nanok ka shulii wan laitli rashe jipi tiicha wan kai.