Luke 15:13 - ASII LAKDAP Bible (BSI)

¹³ Kra pheake jai maq jaqlo miili, anowe raq apaiq la hup asam kra asha riito. Raüta, kra sha kampho ka hoho raüta, apaiq ka wanhiq na kihoto. Raüta, apaiq ka maiq mung ashi luhea na tre hoto. Raüta, kra mung na akampho kiimin pili piilii, tuwan piiwan shaphaqto.

Hawa Naga Bible 2001

¹³ Kvruex yimaq mtanc muinz httax muq nuex noyix waz rueq piq hup vsvmx htenc kuex shaung gay ruiux raz tueq, lvp tueq kuimphox htenc kuex lvmz laq vtueq, lvmx luz mungx nuex kaz wvnc tueq. Piq rueq kvruex mungx kvmaq kuimphox htenc kuex mungkawx piauc liauc lvmx nuex shaung phauk gay kaz tueq.

Muklom

¹³ Saal tom bali jio noji wa aa piq rang hung aa haq tha sangchak eq etho lik angin tha hol eq him wang thalat chuwang ta. Piq alo mung náng chuwang ta, etho piq aa lik angin tang tha ngarey rollung rangma thun phaksa ta.

Luke 15:13 Referencias Cruzadas

Tvtsvmc 73:27

Jurwa ümnaq shishebaiqtlaqti thun ka tengteng athum mirki; ümnaq tsapkap makti thun ka ümniiraq mitiithenbaiqhaü.

TAKSU LAK 18:9

Ajaq sham mak, riininti ka abi pinthum, maiq tiithenti.

TAKSU LAK 21:17

Pili piilii, chenyang dungsea butja, polo seati ka chiithe ma jamak.

TAKSU LAK 21:20

Taksu maiqse ka, chiithe lüwa ma jaraüta sitlo. Shatmaq maiqjiq angi nolati riika, kampho ümchuli lap raü min, pili piilii jaqlo liipan niili shaphaqtlo.

TAKSU LAK 27:8

Jam baiqthü raüta, maiqhiq na treti ka, wushi se raq achu baiq thü raüta, rum na miiho tlaq ikha.

TAKSU LAK 28:7

Thungtri wokhong na siti ka seshaq. Shatmaq maiqjiq kong rai haiseati ka, anyungwe ma jeasi tiingaüti.

TAKSU LAK 29:3

Ase raq nyan phaqchi lungwii raüla, anyungwe ka tsailam jilam miraq. Shatmaq mephe nyungre rai srati raq, kampho ka atu na raübaiqtlo.

TAKSU LAK 6:26

Maiqse raq mephe nyung ka, winsii thop shi maq mishiip lot. Shatmaq maiqchak rai srakaiti ka, arilung thumli miraübaiq.

ISAIA 1:4

Ümniika miqlaü she. Ümniika ngarai kaq mung ashi. Ümniika ashe kiimaq abi pinthum! Ümngarai riilishe ümniika patbaiq wanto! Ümniiraq Tati, asii Israilnok Shiikeawe kriika no na tsuqbaiqlaü. Laüta ümniiraq apaiq ka jainong nümiishe shungbaiqlaü.

ISAIA 22:13

Shatmaq kra rii na namshiq ka anai riilan kiimaq polokhiq peo wan lan. Namshiq raq sku nai minsaü taphaq lan. Kiimaq namshiq ka chenyang chamtraq riilan. Namshiq raq akha ngulan, “Nashiq ka chenyang dungsea phetak butja sirong i na! Anap nashiq ka amaa phong li she miraq.”

ISAIA 30:11

Naishiq lam wa tiijintlo ronglaq. Naishiq lam ka naq tiibanbi rongkiq. Naishiq raq namshiq Shiikeawe asii Israilnok Shiikeawe bom chong ka tairo mai.”

ISAIA 56:12

‘Che ka abiri nyang rong i na,’ nguta ara cherop kong raq ngutlo. ‘Laita nashiq raq atangtang bak nyang rong i na! Anap ka ümchaü ranaiq nam ma ahealin miraq!’”

JEREMIA 2:13

Jamkhano ngukla isenginok raq ngarai phan nai tangto: tsangshiq ka iwokhong wa juhoto, khangriri hea khamraise wa, raüta tsangshiq raq khappong thun thuto, kriika akha tonglong kham riichumlot mak.

JEREMIA 2:31

Israilnok lei, ngi raq jamlai bom wa chongtiikang ara tiitsang taironglaq. Ngi ka namshiq ma rumnyangkhi kumtsaiphii ikhiishea jaki kang? Kiimaq namshiq ma ranyaq tangtang kaü kiimaq maiqphiip maiqjiip mung ikhiishea jakikang? Ikhla, namshiq riika maiqmii tsan raq aroro phan kli klo lanta misihan, ngi phaniika jang wan man she nguta jaram wa ngutlan?

JEREMIA 2:5

Tatiwe raq akha ngutlo: “Namtitiim raq ngi tiishutphit chang mra jamlai wa humta? Tsangshiq ka iwokhong wa jam nguto juhota? Tsangshiq raq thiihü sumla phra thun noqto; raüta tsangshiq kiimin thiihü ma jakito.

Mikha 6:3

Tatiwe raq bom waitlo, “Isenginok lei, ngi raq namshiq ma jamlai wa riikang? Ngi raq namshiq ka jamkho süpsi wan kang? Chongrong liita!

Luke 15:12

Ranaiq shi, anoweti raq awe jaq wa apaiq rii tachong hupsam sitlaq kra, ‘I we le, ngi ma ngi la tachong hupsam ümnaq tsai jaitiq lap chang sitlaq kriika, ngi ma ümchaü li pheakuq laq,’ nguta awe jaq wa jaüto. Krai mren, awe raq apaiq tachong hupsam kriika, ase nai liipan na pheakuqto.

Luke 15:14

Apaiq raq ajaq na ümchuwa sitlaq kra thum thum shaphaq baiqto. Kra jiishe, kra mung ka hamli na, ram jonghea dongto. Kiimaq apaiq jaq niika jam min ahü, siirai she riito.

Luke 15:30

Shatmaq, ara ümse ariiraq, ümtsiiq ümnyam chong thun kra wiita, mephe nyungre rai sethoq ja lam maq, raü baiqlot raütiishe, apaiq ka jam na jang wan kiiphaü tiitiq sha, ümniiraq ahan aphin pinthum minsaü pongse kra takuq laü!’

Luke 16:1

Jesuq raq ajaqshisetiim ma ara manphan arhali chongkuqto, “Man na maiq chiithe weshi asi riito. Apaiq piikii kra liike wanti ajaqshi se weshi asi. Riita, chiithe we kriima, nanok raq achere we raq, apaiq piikii kriika atiisum riitlo nguta tsütsa ka tiitaito.

Luke 16:19

“Man na maiq weshi ka chiithe pinthum riito. Apaiq ka athii atsin pinthum miirii maq tiimiikhiiq raüta sito. Kiimaq wranaiqshe chamtraq tiipao tiipii raüta sito.

Ephesians 2:13

Shatmaq, ümchaü sanha, Jesuq Khristo rai pumshi hanshi she sitlan kra lümaq, namshiq man na, Shiikeawe pha wa luhea bintang na siwan lanti kiimin, Shiikeawe thoniishe shunshea wanto. Ara ümchaü namshiq, Shiikeawe tiinap niishe shunshea wantaq arka, Khristo ka honglu na tsaitaq, kra lümiishe, namshiq ka Shiikeawe tiinap na shun shea wanto.

Ephesians 2:17

Riita, ara chongtiikai krai mren, Khristo ka saükito. Raüta, apaiq raq Tsütsa Ahea, khusang maq siwan lamlu kra, maiqse angu tarü ma chongkuqto. Namshiq Pongnok phan maiqse, namshiq Shiikeawe pha wa luhea na sitlan phan miimin la, kiimaq Jehudinok phan, apaiq Shiikeawe tho na shongngati phan miimin la, ara chongkuqto she.

2 Peter 2:13

Tsangshiq raq nanok ka jamkho tiichamchao wantaq, kiikhiisii Shiikeawe raq tsangshiq min Phangthum Khapho Ranaiq mitiichamchao wan. Ranaiq shethungpii na che nyang tsamsea butja haisea nai junshüm riirüm riipo nasia kli tsangshiq miika apeo pinthum. Tsangshiq ngarai han-ngam ramho raq jamlai wa jaü tlaq, kra dunghea wan kli lungwiitlo. Tsangshiq ka namshiq Phungmaiqse rintii dungsea riitam nga tlan kiijiimin lom dam tlo. Tsangshiq raq akha biitsaüki lam maq namshiq rai lom dam tlaq kriika namshiq li tiisheshi dam tlo. Tsangshiq ka akha laopha kiimung raüta siwan kli peosiq tlo.