Luke 14:21 - ASII LAKDAP Bible (BSI)

²¹ “Krai mren, ajaqshi se ka atijong we phana jang wan raüta, atijong we ma arthun tsütsa ara chong wanto. Kra tai raüta, atijong we ka kai walü wa ikhiishe khiqto. Raütiishe, apaiq raq ajaqshise ka, ‘Kilaq, juju. Chela mong na, tungkii lamkii na, shok anok ba thun kiina kilaq. Laüta, kiijaq maiq sitlaq kra phong wa, miitsan miijan maiqse, akü ashiiti, makchuk jaqmiiti thun kra ana sheaki kiq,’ nguta thaü nongto.

Hawa Naga Bible 2001

²¹ “Kvruex nvrc waz kuex vjiyungx waz kox nuex yek waung vtueq kvruex lvmx htenc kuex lotlaz tvtay jungx tueq. Jiyungx waz kuex thuinkhaq vtueq piq nvrc waz muex, ‘Lvmx laungx htenc nuex nuiyc lvmx phak htenc nuex htat htat kaz vtueq, htemc saz jix, vmaungx vhtaungx jix, yaz kuix jix, muik mawz jix htenc kuex gvl wvnc loq,’ ngoz tueq nvrc tvkaz tueq.

Muklom

²¹ Sanga wa tha ka eq tangteywa thima iri raaq tang raa batta. Him tangteywa tha kha eq sanga wa thima batta, ‘Kalo ka eq samhaq wang aming lam etho lam wang thaji tangshit tang, chongbon tang, miikduk tang, etho jakung tang shi ináng thoksol phu.’

Luke 14:21 Referencias Cruzadas

Tvtsvmc 2:12

atiikhai rokrok ajichong na bum ronglaq; riimakla atsankhiq ka tiidongchhaq li minyai wan, krai mren namshiq ka chutli mitsai han. Apaiq wokhong na nyap wanti ma chochi jonghea miraq.

Tvtsvmc 38:7

Ichhü irai wiita wa raq akhiim ikha tsidong bum tiikang kiimaq ngi ka tsaija chhunja sitiikang.

ISAIA 35:6

Hokkiiti ka adoq haha she miwiinum, kiimaq bomtsü makti thun raq chojong chise mishinge wan. Kumtsaiphii wang binjü na jüseraisetiim tonglong she midong wan.

JEREMIA 5:1

Jerusalemti lei, namshiq chiihea wea lam thun kiimaq juronglaq! Lantea tro tri liironglaq! maiqmii mak maq liironglaq! Kejat thung thun kra rit ronglaq! Maiq ashi ra riikhaqli jaqshamti mihumhan shea kiimaq Shiikeawe wokhong na tsapkapkap maq sila nguta shiikutti asi shea? Namshiq raq, humhan jiika Tatiwe raq Jerusalem mra ka midiikuq.

JEKERIA 11:11

Krai mren tongshong wantaq bomkha ka kra ranaiq niili diibaiq wanto. Kriithun ka, sku shati nai ariti raq, ngi raq jamlai wa klo wan kang kra shrira liiwanto. Raüta Tatiwe raq ngi lümaq, tsangshiq ma jamlai bom wa chongkuq tlaq, kra tsangshiq raq sapto.

JEKERIA 11:7

Sku piikiitinok raq ngi ka sku rüm ma amaq kham na thüto. Krai mren, ngi ka ataphaq chang sku rümti ma jakang. Ngi raq sku rüm chang nyeakii anai lam kang: kiishi mang ka “Akhrumti,” kiimaq kiishiti ka, “Aram ari,” nguta mang kang. Kra latiishe, skukong ka rüm kang.

Matthew 11:28

“Namshiq homa lai raq patrai lanta hunnii rai tlanti thun tarü, ana i phana warong ra. Ngi raq namshiq niitsi kra mitiitsak kuq kang.

Matthew 11:5

Makchukti riimin chhi tlo she, hokkü jaqküti thun kiimin khumtlo she, kiimaq thupbi thati raq akaq ashong ashe mitsi rai tlaqti thun kriimin tiisii kuq wanto she, nibii biilati thun riimin taitlo she, maiq ka ama wiimin tiijang wantlo she, kiimaq Tsütsa Ahea kra miitsan miijan maiqse thun ma tiitai kuq wanto she.

Matthew 15:12

Kra tai raüta ajaqshisetiim ka apaiq phana waraüta, “Ümbom ira tai raüta Phorisinok raq athai riito. Kra ümniiraq asap haü ahiq na?” nguta apaiq ma chongto.

Matthew 18:31

Kra chhi raütiishe, kongti ahinti thun ka kai tsanbi taqtaq she jonjü siq wanto. Kiimaq tsangshiq ka hokham we phana waraüta, kra akongti we haihii taq bom kriishe hokham we chongto.

Matthew 20:7

‘Naishiq ara jurmin ningchang ma chong mak ahata,’ nguta tsangshiq raq apaiq bom ka treto. ‘Ahea, ikhiijiila, namshiq min i wak na ningchang shamwa rongkiq,’ nguta apaiq raq tsangshiq kiimin thaüto.”

Luke 14:13

Ara chongtiikang arkha maq, ümniiraq ümtiikiiwa phaq asea poi klo tlaü akhing na, miitsan miijan, kiimaq makchuk jaqküti thun kra tiihea lili riilaq.

Luke 14:20

Kiimaq, maiq weshi raq hali ka, ‘Ngi ka ümchaütiq maiq lamkang. Arkha maq, ngi ka walap mang,’ nguta ajaqshi se bom ka treto.”

Luke 14:22

Krai mren, ajaqshi se raq jaqlo liipan niili atijong we aming kra phan phan, maiq thun kra heakito. Raüta, ‘Tijong we loi, ümniiraq jamlai wa thaü laü, irka lot kang she. Shatmaq, ümchaü min, wanwe ngachang ka abinli wiqli ahata,’ nguta atijong we ma bom ka chong nongto.

Luke 14:24

Ngi chongpha, tailaq, wanhea raüpot pheake wanjebi thun phong kra wiika, ara ngi raq poi ajong klo phaqsea tiije wan kang arka jurmin, phaqsiq lumak she miraq!’ ”

Luke 24:47

Kiimaq, apaiq mang na ngarai tiidii wan tsütsa nai ngarai diike wan tsütsa kra, Jerusalem maq phaho raüta, mangjong hiq tlotli na chongke wan chang miraq.

Luke 9:10

Kiimwebi thun ka trahokai rii maq jang wan raütiishe, Jesuq ma tsangshiq raq ümtinkhan wa jaqsham wantaq, kra tsütsa ka tiitai kuqto. Apaiq raq tsangshiq ka, apaiq rai shea raüta, Bethsaida chela niishe kihoto.

John 9:39

Jesuq raq apaiq ma chongto, “Ngi mangjong hiq na kikang arka, maiq chechiip kai kikang. Krai mren, makchukti ka makpiiq ma mija wan. Kiimaq makpiiqti ka makchuk ma mija wan.”

Hebrews 13:17

Kiimahali, namshiq ma lamsheatibi wokhong na, si lanta tsangshiq bomchong ka phaqchii nichii maq tai ronglaq. Tsangshiq raq namshiq ka, Wenyi rilung na tiichhan chhi wan miitu, naiqhü wasü hun nü wan tlo. Tsangshiq raq, Wenyi noboq jaqsham tlaq kra miitu, Shiikeawe ma heshap kewan chang asi. Namshiq ka tsangshiq wokhong na, phaqchii nichii maq tsangshiq bom tai lanta sihan jiila, tsangshiq raq shra jaqsham tlaq kra, chochikhiq maq misham. Namshiq raq tsangshiq bomchong tlea han jiila, tsangshiq ka tsan tiibishat lam miili, shra jaqsham ka misham. Kra raüka, namshiq ma jamlai achü shiiman lap chang ahü.

Hebrews 2:3

Riita, rasetiim lümaq atiichongkuq tsütsa bomtsi kra shishe wantibi thun wiita raq, Shiikeawe sintsang ka hophaqtaq jiika, ümchaü Shiikeawe raq nashiq ma tiichhii wan jonghea kilü dikuq wantaq, kra tsütsa ahea kra nashiq raq tai mai shishe hai jiika, Shiikeawe mo howan mai maq milun lot rong i sha? Kriiwa nashiq ka hangki lot mai miraq. Ara tiichhii wan tsütsa jonghea arka, Tatiwe apaiq raq akiq maq atiidea bomtsi. Kiimaq ara tsütsa tai wantibi tarü raq, arka poimak phan tengteng bomtsi dea nguta, nashiq ma hakhi kuqtlo.

James 2:5

Lungwii phuno nyinotiim lei, ngi chongpha, namshiq raq samhea wiq maq tiitsang tairong laq! Namshiq raq asap han, thatsang maiqse raq miitsan miijan maiqse nguta shipoq raüta liitlaqti ka, Shiikeawe raq asengi miishe tsea wanto. Tsangshiq ka Jesuq Khristo ma kam tlaq krai mren, ümchaü sanha wenyi rilung na chiithe maiqse she. Shiikeawe raq apaiq lungwiiti asengi thun ka, awokhong na mitiisi ha nguta ramram kiqkham kuqto. Ara chongtiikai miitsan maiqsetiim thun min, ümchaü sanha, Shiikeawe wokhong niishe tiisi damtlo. Kra namshiq raq chhi man sha.

Revelation 19:15

Apaiq nübok wa siraüraü nepja ashi dongkito. Kra nepja maq apaiq raq mangjong tlotli ka long raüta mitang. Apaiq raq tsangshiq khuthaq na jin chongwai kii shamshat maq mipeng. Kiimaq apaiq raq Ajong Pinthum Shiikeawe tsankhiq spiqtsi tiikitchang longtham na mitiikit baiq wan.

Revelation 22:17

Asii Wenyi nai junrii Nyung raq heatlo, “Kira!” Ara tsütsa ara taiti loweatek raq ngo raa tlo, “Kira!” Juwa khamnyangtsi, warong ra! Rilung tsitsü kongphiq kham ka, jurwa ro tlaqti raq, nyang ronglaq!

1 SAMUEL 2:8

Apaiq raq miitsanti, botkhulai wa ra na dotlo, chamchao mong na siti ka tiichhanchhi wantlo. Apaiq raq tsangshiq lüwasetiim rai, kongshi tiichap ngatlo, raüta tsangshiq ka mungtu shiilangbi tiija wantlo. Mangjong hiq khamchong ka, Tatiwe rii; kriithun thaq na apaiq raq, mangjong hiq ka tiiqto.

1 SAMUEL 25:12

Krai mren, Dawit sengikong ka apaiq phaniishe janghoto raüta Nabal raq jamlai wa ngutaq kra chonghoto.