Luke 14:17 - ASII LAKDAP Bible (BSI)

¹⁷ Ümtiikiiwa phaqsea poi aranaiq she saütaq, apaiq raq ajaqshi se ka tiiki raüta, maiq wanwe ümchu miiwa wanhea raüpot pheakuqtaq, kriiti thun ma, ‘Warong riishe lii. Phanrap ka ümchaü aje she!’ nguta tsütsa ka tiichongki nongto.

Hawa Naga Bible 2001

¹⁷ Tv-phuiuz svy vkhing httuiuc wvnc koq tueq, piq rueq vgvl shec hez muex, ‘Waung wuez luit phvnx ruip saz vtvyoalc lot wuez shex!’ ngoz tueq piq nvrc waz muex tvgvl kaz tueq.

Muklom

¹⁷ Baluk o taphaksat rangham sey angta tho, winwa tang tha halma piq aa usanga tha takat ta, ‘Wàng phin, uphan tha kacha chol sey!’

Luke 14:17 Referencias Cruzadas

Luke 14:16

Kiijiishe, Jesuq raq apaiq ma ara manphan shiiton ara hali chongkuqto, “Akhing ashi na maiq weshi raq, phaqsea poi jonghea ashi kloto. Kriijaq maiq pahea tiiheato.

Luke 14:18

Shatmaq, tsangshiq tarü raq, ashi maq riita ashi raq, khühü lamhü niili she tiinyan shan howito. Aphati we raq, ajaqshi se ma, ‘Ngi raq wak phu bashi se rikang. Kra liikai chang akhek rakito. Ngi ka walap mang nguto nguta chong wan liijo,’ nguta bom ka treto.

John 7:37

Poi thum wan ranaiq ka poijong pinthum. Kra ranaiq Jesuq ka nokwe man na chap raüta, tiihong raüta kholam kholiiq akha trahokuqto, “Juwa kham nyangtsi, kriiti ka ngi phana warong ra. Lanta, i jaq wa kham ara nyang wa rongkiq.

Acts 13:26

Paul raq tsangshiq ma, “I phan i maq Israilnok Abraham saü asetiim, kiimaq Shiikeawe ma haisong tsantsii thü wanti Pongnok phan maiqsetiim lei: Ara chong tiikang tiichhii wan tsütsa arka, Shiikeawe raq nashiq tarü miitu tiisaü hoto!

2 Corinthians 5:18

Riita ara maiqse ka anye ma tiija tiiq wan tlaq arka, Shiikeawe raq nashiq miitu klo wanto. Kiimaq Khristo raq jaqsham jonghea sham wan kha maq, Shiikeawe raq nashiq ka apaiq ma wesang wa, apaiq kongtibi miishe tiija wanto. Apaiq raq ümchaü sanha, ara maiqse angu thun arka, Shiikeawe rai wesang siwan tlaq kiiwa, wehea miishe shram kewan jaqsham arka nashiq miishe kuqto.