Luke 14:13 - ASII LAKDAP Bible (BSI)

¹³ Ara chongtiikang arkha maq, ümniiraq ümtiikiiwa phaq asea poi klo tlaü akhing na, miitsan miijan, kiimaq makchuk jaqküti thun kra tiihea lili riilaq.

Hawa Naga Bible 2001

¹³ Mnoz rueq phuiuz svy moalx tvhungx ruiux yuq, htemc saz jix, vmaungx vhtaungx jix, yaz kuix jix, muik mawz jix htenc kuex gvl shuiuz;

Muklom

¹³ Nang aa taphaksat eq ma halching ang ajo tangshit tang, jakkung nia jaakung, etho miikduk tang ni hal u;

Luke 14:13 Referencias Cruzadas

2 SAMUEL 6:19

Raüta tsangshiq tarü tlotli ma phaqnai sea kriishe pheanyin kuqto. Apaiq raq Israil mungti maiqwe kiimaq jechakre loweatek ma, winsii thopshishi kiimaq wa na ashu ngamphu phuchhuq chhuq kiimaq spiqtsi shin maq aklo winsii shin phuchhuq chhuq pheakuqto. Kra lot jai she maiq thun ka wiita jam niishe wawanto.

2 KAÜWA WERAÜ 30:24

Hokhamwe Hejekia raq minsaü pongwe kong hingshi, kiimaq skukong ka hingmiishi kuqto. Arka mungmaiqse raq ataa mirphaq laq nguta kuqto. Kiimaq apaiq siihiipbi riika tsangshiq ma minsaü pongwe kong hingshi kiimaq skukong ka hingroqshi hali kuq nongto. Ramwebi pahea raq tsangshiq khum ka phumram kham maq bat raüta tiisiito.

NEHEMIA 8:10

“Riita, ümchaü min, namshiq ka maiqmii jam na wa rong laq. Lanta phaq asea chamtraq poi ajong klo rong laq. Poi klo wan miitu tü-adung nai spiqtai ka ju jaq niiwa ahü, kriiti miika asisiti raq kran kuq lanta, riiphea riinyin phaqsiq ronglaq. Ümchaü ranaiq arka Tatiwe ma asii ranaiq. Kra ningkhan, namshiq ka munjuk mijuk naqsi rongkiq. Tatiwe raq namshiq ma kuqtlaq chochi kriiraq, namshiq ningkun ka ajong ma mitiija,” nguta mungmaiqse ma chongkuqto.

NEHEMIA 8:12

Krai mren mungmaiqse ka maiqmii jam na wawanto. Raüta chojong chise maq, wok phetak dungsea kham nyam wa liishe riito. Kiimaq tsangshiq jaq na jamlai phaqsea wa asi, kra kongti rai riiphea riinyin phaqsiqto. Jamkhano ngukla, tsangshiq ma Shiikeawe bomtsi phatkuqtaq kra liichum ka tsangshiq raq samhea wiq sapto.

YOBA 29:13

Chamchao sangrai maiqsetiim raq ngi li shomra wanto, kiimaq ngi raq manti-nyungre ka tiikhup wongkuq kang.

TAKSU LAK 14:31

Miitsan maiqse haihiiti ka, tsangshiq Phansangtiwe shummiitlo. Shatmaq miitsan maiqse, khrumti ka tsangshiq, Shiikeawe shomnoqtlo.

TAKSU LAK 22:9

Khot jokjok raüta, miitsan maiqse ma rai awong keti ka, achu shiiman jonghea milap.

ISAIA 58:10

kiimaq namshiq raq songtsi ramtsi chamchaotlaqti ma dungjada kuqsiq han jiila; kiimaq athüm alitti kra wok tiiphekuq han jiila, namshiq tro na ranyaq tangtang sitlaq kra ranaiq shethungpii ikha ali aliim she miraq.

ISAIA 58:7

Namshiq dungthop ka amang aleiti ma kuq ronglaq. Kiimaq namshiq jam hiqkhu ka jamhü wakhüti tiisi ma kilü dije thüronglaq. Juwa khuhü kheahü kriiti ma khea kuqsam ronglaq. Kiimaq namphu namno khrumke miitu naqdam rongkiq.

Matthew 15:30

Kiijiishe maiq kong ka pahea pahea apaiq phana wato. Tsangshiq raq maiq atsi asiti hokkü, makchuk, akü ashii, nütang kiimaq phan phan thup atha tsisiti maiq pahea kra shea wan raüta, Jesuq jichong na phong kuq wanto. Kiimaq Jesuq raq tsangshiq tarü tsisi thun kra wiita chhintsii kuqto.

Matthew 22:10

Krai mren, ajaqshisetiim ka munglam jong lamhum ba ba thun kiina kiraüta tsangshiq raq ahumhum, maiqhea maiqbi wiita shea wanto. Krai mren, kherüsea poi ngachang khok ka wanwe raq mali riito.”

Luke 11:41

Shatmaq, namshiq kok alaq mong na nai winpin mong na jamlai wa sitlaq, kra thun kriika miitsan miijan maiqse ma kuq ronglaq. Kra riihan jiila, phanrap ka namshiq miitu apii ashan chang ngutiimin ahü she, siirairai she miraq.”

Luke 14:12

Kra chongkuq lot raütiishe, Jesuq raq awanti we nangnga nguto, “Ümniiraq ümtiikiiwa ranap dung lo, raji dung lo, maiq ma tiiphaqsiq tlaü, kra akhing na, ümkong ümkiimtibi lo, ümphu ümnobi lo, ümniima jamtap rinti lo, chiithe maiqsetiim, jamthaq jamkiqti lo, kriika naq tiihea wankiq. Ara jamkhano chongtiikang ngukla, tsangshiq raq hali ümniika tiihea nong raüta, mitiiphaqsiq nong. Ümniiraq tsangshiq ma jamlai wa kuq laü, kriika tsangshiq raq ümniima atham asong mirkuq nong.

Luke 14:14

Kiimaq kra riihaü jiika, ümniima kechu jonghea miraq. Ara jamkhano chongtiikang ngukla, tsangshiq riika ümniima thamsong kuq lot mak she miraq. Shatmaq, kechu maiqse thun ka ama wa dong wan tlaq ranaiq akhing na, Shiikeawe riishetiq ümniima misong kuq.”

Luke 14:21

“Krai mren, ajaqshi se ka atijong we phana jang wan raüta, atijong we ma arthun tsütsa ara chong wanto. Kra tai raüta, atijong we ka kai walü wa ikhiishe khiqto. Raütiishe, apaiq raq ajaqshise ka, ‘Kilaq, juju. Chela mong na, tungkii lamkii na, shok anok ba thun kiina kilaq. Laüta, kiijaq maiq sitlaq kra phong wa, miitsan miijan maiqse, akü ashiiti, makchuk jaqmiiti thun kra ana sheaki kiq,’ nguta thaü nongto.

Acts 9:39

Krai mren, Petar ka tiidopot raüta, apaiq heakaiti rai wawan damto. Apaiq saüwa kiitiishe, tsangshiq raq apaiq ka rathong khok kiina shea wanto. Kiijaq manti-nyungre ka apaiq tro na riitam ngato. Tsangshiq ka aho anyi lam maq, Dorkas raq atra siji na samtong nai samtong jong ataq thun kra, Petar ma tiichhi raüta hoq trangto.

TRI CHONGKE 14:29

Ara tsam thun arka Lewinok rii she. Jamkhano ngukla tsangshiq ma tachong tsiiq ahiq ka pheakuq mak dea. Kiimaq pong mungti thun, jechi nomi thun, kiimaq manti-nyungre namshiq rai chela na sitlaq kra miitu miraq. Tsangshiq ka wa raüta tsangshiq ma ümchu wa ratlaq kra milam siq wan laq. Ara klolaq. Raüla Tatiwe üm Shiikeawe raq ümniima phanrap jaqsham tlaü kiijaq achu mishman kuq.

TRI CHONGKE 16:11

Tatiwe rai man tut na, ümsetiim nai ümjaq shisetiim rai kiimaq Lewinok rai, kiimaq pong mungti namshiq rai siti rai kiimaq jechisetiim rai kiimaq manti-nyungre namshiq chela thun na siti rai adam na khoqriiq shishiiq maq poi ka lang ronglaq. Ara poi ka noqku chang hiq ba kriijaq klo ronglaq.

TRI CHONGKE 16:14

Ara poi ka chojong chise maq ümsetiim rai, ümjaq shisetiim rai kiimaq Lewinok rai, pong mungti rai, jechisetiim rai, kiimaq mangti-nyungre namshiq chela thun na siti irai ara poi ka klo ronglaq.

1 Timothy 3:2

Phungtu shun sheati maiqla ashi she ngutlaq kriika, maiqshaq, shiilang ashi riichang. Tsangnyung ka ashi li riichang. Apaiq ka bom asa na, pharangrang riichang. Phanrap na stiq skhaq maq siti riichang. Athuk atsom jaqshamti riichang. Apaiq ka ajam na wanwe saü raü jaq, wanwe shiililii atsinti riichang. Kiimaq se ano ma honchong tsiichongke atsinti riichang.

1 Timothy 5:10

Kiimaq manti-nyungre mang raüpot na wea wan damli chang ka, nokwe man na shamhea kaiwa jaqshamti riichang. Asetiim ka ahea wiq maq dunghiq raüta tiijongluti riichang. Ajamkun ka wandü jam ashi riichang. Phungmaiqse miitu jaqsham ahea shamke wanti riichang. Kiimaq chamchao litkot maiqse khrumketi riichang. Raüta maiqmii rilung ka nokwe ma ahea jaqsham keti riichang.

Titus 1:8

Apaiq ka, wanwe shiiliti riichang. Kiimaq jamlai wa ahea sitlaq, kra phan jaq shamti riichang. Apaiq ka phanrap anin raüta sitiwe riichang. Mitting maiqse ashi riichang. Apaiq ka, akhum Shiikeawe ma kiinong raüta siti riichang. Kiimaq phanrap na athuk atsom shiiting shrai raüta, shiiku wan wan maq sitiwe riichang.

Philemon 1:7

Lungwii phuno we lei, ümniiraq phunaino phungmaiqsetiim lungwii tlaü kra chhi lalata, ngi ka kai khoqriiq tiikang! Kiimaq ara chhi lalata, i tsaiji ka kongtam puqshi she jong wan tlo. Ümjaq sham ahea kra chhi raüta, Shiikeawe sengi tarü chochi tlo.

Hebrews 13:2

Namshiq jam na wanwe dii tlaq kra shiililii ka naq laq rongkiq. Richü pat na, maiq wiijamti raq wanwe tao tiikai anguli, rasetiim taoratto. Tsangshiq riika, wanwe khla tao tiikai angu li, rasetiim tao wan ma jato.