Luke 14:11 - ASII LAKDAP Bible (BSI)

¹¹ Ara jamkhano chongtiikang ngukla, jurwa maiqmii ka ajong ala nguta tiima tlaq, kriiti ka aran se ma mitiija baiq. Kiimaq juwa, maiqmii ka tiisaiq haiq shat maq sitlaq, kriiti ka ajong ma mitiija wan.”

Hawa Naga Bible 2001

¹¹ Miqmac shauk pumz somraungc jix waz ukhaq yuq muinz tvyomx gay rvhumc tuex, miqmac shauk pumz tvyomx gay jix waz kuex tvtsvmc tenpic rvhumc tuex.”

Muklom

¹¹ Utang eq piq ni piq ma rangka sha aming ma hunna etho utang eq piq ni piq shima aming ta thaming asha ajong ma hunna.”

Luke 14:11 Referencias Cruzadas

2 SAMUEL 22:28

Sobsob bombomti ka ümniiraq, tiikhup wongkuq tlaü. Shatmaq akhü ra na tsanshatti ka, hiqbi kho na tiidea baiq tlaü.

ESTHAR 6:10

Kiijiishe, “Riikhaqli tengto. Ümchaü ümniiraq ümnü maq jamlai wa chonglaü, kra phanphan, jaqlo klo laq. Samtong jong kaü nai kumrang kaü kra hit ho laüta, Jehudiwe Mordekai hokhamwe jam kilam chong na nga tliiwe kriima tiimii kuq laq. Ümniiraq jamlai phan wa chonglaü thun ka, phanshi ra min naqlaq thaq kiq,” nguta hokhamwe raq Haman ka thaüto.

YOBA 22:29

Shiikeawe raq khüngati atiidea riibaiqtlo kiimaq wepuq wesebi ka khup wong kuqtlo.

Tvtsvmc 138:6

Ümniika ratsan ramong nyang na sihaü jiimin, ümniiraq wepuq wese thun shiililiitlaü, kiimaq shiikongkhiqti raq ümmaklii wa tiipaüki lotmak.

Tvtsvmc 18:27

Ümniiraq sobsob bombomti ka tiichhii kuq tlaü, shatmaq juwa khünga kriiti ka anun ma tiija baiqtlaü.

TAKSU LAK 15:33

Tatiwe ma haisong tsii thü ka, phaqchi tsin wan lam. Kongkhu ümniika aranse ma jalaq, haütiq shreng manto milap haü.

TAKSU LAK 18:12

Kumrongheati tsailam na sup; sobsob bombomti, khali khuphop maq hup.

TAKSU LAK 25:27

Ngiq ngu pahea nyang ka abi, krai mren thittlai phok, maiq raq shomra rit rea kiimin hongmak.

TAKSU LAK 29:23

Maiqse shiikong raq, apaiq ma jea mitiingaü. Shatmaq sobsob bom bomti miika, shreng manto asi miraq.

ISAIA 2:11

Ranaiqshi akhing misaü wan, kra saü wan raüla, maiqse shiikonglong ka athum she mirki. Kiimaq maiqse han-ngam khiilataq hon atsii thun ka wiita she mitiithenbaiq wan. Kiijiishetiq Tati khushü kli she mitiijong wan.

ISAIA 2:17

Maiqse shiikong longtlaq thun kra athum she mirki kiimaq maiqse lanphan doqdit siqtlaq thun kra wiita atiithen mirbaiq wan. Sumla phra phong thun kriika tiisiirai she mimoki. Kiimaq kra ranaiq akhing na Tati lamlam kli she mitiijong wan.

ISAIA 57:15

“Ngi ka ratsan ramong nyang na siti kiimaq asii Shiikeawe, pattup pat-sa thummak miqmak phan. Ngi ka ratsan ramong na kiimaq asii ba na siti. Shatmaq Ngi ka ka maiqse juwa aranse ma jatlaq kiimaq maiqmii ngarai tiidiitlaq kriiti rai sitiikang. Krai mren Ngi raq tsangshiq ma kamtsantsii nai rantsantsii ka thüda kuqtiikang.

Matthew 23:12

Jurwa ngi ajong nguta tiima tlaq, kriiti ka atran mirbaiq wan. Kiimaq jurwa ngi ka aran nguta tiima tlaq, kriiti ka ajong ma mitiija wan.”

Luke 1:51

Shiikong miilong maiqse tarü, tsangshiq raq jamlai jaqsham wa sürii wantaq, kra tiisham wan lap mak maq, apaiq ningkun ajong chongwai kii maq, pongpin riipin jobaiq wanto.

Luke 1:52

Apaiq raq honyung hokham ajongbi ka, hokham ngachang wa tiidea baiqto. Raüta tsanin wokninti ka tiijong luwanto.

Luke 14:12

Kra chongkuq lot raütiishe, Jesuq raq awanti we nangnga nguto, “Ümniiraq ümtiikiiwa ranap dung lo, raji dung lo, maiq ma tiiphaqsiq tlaü, kra akhing na, ümkong ümkiimtibi lo, ümphu ümnobi lo, ümniima jamtap rinti lo, chiithe maiqsetiim, jamthaq jamkiqti lo, kriika naq tiihea wankiq. Ara jamkhano chongtiikang ngukla, tsangshiq raq hali ümniika tiihea nong raüta, mitiiphaqsiq nong. Ümniiraq tsangshiq ma jamlai wa kuq laü, kriika tsangshiq raq ümniima atham asong mirkuq nong.

Luke 18:14

“Riita, ngi chong pha,” nguta Jesuq raq nguto. “Phunta hiti we ka Shiikeawe raq apaiq ngarai ka diike jeshe, ajam na wawanto. Phorisiwe ka riimak. Ara jamkhano chongtiikang ngukla, maiqse liipan wa jurwa, maiqmii dea ajong nguta tiima tlaq, kriiti ka aran ma mitiija. Kiimaq, jurwa tiisaiq haiq shat maq sitlaq, kriiti ka ajong ma mitiija wan.”

James 1:9

Phungmaiqse liipan na juwa thümsaü litse sitlaq, Shiikeawe raq kriiti ka arong awin ma tiija wan tlaq akhing na chochi wan chang.

James 4:10

Shiikeawe puk na aranse ma ja lanta nyap ronglaq. Raüla, apaiq raq namshiq ka ajong ala miishe mitiijong luwan.

James 4:6

Maiqse ngarai sükha tsii ka henghea. Li jiimin, Shiikeawe kaphap mangchan tsii riiwe ka wiitarü ngarai ningkun thaq na aheng. Arkha maq tiina, Asii Bomtsi na, “Shiikeawe raq ra weahü maiqse ka romak. Shatmaq sobsob bombom maq siti miika, apaiq kaphap mangchan apa kuq tlo” nguta chong tlo.

1 Peter 5:5

Kiikhiisii hali, namshiq jerobi riimin, maiqlare wokhong na si raa tlo. Kiimaq namshiq wiitarü raq, aranse ma ja lanta, weshi raq weshi shiikum pan raa tlo. Jamkhano ngukla asii bomtsi na akha chongtlo, “Shiikeawe raq angiim boqshatti ka athu riibaiqtlo. Shatmaq aranse ma jati ka lungwii tlo.”

1 Peter 5:6

Aranse ma jalaq, ningkun ajong Shiikeawe jaqkhong na. Kiikha si haüla, apaiq raq akhing hongto angu na, ümniika ra na mido.

1 SAMUEL 15:17

Kiijiishe Samuel raq treto, “Ümniiraq ümniika aki miikiimwe riimak ikhli tiima wan haü jiimin, ümniika Israilnok maiqphan thung khuthaq na tuwejong. Tatiwe raq ümniika Israilnok mung thaq na hokham ma ramkham maq ramram raüta shongto.