Luke 13:29 - ASII LAKDAP Bible (BSI)

²⁹ Pongmung maiqse thun ka, shedong shenyap kiimaq shekhu shemai mung thun wa saü wan raüta, Shiikeawe Mungtan na phaqsea Poi kra lomdam misi wan.

Hawa Naga Bible 2001

²⁹ Miq htenc kuex shaldungc shalx nyuip ghaq khux ghaqyaz maq kaz vtueq Tishox Mungtan moalx nuex ngaungc wuez tuex.

Muklom

²⁹ Miqtang saalkhong nia saalnop etho saalji nia salphey tang wang thu eq Shkewa Mungtan na phaksat ma tathung tong na.

Luke 13:29 Referencias Cruzadas

RAPHA HIQWA LAK 28:14

Tsangshiq ka hiq raikhü na botkhulai riiphongtlaq kiikha awea lot mai miraq. Tsangshiq raq tsangshiq hiq rai ka trotam na mitiijong wan. Kiimaq ümnaq lümaq nai ümsaü ümsetiim lümaq, Ngi raq maiq phan thun ka mishman kuqha.

ISAIA 43:6

Ngi raq shekhu nü mungti ma tsangshiq ka tiiki ronglaq nguta michongha, kiimaq shemai nü mungti ma tsangshiq ka naq shiikhing rongkiq nguta michongha. Isenginok ka ratsüko mung thun wa mijang wanlaq; mangjong hiq tlotli wa.

ISAIA 49:6

Tatiwe raq ngi ma nguto, “Ngi raq ümniima jaqsham jonghea tiisham chang asi, Ijaqshi se lei. Ümniiraq Israilnok aso tiichongtaq ka, atiijonglu wan lam lam li ka riimak; shatmaq Ngi raq ümniika maiqphan thun ma walüli ashi ma mitiijaha; krai mren mangjong maiqse kunli mitiichhii wanlaq.”

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

Matthew 8:11

Ngi chongpha. Maiq pahea shedong mung wa nai shenyap mung wa waraüta Abraham, Isak, kiimaq Jakob rai Phangthum Poi Ranaiq Ramungtan na minga wan dam.

Mark 13:27

Kra akhing na apaiq raq rasetiim ka tiiki raüta mangjong hiq barap se na siti Shiikeawe raq atsea wan maiqse angu thun wiita kra mirchom hea wan.”

Luke 13:30

Kra akhing na, ümchaü juwa jai na watiikai ngutlaq ti ka phukhu welabi ma mija wan. Kiimaq ümchaü juwa sinkhu na lamsheati anguti ka aran ma mija wan.”

Acts 28:28

Kiimaq Paul raq abom ka, “Riita ümchaü sanha namshiq raq arshe sap wan ronglaq. Shiikeawe tiichhii wan tsütsa ahea kriika, Pongnok phan maiqse miishe michong kuq wan. Tsangshiq raq tsütsa ahea kra mitai!” ngutiishe abom chong kra shatto.

Colossians 1:23

Krai mren ümchaü sanha, namshiq ka kamtsantsii tiipha chang Tsütsa Ahea bomtsi thaq na pharangrang maq jaq riiwiiq lanta sirong laq. Riita man na, namshiq raq Tsütsa Ahea tai wan lan akhing na, jamkhiiwa pharangrang maq kamwan lan, kriiwa akhiismin naq tiimeshi rongkiq maq sirong laq. Riita ngi Paul ka, ara Tsütsa Ahea, mangjong hiq wiita na chongkuq wantaq ara chongke miitu jaqshise miishe jawankang.

Colossians 1:6

Ara chongtiikai Tsütsa Ahea raq mangjong tlotli na nyam rat wanto she. Raüta mangjong maiqse pahea raq achu shiiman lap wan tlo. Arka man na namshiq phong na, aphaji na namshiq raq Shiikeawe kaphap mangchan ka atinkhan jonghea sitlo nya nguta sap lan ikha, raüta namshiq phong na nyam wantaq ikha, ümchaü min, nanok sang amang mung ahin liipan niishe nyam wan tlo.