Luke 13:27 - ASII LAKDAP Bible (BSI)

²⁷ Shatmaq, apaiq raq namshiq bom ka, ‘Ngi raq namshiq ka jamba wa awa han wa sapmang. Ngi tho wa namshiq ka tiibin tlo ronglaq. Namshiq wiitarü ka abi maiq setiim siisaq!’ nguta mitre.

Hawa Naga Bible 2001

²⁷ Yuq muinz piq rueq, ‘Nuimshiq kuex m-wawc wuez raz tvnx ngaz rueq tuiuz mauk, layx bac jix lex, ngvy kox wawc kaz wvnc kuinz!’ ngoz tueq ngoz shuex.

Muklom

²⁷ Etharin piq aa wey batna, ‘Nga nim bari wang thuta phin sha sampha mong. Nim lajak tang, nim thaji irelwang chuwang inn!’

Luke 13:27 Referencias Cruzadas

Tvtsvmc 1:6

Kechu maiqsetiim ka Tatiwe raq shunsheatlo kiimaq khebomshat, shatmaq abi kloti ka tsangshiq thum chang lam na kihotlo.

Tvtsvmc 101:8

Ngi raq wranaiqtek na mung wa mitsatbaiqha abi maiqse thun wiita; Ngi raq abi kloti thun wiita mijobaiqha nashiq Tatiwe chela wa.

Tvtsvmc 119:115

Ngi tho wa namshiq tiibintlo ronglaq, namshiq ngarai maiqsekong, ngi ka i Shiikeawe aming thun milangha.

Tvtsvmc 125:5

Shatmaq ümtiikiiwa ümniiraq abi maiqse ma mo tiihotlaü, ümlam phan miimbaiqtibi kra miimin mo tiiholaq. Israilnok ma hansang mirlaq!

Tvtsvmc 28:3

Ngi ka abi kiimungti rai khoshi na naq tiideabaiqkiq, ashut klotibi rai— abom ka asumwiq bom dam lili, shatmaq tsangshiq tsan mong niika makshu rashe sitlo kriiti rai ngi ka naqtlop damkiq.

Tvtsvmc 5:6

Ümniiraq arot akiqti thun wiita shiithenbaiq tlaü kiimaq matsaü tsaseti nai laopha maiqse thun saisi tlaü.

Tvtsvmc 6:8

Namshiq abi kiimungtibi, ngi tho wa tiijintlo ronglaq! Tatiwe raq ngi hoqtrang ka taitlo;

Hosea 9:12

Anyungtiim raq tsangsetiim li hum raü min, wiita ngi raq mitsat baiqha. Laihü nyungtiim ma mitiijaha. Ngi raq tiishaübaiqkang miiphat, riitsitsaitsiiq michamchao.

Matthew 25:12

Kiijiishe, ‘Namshiq ka juwa ngi raq asap min sap mang!’ nguta junlamti we raq treto.”

Matthew 25:41

“Kra chongkuq lot raütiishe, apaiq raq apaiq ma jaqpha nü na ngati mungmaiqse kra miishe akha nguta mison, ‘Namshiq ka Shiikeawe manson hotibi ara ngi tho arwa tiibin tlo ronglaq! Khiim wan tlo ronglaq Thawe nai apaiq rasetiim miitu atiihong pattup pat-sa thumki mak phan wamungtan mong kiijaq!

Luke 13:25

Jamchongti we ka tiido raüta, kilü ka ashaq she mirbaiq. Kiijiishe, namshiq ka kilam da na chap lanta, kilü na mibuk han. Kiimaq akha mingu han, ‘Shiilang we le, naishiq ma kilü dikuq laq!’ Shatmaq, apaiq raq namshiq ma, ‘Ngi raq namshiq ka ümba wa awa han wa sapmang!’ nguta mitre.

1 Corinthians 8:3

Shatmaq jurwa Shiikeawe lungwii tlaq, kriiti ka Shiikeawe riimin apaiq ka asap.

Galatians 4:9

Shatmaq, ümchaü ka namshiq raq, Shiikeawe sap lan she. Riita, akha riiwe ngu i na, ümchaü sanha, Shiikeawe raq namshiq ka sapto she. Namshiq raq Shiikeawe mangchan ka atinkhan she sap lan taü miimin, ümchaü she hali, namshiq ka thawe makchuk we puk na nyapki nong lanta, thawe disetiim ma jakai nong sha dan tlan ngu kai?

2 Timothy 2:19

Shatmaq, Shiikeawe raq ashong khamlawe kaü ka jurmin tiimeshiki lot mak she. Ara khamlawe kaü na akha bomtsi waiq thüje she: “Tatiwe raq asengibi ka sapshat! Jurwa apaiq ka Tatiwe sengi she nguta sitlaq, kriiti raq ngarai lam phan raa mak she,” nguta waiq tlo.