Luke 13:19 - ASII LAKDAP Bible (BSI)

¹⁹ Kriika akha. Arka maiq weshi raq jücha lai ka wak na wanki tlaq ikha. Jücha cham ka jong wan raüta, achong ka ajong wiq she jong wan tlo. Raüta, jücha chong kü ako thun kiijaq, wushi setiim riimin, achü haitlo.”

Hawa Naga Bible 2001

¹⁹ Kvruex kuex vrulc rv-ngvlc yaq. Miq washiz rueq yekex lix vshiz kuex lvmz vtueq piq sunc nuex wuinc tueq. Kvruex vlix kuex kokemz yungx luz wvnc ruiux vjungx yaungx wvnc vtueq wushawx htenc kuex vphak vnoz htenc nuex vjejez wuez tueq,” ngoz tueq jungx kuq tueq.

Muklom

¹⁹ Ira jungqhang li mal. Ashey miqwa eq jungqhang li tishey som eq upik o wonta. Uphuk kheyta tha cha eq bangma kalikta, etho wotang aa ning tip tha ethi bangking tho hunta.”

Luke 13:19 Referencias Cruzadas

ASHICHONG 4:12

Irorii-nyung, ita-nyungnye, ümniika ngi ma pong na apaü petsi sonruk, rukje sonruk, pumsii jürai.

ASHICHONG 4:16

Shekhu rahai lei, tiido laq. Shemai rahai lei, samlaq. Ara isonruk mong wan tlo peohea, Iroriiwe ka apaiq sonruk na mikilaq, raüta sonruk wa, ahea petsi ka ümpan siq laq.

ASHICHONG 6:2

Ikongtiwe apaiq sonruk na kihoto, Ange homhea pero na kihoto, Apaiq ka sonruk mong na, anyamsekong pepü ro na tiihaitlo, kiimaq bajin pü riichom tlo

ASHICHONG 8:13

Ikongnyung lei, ngi ümbom tairo, Sonruk mong maq bom liina, ikongti raq ümbom tairo.

ISAIA 53:1

Mungmaiqse raq treto, “Ümchaü naishiq raq tiitai chongtiikai ka juro mikam wan lot? Juro Tatiwe jaqsham ka arjaq chhi wanta?

ISAIA 53:10

Tatiwe raq ngutlo, “Kriika ngi raq athapthi wanha, apaiq ka chamchao chang nguta; apaiq tsaitaq kriika ngarai diike wan miitu. Krai mren, apaiq raq apaiq lai ala phan kra michhii wan; apaiq rilung ka luhea misi wan, kiimaq apaiq lümaq ijaqsham ka mitiiku wan.

ISAIA 58:11

Kiimaq Ngi riimin namshiq ka wranaiqshe mishun sheakang. Kiimaq namshiq ma ahea awa phan thun kra kuqlata mitsi mitsaq mitiipeo kang. Ngi raq namshiq ka kuilang kuilabi namhü namhan phintsaqtsaq mirüm wankang. Namshiq ka sonruk ashi na kham chamtraq sitlaq ikha, kiimaq tsiimseraise ümtiikiimin rüki mak phan ikha mirhan.

ISAIA 61:11

Tsamlai ka jamkho cham wantlaq Raüta jong wantlaq ikha, Ajong Thaq Na Ajong Pinthum Tatiwe raq asenginok ka mitiichhiikuq, Kiimaq maiq mung thun tlotli raq apaiq mitiitsam wan.

ISAIA 9:7

Apaiq hokham ningkun ka jong wan ruqli miraq; apaiq mungtan ka wranaiqshe mungtsing miraq. Apaiq ka Dawit Hokham pumsongtiwe miraq, apaiq raq tri kappe ka tingting kiimaq riikhaqli maq milang wan, ümchaü ranaiq maq pha wan raüta, phangthum ranaiq na saüli. Tati Ajong Pinthum raq arka mishamha nguta atoqtan wanwi she dongdii.

JEREMIA 31:12

Tsangshiq ka Jajon pum na wa raüta chojong chise miishe mishi nge wan, kiimaq ngi raq kongphiq thun kuq tiikang kra miitu kai mikhoq riiqsiq wan. Raipo wonglo, kiimaq spiqtsi tai nai olip khamtai kongphiq thun; sku kong kiimaq minsaü chhechhi kong kongphiq thun. Tsangshiq ka petsiro kham maq aheawiq nyuktlaq ikha chiithe jong rongboq miraq; tsangshiq ma jamlai wa rong ratlaq wiita kunkun asi miraq.

EJEKIEL 31:6

Phanrap wushi raq akü tsung na achu haito; Rumngamse kong raq achongji na asetiim nyungtlo; Achong nyam na maiq mung thun niitiitsak ngato.

DANIEL 4:12

Ajaq aji shamhea shamjü, akü ako atsi ango hiq ma ra ma. Mangjong maiqse raq phaqsea rii hongli riito. Rumnyamse anyang mong na bumto, wushikong raq atsung mong na achü haitlo, atra nyamse phan wiita raq, atsi phaqsiqto.

DANIEL 4:21

Ajaq thun ka aliisea ma tsomhea, kiimaq atsi ango ka atu alu, mangjong hiq na siti wiitarü khamli dunghiq wanli chang asi. Rumnyamse kong ka achongtong na bumsiqtlo. Kiimaq atsung mong na wushikong raq achü haitlo.

JEKERIA 2:11

Kra akhing na maiq phan pahea Tatiwe puk na minyap wan. Raüta asengi miishe mija wan. Apaiq ka namshiq rai adam misi wan. Kiimaq ngi ka namshiq phana apaiq riidea tiikito nguta misap wan han.

Matthew 17:20

Kiijiishe, “Namshiq kamtsantsii ka akom kha maq,” nguta Jesuq raq tsangshiq bom ka treto. “Ngi raq chongtiikang arka tengteng. Namshiq kamtsantsii ka jücha rai tinse li siraü jiimin, kam lanta ara hiqlam arnang nga, ‘Arba arwa tiikoq wanlaq, laüta ahin niishe kii wan laq’ nguta thaühan jiila, ngohea dea mitiikoq wan. Namshiq raq phanrap miklo lot han!”

Mark 4:30

Kiimaq Jesuq raq waito, “Ramungtan ngutlaq kriika jamlai mo mishton i?”

Luke 17:6

Kiijiishe, Tatiwe raq treto, “Namshiq kamtsantsii ka jücha raise tin li jiimin, kam lanta namshiq raq ara manjong chong arma, ‘Ümrang chong maq tiiba wan laq. Laüta sammoktra jü mong na cham wan laq!’ nguta thaü han jiila mitai.”

Acts 2:41

Krai mren, Petar traho bomchong kra tai raüta, maiq pahea raq, Jesuq ma kamto. Kiimaq, tsangshiq ma kham lamkuqto. Krai mren, kra ranaiq liipan niili phungtu na maiqnye ka hingtsam tiitsuq shang wanto.

Acts 21:20

Tsangshiq raq ara tsütsa ka tai raüta Shiikeawe ka tiitsam kamto. Raüta, tsangshiq raq apaiq ma chongto, “Phuno we Paul lei, Jerusalem wa maiq pahea ahing ahing she phung na shang wanto. Kriika ümniiriimin asap haü. Kiimaq tsangshiq ka nashiq Jehudinok Thungtri ka jaqkhon tiipha raüta atsin maq lang wanti siisaq.

Acts 4:4

Shatmaq, mungmaiqse phong wa maiq pahea raq, Petar nai Johan raq achongkuq traho bomchong kra tai raüta, Jesuq ma kamwanto. Krai mren, kamasham maiqse ka hingbiingi she pawanto.

Romans 15:19

Shiikeawe raq ngi lümaq awang chang nai amao chang jaqsham pahea sham wanto. Arthun awang chang nai amao chang jaqsham wantaq arka, Shiikeawe Asii Wenyi ningkun maq sham wanto. Ara trahoke wan jaqsham arka, ngi raq Jerusalem maq pha wan lata, Illirikam chela na saüli, hiqshi na tra hokuq wan wan maq, khum wan lata chongkuq wankang. Ngi raq Khristo Tsütsa Ahea kra arang chong maq tiichap wan lata, atsii na saüli, tiitho tiipha chongkuq wankang.

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”