Luke 13:17 - ASII LAKDAP Bible (BSI)

¹⁷ Apaiq bom tre ka tai raüta, apaiq ngengtibi ka ajiasi riito. Shatmaq, apaiq raq kai awang chang jaqshamtlaq kra chhi raüta, nokmaiqse angu thun kriika, kai chochito.

Hawa Naga Bible 2001

¹⁷ Kvkhoc ngoz gay koq tueq vpiq kvjaz khawc lvlc jix htenc kuex yvlc svy rvhumc wuez tueq. Nuk miqsaz htenc kuex vpiq rueq shuimx wvnc tueq vwangc juing yauk shuimc kvmac kokez wuez tueq.

Muklom

¹⁷ Piq raaq tha tat eq uralwa tang tha ning ni ning rong rakri ta: etharin adak miqtang aa ujaqhal jaksom lot tha khi eq rapney rong sungrang ta.

Luke 13:17 Referencias Cruzadas

Tvtsvmc 109:29

Ijaqtibi ka shummii thoda horaüta misilaq; tsangjeasitam ka tsang dü na samtongjong kaü ikha misamlaq!

Tvtsvmc 111:3

Apaiq raq ümchuwa jaqshamtlaq thun ka shreng jonghea kiimaq khushü jong chang siisaq; apaiq thuktsom ka pattup pat-sa thummak.

Tvtsvmc 132:18

Ngi raq ajaqtibi ma jea mitiingaüha, shatmaq apaiq mungtan ka jong wan ruqli mijong wan.”

Tvtsvmc 40:14

Ngi tseabaiq tantlaqti thun ka wiita tiitanglaq kiimaq wiita mokbaiqlaq. Ngi chamchao chhiraüta chochiti thun ka jai na tiijang baiqlaq kiimaq jea tiingaülaq.

DUNGWVNC 15:11

“Tatiwe lei, ümnaq khan phra phong na asi sha? Ümnaq khan, asii pinthum asi sha? Ümniiraq shamtlaü khan awang chang nai ningkun aheng jaqshamti asi sha?

ISAIA 4:2

Akhing ashi misaü wan, kra saü wan raüla, armung na nai pechong aweatek ka Tati raq aheawiq jonghea luhea kiimaq alüsea chang tsomhea mitiijonglu wan. Israil mungti ümchuwa re jaq song tiichongtaq kriithun ka tsangshiq raq wak shamsiqtlaq kriiwa tü atsam thun rongboq tsosiq wantlaq kra chhi raüta pinthum khoqriiq shishiiq miraq. Kiimaq maiqmii hüko phok hihi she midoqsiq. Raüta misrasiq wan.

ISAIA 45:24

“Tsangshiq raq Ngi lümaq lam lam li, rekhat mitang kiimaq ningkun milap wan; shatmaq Ngi ngengti thun ka tlotli raq jea mingaü.

ISAIA 66:5

Tatiwe raq jamlai wa ngutla kra taironglaq, namshiq apaiq ma haisong tlan kiimaq apaiq aming wokhong na sitlanti raq: “Namshiq ka iwokhong na tsapkapkap maq shongngatlan kha na, namshiqnok phong wa maiq wiijamti raq namshiq ka ngengtlo. Raüta namshiq rai riipanpiitlo. Tsangshiq raq namshiq slaliitlo raüta, ‘Tatiwe raq apaiq jonglu kra mitiichhi kuqlaq. Raüta namshiq ka mitiichhiilaq. Kra nguraütiq naishiq raq namshiq chochi kra miliisiqkai.’ Shatmaq tsangshiq riiwe ka jea ngaü raüta michaphaq!

Luke 14:6

Shatmaq, tsangshiq raq apaiq bom ka trelot mak riito.

Luke 18:43

Krai mren, apaiq mak ka heakisaq li heakito. Kiimaq apaiq raq Shiikeawe ma kai kechutum tiitsam kam lam miishe, Jesuq jai ka phan wan damto. Mungmaiqse raq kra atsi heakai kra chhi raüta, tsangshiq tarü raq Shiikeawe ka tiitsamkamto.

Luke 19:48

Shatmaq, mungmaiqse raq apaiq bom chongke traho bomtsi kriika poshi min tiikhea mak maq tai wan ruq riito. Kriikha maq, tsangshiq raq apaiq ka tsatlot mak dea riito.

Luke 20:40

Kra jai miishe ka, tsangshiq raq Jesuq ma jurmin bom ka anye waikham mak she riito.

Acts 4:21

Kra, tai nong raütiishe hali, Rung welabi raq, tsangnai ka tiiphiip miijiip raüta, kiq atsin maq hali, Jesuq mang na nanok ma trahoke maimak dongdii nguta, shiikeng miileng raütiishe, tsangnai kharü ka diibaiq raüta tiiwa baiqto. Jamkhano ngukla, tsangshiq raq tsangnai tiishut chang lam ka hum mak. Kiimaq, mungmaiqse tarü raq, “Shiikeawe raq awang chang shamto. Apaiq ka awangchang Shiikeawe,” nguta Shiikeawe tiitsam kamti siisaq.

2 Timothy 3:9

Shatmaq, tsangshiq raq Shiikeawe jaqsham na ong wan tiikai she lii nguta, tiishomra wan tlaq kriika, alu ka kham mak miraq. Jennis nai Jambrus ka jamkho dea wantaq, kiikhiisii hali ara chongtiikai arot shrabi raq tsangshiq jaqsham na ong kaishe nguta, tiishom ra tlaq kriimin amo she mir wan. Nanok tarü raq tsangshiq arka, angikong arot shrabi dea nguta misap.

Titus 2:8

Traho bom chongkuq tlaü akhing na, ümbomtsi ka khaqshkhaq, asiq areng bompo kli chongkuq laq. Akha traho kuq raüla, ümnaq ngengtibi raq, nashiq khuthaq na bom abi tiishut bom chang ka lam hum mak miraq. Krai mren, tsangshiq raq ümnaq ngengrat tlaq kra miitu tsangshiq maiqmii kli mitiijeasi rai.

1 Peter 3:16

Tsangshiq bom ka tre lam maq, anato lanta, bomnin se maq tru chongkuq ronglaq. Bomtre lam maq, namshiq tsantsii ka wüjang jang hea maq, chongkuq rong laq. Phungmaiqse ashi raq jamkha bomtre chang wa, kiikha tre rong laq. Akha sihan jiila, namshiq ka Khristo sengi nguta, namshiq sung atsii ahea, kiimaq sham akai ahea sham tlan kra, abi nguta namshiq shummiitibi nai namshiq saisi wantibi ka, tsangshiq maiqmii bom miili she mijiasi.