Luke 13:15 - ASII LAKDAP Bible (BSI)

¹⁵ Kra tai raütiishe, Tatiwe raq apaiq bom ka akhiishe treto, “Namshiq ara mongnam nok! Namshiq raq Niitiitsak ranaiq na maiqmii minsaü lo, kumtoq lo ka aban chang tiip wa diiho lanta, atsam tiiphaq kai rum na banki tlan.

Hawa Naga Bible 2001

¹⁵ Taungjix rueq piq muex, “Kvyonc yuk jix nuk lex! Nuimshiq lotlaz rueq Vguilc Raungnuiyq suiux vmanx nuiyc mvre htenc kuex ruk wawc dauz vtueq, yuix tvnuingc kuy tvkoc shvlx laq ruiux shuinx.

Muklom

¹⁵ Teyhungwa aa ning ma thawel batta, “Nim takhi eq somtey tang! Sabbath saal o nim aa nim maan nia mok aming tang sha taap wang jung ling ma qhap min i?

Luke 13:15 Referencias Cruzadas

YOBA 34:30

Maiq mung thun riimin jamkhiimin riikilot mak she miraq, mung phaqti raq tsangshiq ka ji maq nishishi peng tlaq kriiwa tiiwongketi ka ahü she.

TAKSU LAK 11:9

Raweahü bomti riika, jamthaq jamkiqti mishthen baiq. Shatmaq kechu maiqse riika taksu tsii ma apaiq khum mitiichhii.

ISAIA 29:20

Kra akhing ka nanok tiichamchaotibi kiimaq Shiikeawe shummiitibi thun miitu ka rilung thum akhing she miraq. Ngarai maiqse loweatek ka atsea she mirbaiq wan.

Matthew 15:14

“Tsangshiq Phorisinok miitu ka namshiq naq brorii rongkiq! Tsangshiq ka maiqse makchuk jaqmiiti kong kra shun shea wanti, makchuk welabi kong. Maiq makchuk weshi raq makchuk weshi kra shun shea raüla, tsangnai anai jongri ka khobok niili midia wan.”

Matthew 15:7

Namshiq ka mongnam! Shiikeawe raq Isaia shammiwe lümaq, namshiq thaq na ara bom tiithai chongkuq wantaq arka ümchaü riikhaqli she kuwanto!

Matthew 23:13

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!

Matthew 23:28

Ikiikhiisii hali namshiq kiimin, maiqse maklii niika wiitarü man na, siirairai hea ikha sitlan. Shatmaq namshiq tsantsii ka mongnam kiimaq ngarai kaq li sitlan.”

Matthew 7:5

Mongnam we loi! Apha na ümmak po wa pepan kaü kra kongkhu lambaiq laq. Kra lot jaitiq ümphuno we makpo wa sinchii kra khangriirii hea she michhi haü. Kiimaq milam kuq lot haü.”

Luke 12:1

Mungmaiqse ka ahing amun adam na maiq thaq niili maiq riiphongrai wanto. Kra akhing na Jesuq raq ajaqshisetiim ma tsii chongke akha chongkuqto, “Phorisinok mongnam tsantsii rüm tlaq kra raq, maiqse tsantsii ka ahea rümti kiimin pi maq asho ikha, abi lam na tiinyam sho wan tlo. Kra tsangshiq pi thop raq namshiq hon atsii ka nyam mak chang miitu, namshiq ka maiqmii honkamshat maq si rong laq.

Luke 14:5

Kra lot raütiishe, “Riita, namshiq phong wa weshi ra, namse ngu i na lo, riimak la, nam minsaü pongwe kra lo ngu i na, kra Asii Niitiitsak ranaiq na khappong mong na dea wa raü jiiha? Asii Niitiitsak ranaiq li jiimin, namshiq ka taülaükhiq kilanta, khappong mong wa midoki han riimak sha?” nguta apaiq raq tsangshiq ma waito.

Luke 6:42

Ümniiraq ümphuno we ma, ‘Phuno we, ümmak na sinchiise asi kra lamkuq pha,’ ngutiika jamkho ngutlaü? Shatmaq, ümmak na pepan kaü tiihap raü kra riiwe ka chhi maü? Ümniika mongnam! Apha na ümmak wa, pepan kaü tiihap tlaq kra kongkhu lambaiq laq. Kra lot jai shetiq, ümniiraq ümphuno we mak wa, sinchü kra khangriri hea she michhi haü. Kiimaq milam kuq lot haü.”

Luke 7:13

Tatiwe raq manti-nyung ka chhi raüta, atsan na kai mangchan tsito. Kiimaq Jesuq raq apaiq ma, “Naqhoqkiq” nguta tlin bom damto.

Luke 7:19

Tatiwe phana bom tiiwai kai tiikito. Tsangnai ka Jesuq phana kiraüta, “Ümnaq ardea sha Johan raq, maiq weshi saüho tlo nguta chongtiiwe kra, sha naishiq raq ahinti miki nguta khechang wa miraq?” nguta waito.