Luke 12:58 - ASII LAKDAP Bible (BSI)

⁵⁸ Ashi ra raq ümniika phowebi rung na shokki kiiphaü la, apaiq rai kongkhu riihum liina. Laüta, ümnaq shokti we krai rung na misaüho shaq niili, ari aram rong laq. Kra ram maü haü la, ümrewe raq, ümniika phowebi jaq na mikuq. Kiimaq phowebi riishe ka peta jaq niishe mikuqki. Kiimaq peta raq ümniika phaqtek mong niishe mishaq baiq.

Hawa Naga Bible 2001

⁵⁸ Mnoz muex mvrax tvgurc jix waz rueq phoc waz rungx nuex shvlx wvnc ruiux yuq, lvmx maq piq rulc raz lvp laz juing hunglaungx kuiuz. Kvkhoc rvmuq ngoz ruiux kuex piq rueq mnoz kuex phoc waz muex kuq gay kv-phux, pvlik nuk rueq mnoz kuex khoktep nuex shauk gay kv-phux.

Muklom

⁵⁸ Nim jamoq tharaltey sha khaphung himnáng solkat phin jo eshináng thuwey min jakho piq jamoq nungmay eq wanma tathin inn. Etha moq ang ajo piq aa nim raa hum eq phungwa relnáng solkat pha nin, bara nim sha miq lottey tang jak o kotchak pha nin etho miq lottey tang aa nim chuk náng sakchak pha nin.

Luke 12:58 Referencias Cruzadas

YOBA 22:21

Ümchaü ka, Job lei, Shiikeawe rai jam riidü laq kiimaq apaiq ka wesang ma naq mang kiq she; kra riihaüla, apaiq raq ümnaq mishman kuq.

YOBA 23:7

Ngi ka chiisan maiq; ngi raq Shiikeawe rai tri ka mitoqtanlot ha; apaiq raq ikha ka miphokuq raüta ngi ka chiisan maiqse dea nguta pattup miitu kha ka mitan kuq wa.

Tvtsvmc 32:6

Arningkhan ümwokhong na tsapkapkap maq siti ümsenginok raq ümman na achu jaü chang, chamchao jüchhang wa ikha saü wan raü min, tsangshiq phana saümak miraq.

Tvtsvmc 50:22

“Ara tai ronglaq, namshiq ngi shipoqtibi raq, riimakla ngi raq namshiq ka mishthen baiqha, kiimaq namshiq tiichhiiketi ka jumin ahüshe miraq.

ISAIA 55:6

Tatiwe wokhong na jang wan ronglaq, ümchaü apaiq ka aje na.

Matthew 18:30

Shatmaq apaiq raq arewe bom ka taimak riito. Kiimaq apaiq raq arewe ka thiitham kha ka midok kuq wan shaq wiiwii, phaqtek mong niishe shaq baiqto.

2 Corinthians 6:2

Shiikeawe raq akha chongtlo ara tai ronglaq: “Ngi raq namshiq ma ra tlaq akhing na tre kuq wan kang ihata, ngi raq namshiq ma tiichhiike wan akhing ranaiq saüto angu na, tiichhii kuq wan kang ihata.” Tai ronglaq! Ümchaü ranaiq ahata Shiikeawe raq namshiq khrumke wan akhing! Ümchaü ranaiq ahata Shiikeawe raq namshiq tiichhiike wan ranaiq!

1 Peter 3:19

Kiimaq apaiq ka wenyi khum na poshat maq, wulum pahea kharü mong na siti thun ma tiichhii wan tsütsa chongkuq kito.

2 Peter 1:15

Arkha maq, ngi raq kai shiichaq lata, ngi tsai jai min, namshiq raq arthun tengman tlaq bomtsi ara wranaiqshe tsan na tiitsang shat maq siwan miitu, namshiq ma tsii chongke chang ümchuwa sitlaq, kra michong kuq ha nguta shiikut chaq tiikang.

Jude 1:3

Lungwii phunainotiim lei, nashiq raq tiichhii wan rilung lap wan kai kra thaq na seng lata, ngi raq namshiq ma lak ashi, tlothit li waiq tlo ha jiilei nguta tiima wan kang. Arka, Shiikeawe raq nashiq asengi ma, pattup pat-sa kamasham kuqtaq, ara awongsii maq rüm laita siwan miitu, rekhat wanruq maq sichang nguta tsaido jido bom chongke lak waiq wan tiima kang.

Revelation 20:7

Rawii hingshi kra thum jai miishe, Soitan ka phaqtek mong wa adü she mirbaiq nong.