Luke 12:47 - ASII LAKDAP Bible (BSI)

⁴⁷ “Atijong we raq apaiq ma jamlai jaqsham achong wa, kra sapshat shat taü miimin, kra jaqsham tiije mak maq haisea wanti jaqshise kriika, atijong we raq amo tsihea mitiiho.

Hawa Naga Bible 2001

⁴⁷ “Miqmac jiyungx waz rueq yvmx shuimc lac roc yaq nguinx kuex tuiuz yaq maq, kvruex shuimc tvkoc miqmac rueq tvyoalc taq muq, nvrc waz kuex ukhaq yuq muinz jowvyx maq huyhut thvt ruiux murx tvgurc rvhumc tuex.

Muklom

⁴⁷ “Bari sanga utangteywa chamlang som aa sha usam eq aa, etharin kacha hung aa som moq ang ajo piq sha utangteywa rapney nolwat eq tasamnáng na.

Luke 12:47 Referencias Cruzadas

EJEKIEL 9:6

Tikiibi thun kra, jerobi thun kra, jetu nyungre thun kra, anyungre thun kra, kiimaq nosere thun kra jiipbaiq ronglaq. Shatmaq ju khakam niiwa miithii awaiqthü asiti thun kriiti dü niika namshiq raq jaqmiiq mai mak. Ara i Shomjam mong armaq tsat phaho ronglaq.” Krai mren, tsangshiq raq welabi Shomjam mong na chaptlaq kriimaq jiipbaiq phahoto.

Luke 12:41

Kiijiishe, “Tatiwe, riita ara bom shiiton chong tlaü arka naishiq miitu min sha, shea joli na nanok wiitarü miitu wa chong tlaü?” nguta Petar raq waito.

Luke 12:46

Raüta, apaiq ka akha shonbii rai tlaq bala niili, atijong we ka apaiq raq alo saüho mak miraq nguta atiima bala, apaiq raq sapmak shon niili misaüki. Raüta, atijongwe raq apaiq ka bunlak buncha chum raüta, apaiq ka thatsang maiqse rai khoshi na mitiidea baiq.”

John 12:48

Riita kriikha na, jurwa ngi ka shipoq tlaq, kiimaq i bomtsi ara lang mak riitlaq, kriiti khaphoke wanti ka phowe asi miraq. Ara ngi raq chongkuq tiikang i bomtsi arli she, phangthum ranaiq na, apaiq kha phoke wanti phowe ma mija!

John 19:11

Kiijiishe, Jesuq raq Pilat bom ka treto, “Ümjaq na i tsitsü ara tiipit miitu arang ka Shiikeawe raq akuq tiina. Kriikha na, jurwa ngi ka ümjaq mong na shaphaq baiqtaq, kriiti riika, ümngarai thaq niimin ngarai jonghea she tang wanto.”

John 9:41

Jesuq raq tsangshiq ma chongto, “Namshiq ka makchuk ngu raü jiika, namshiq dü na ngarai kha ka ahü mirwa. Shatmaq, namshiq raq makpiiq sitiikai nguta tiima tlan krai mren, namshiq khabu ka namshiq khuthaq na bumshat li she misi.”

Acts 17:30

Riita, maiqse raq man na lea wantaq pat achat na, Shiikeawe lamphan ka sap wan mak maq siwantaq thun akhing kriika, apaiq raq raüpot kha mak she. Shatmaq, ümchaü ka apaiq raq tsangshiq tarü kunli raq abi ngarai lamphan kiiwa tsantsii klai rongliishe nguta aming ka kuq tlo.

James 4:17

Arkha maq, Phungmaiqse ashi raq jaqsham ahea sham chang asi nguta, sapshatshat taü maq sham mak raü ka, kriika apaiq ma ngarai miraq.