Luke 12:45 - ASII LAKDAP Bible (BSI)

⁴⁵ Shatmaq, ara ajaqshi se ariiraq, atsan mong na atijong we ka alo jangho mak sham nguta mitiima. Raüta, apaiq raq jaqshisetiim abiti thun jechakre maiqwere sitlaq kra mitsat son. Kiimaq apaiq ka cherop tsampii wali she mingi.

Hawa Naga Bible 2001

⁴⁵ Yuq muinz kvruex nvrc waz kuex, ngvy jiyungx waz yek waungc muex vluz shauk doc, ngoz tueq tvmaung ruiux, nvrc waz nvrc nyuiuz hez kuex phel thuit wung vtueq, phauk saq, nuingx vtueq joal pawx thuiyc yaq nuex,

Muklom

⁴⁵ Etharin, raaq ni raaq, rimkumteywa bat aa, ‘I tangteywa kalo thupha moq ang phana’ etho piq aa adak sanga miqnu miqwa tang sha bukwatna etho kho aa kham ling phaksat eq tong na,

Luke 12:45 Referencias Cruzadas

YOBA 24:23

Shiikeawe raq apaiq hansang maq motiisi min miraq, shatmaq apaiq khuthaq na Shiikeawe maklii ka thüruq li thütlo.

ISAIA 65:6

“Ngi raq tsangshiq kha ka phokang she. Kha ka atankun she. Tsangshiq ma ümtinkhan mo tiiho chang wa kriimin atoqtan kun she. Awaiq thüwi she. Tsangshiq raq ümchuwa shut wantaq kriika tiihang wan mang she. Shatmaq tsangshiq kha ma kra phan phan mo she mitiihoha.

JEREMIA 20:2

apaiq raq ngi ka atea ronglaq nguta aming kuqto. Raüta ngi ka jinraü kharü maq khato. Raüta Shomjam na wachang lamthaq niiti Benjamin Kilamchong kiijaq banto.

EJEKIEL 12:22

“Maiqse lei, Israilnok mungti raq ara taksu bom ara jaram wa bliiq chongtla; ‘Akhing ka lea wanto. Shatmaq riisham bom chong tiithai thun ka pontiiwa niili mokito nya?’

EJEKIEL 34:8

Tengteng. Ngi ka atra Shiikeawe. Namshiq raq ibom ara samhea tiitsang tai ronglaq. Iskusekong ka arümti ahü kha maq rum ngamkong raq kaqphaq hoto. Isku rümtikong raq skukong ka ritkot wan mak riito. Tsangshiq ka maiqmii wok tiiphe miitu niili mowanto. Tsangshiq raq skukong ka rüm mak riito.

Matthew 22:6

Kiimaq maiq wiijamti riika apaiq raq atiiki ajaqshisetiim kra laphoto. Raüta tsangshiq ka ninta khoti tsatto. Kiimaq tsangshiq ka atsea khoti riibaiqto.

Luke 12:44

Riita riikhaqli ngi chongpha. Atijong we raq kra jaqshise ma, apaiq jamkun na tachong hupsam ümchuwa sitlaq thun kra liiwan miitu arang she mikuq.

Luke 12:46

Raüta, apaiq ka akha shonbii rai tlaq bala niili, atijong we ka apaiq raq alo saüho mak miraq nguta atiima bala, apaiq raq sapmak shon niili misaüki. Raüta, atijongwe raq apaiq ka bunlak buncha chum raüta, apaiq ka thatsang maiqse rai khoshi na mitiidea baiq.”

Luke 21:34

“Namshiq ka honkam shat maq si rong laq! Namshiq ka che nyang dungsea peosea na nai mungkang han-ngam miitu chapasea niili ka, naqmo chü rongkiq. Kra Ranaiq raq namshiq ka

John 2:10

“Nanok raq spiqtai asum akam thun kriika, kongkhu na wanwe ma tiinyang tlaq ngu phaütiq. Raüta, wanwe wokphe jai shetiq tiina, sapsekham kriishe pheakuq tlaq. Shatmaq, ümniiriika wanwe wokphe jaishetiq, asum akam phan spiqtai kra tiinyang tlaü!” nguta bomto.

Acts 2:18

Ara chongtiikang arka tengteng, Phangthum akhing na, ngi raq i disetiim jechak aja maiqwe aja wiitarü ma, Asii Wenyi ka pheanyin pheanyi kaütak rishi, asho awo miraü kuq ha. Krai mren tsangshiq wiitarü raq, rinkinku maq changriim chiiriim, i tsütsa michong kuq wan.

Romans 16:18

Akha hon atsii rümti arka, nashiq Tati Khristo jaqsham kewanti ka riimak. Tsangshiq arka maiqmii wokpo tiipao wan lam lu kra rit wanti li. Tsangshiq raq bom ka kai tiisum raüta, chongkuq tlo. Kiimaq maiq ka jutjü wantlii maq shomrasiq wantlo. Akha trahokuq tlaq ara lümaq, tsangshiq raq, juwa ajiq alam kra tsea tsiiq wan tsin makti ka, tsangshiq raq lamjiq nü na laolii holili riitlo.

2 Corinthians 11:20

Namshiq riika, namshiq ka tsangshiq jaqkhon mong na di ama ikha thü tlaq, kiimaq namshiq ka tsangshiq bi na tiimin tlaq, kiimaq namshiq ka anun ma tiija raüta, jamsha siq tlaq, kiimaq namtheaphi na tea tlaq, kriiti riiwe kriika, aheawiq maq nin tlan.

TRI CHONGKE 12:12

Kiijaq namshiq ka apaiq rai mantut na chojong chise maq sirong laq. Namsetiim nai nam jaqshisetiim rai kiimaq Lewinok namshiq rai chela thun na sidamtlaq krai adam maq chochikhiq shong nga ronglaq. Tsan na tiitsang shat ronglaq, Lewinok riika maiqmii rii tachong hiqshong ka lap mak miraq.

1 Thessalonians 5:7

Maiqse ka rawa na kontlo. Kiimaq rawa na siili, che nyang tsamsea, chephe tsampii riinyatshat sitlo.

2 Peter 2:13

Tsangshiq raq nanok ka jamkho tiichamchao wantaq, kiikhiisii Shiikeawe raq tsangshiq min Phangthum Khapho Ranaiq mitiichamchao wan. Ranaiq shethungpii na che nyang tsamsea butja haisea nai junshüm riirüm riipo nasia kli tsangshiq miika apeo pinthum. Tsangshiq ngarai han-ngam ramho raq jamlai wa jaü tlaq, kra dunghea wan kli lungwiitlo. Tsangshiq ka namshiq Phungmaiqse rintii dungsea riitam nga tlan kiijiimin lom dam tlo. Tsangshiq raq akha biitsaüki lam maq namshiq rai lom dam tlaq kriika namshiq li tiisheshi dam tlo. Tsangshiq ka akha laopha kiimung raüta siwan kli peosiq tlo.

2 Peter 2:19

Ara arot shrabi raq, nokwe ma, wenyi na wase ma jawan lam chongkuq tlo. Shatmiitiq tsangshiq maiqmii riiwe ka ngarai rong arai kharü mong niili sitlo. Maiqse ngutlaq kriika apaiq raq ju bom wa taitlaq, kriiwe dise miishe jaki tlo. Jurwa ngarai rong arai kharü mong na sitlaq, kriika ngarai dise.

Revelation 16:6

Tsangshiq raq Shiikeawe sengi nai Shiikeawe shammibi tiijai raü baiqto. Krai mren she, ümchaü ümniiraq tsangshiq ma, tiijai hali she tiinyang tlaü kra, tsangshiq raq jamlai wa lap tlaq, kriika tsangshiq raq kha tangtaq kra tham she hophaq wan tlo!”

Revelation 18:24

Bebilon chela shiithen baiqtaq ka Shiikeawe shammibi nai Shiikeawe sengi tsea baiq wan kha na shiithen baiqto. Arka tengto, mangjong hiq na maiq tiijai ümchuwa tiidongtaq thun ka apaiq riito.