Luke 12:42 - ASII LAKDAP Bible (BSI)

⁴² Kiijiishe, Tatiwe raq treto, “Ngi chongpha, maiqshaq nai setsii jaqshi ka akha miraq. Apaiq miika atijong we raq, apaiq wanhiq kaiho ma ajam ka mitiikhethü. Atijongwe raq apaiq ma ajaqshisetiim abi sitlaq kiima tü adung ka akhing khaqkhaq na tiiphaq siq laq nguta michong thü.

Hawa Naga Bible 2001

⁴² Taungjix rueq tvralc tueq, “Kvkhoc ngoz ruiux tvmtuing vhttax nuiyc kenririx httax jix nvrc waz kuex mruex jix lac? Yuimx taungjix waz rueq nvrc waz hez guimz lawc tvkoc nuiyc phuiuz svy juing phvlc kuy tvkoc vthvl taq nvrc waz kvruex rvtueq.

Muklom

⁴² Teyhungwa thawel batta, “Etha ang ajo ukam tey etho thung aa tha rimkumtey utang aa? Eshi rimkumtey sha angna bari khom o tangteywa him wang thaji sanga tang sha rimkum ma etho khakla rangham o phaksat kotma shing aa.

Luke 12:42 Referencias Cruzadas

DUNGWVNC 36:4

Kiijiishe jaqsham smabi kra jaqshamtibi thun ka Mosheq phana kito.

TAKSU LAK 12:8

Ümniika maiqshaq riihaüla, maiq raq mishom ra. Shatmaq maiqjiq jahaüla, maiq raq mishummii.

TAKSU LAK 15:23

Akhing riikhaqli na, riikhaqli bomtsi chongketi siraü la, pinthun chochi chang!

TAKSU LAK 27:18

Jurwa phupmup chong chhintsii tlaq, kriiti raq phupmuptsi misiq. Jurwa atijongwe shiili liitlaq, atijongwe raq apaiq mishreng.

TAKSU LAK 31:15

Apaiq ka ra samhea miwü shaq niili, tiidokitlo. Raüta awe asetiim ma, tü adung shong lumhotlo. Raüta ajaqshisetiim jechaksere ma, jaqsham kaiwa pheakuqtlo.

ISAIA 50:4

Ajong Thaq Na Ajong Pinthum Tatiwe raq jamlai chong chang wa kra ngi ma shrin kuqto, kra ningkhan ngi raq ahun aniiti ma ningkun shoqkuqlot tiikang. Wranaptek apaiq raq itsan tiichhiitlo; apaiq raq ngi ma jamlai phan shrinkero wa kra tai miitu.

JEREMIA 23:4

Ngi raq tsangshiq rümti mungtubi she mishong wan ha. Isenginok ka ahai asong ahü she miraq. Riimakla tsangshiq ka kiinyii mak she miraq. Kiimaq Ngi raq tsangshiq ka thongshi sintsang maq tsat kinong mang she mirha. Arka Ngi, Tatiwe raq toqtan tiikang.”

EJEKIEL 34:3

Namshiq raq sku nyakpü ka nyangtlan. Sku bin maq ataq khea ka samtlan. Kiimaq skukong wa ahan aphin phinti kra tsea lanta taphaq tlan. Shatmaq namshiq raq skusekong ka ümtiikiimin samhea rüm man.

Matthew 13:52

Kiijiishe Jesuq raq treto, “Ikhiijiika Thungtri shrinketi phong wa, juwa Ramungtan na asengi ma tiija wan tlaq, kriiti ka maiq laopan weshi raq, apaiq jamkun mong na atsiiq anyam tum totlaq kra, tsiiq chü nai tsii nye thun kra lam raüta, damjong na raüphong tlaq ikhiishe chiithe jong she mija wan.”

Matthew 20:8

“Raji niishe wakchongti we raq achere we kiima akha thaüto, ‘Maiq ningchangti thun ka tarü triichom hea laq. Laüta maiq ümriiti wa rajiko rashe acha wan niishe tiikikai, kriiti ma jaq maq ka kuq phaho laüta, maiq ranap na jaqsham phahoti kriima tsangshiq jaq maq kra pheakuq laq.’

Luke 12:43

Kra jaqshise ka atijong we saükai akhing na, apaiq ka tsapkapkap ajaqsham rea loho raü jiila, apaiq ka pinthum mikhoqriiq wan!

Luke 7:13

Tatiwe raq manti-nyung ka chhi raüta, atsan na kai mangchan tsito. Kiimaq Jesuq raq apaiq ma, “Naqhoqkiq” nguta tlin bom damto.

Luke 7:19

Tatiwe phana bom tiiwai kai tiikito. Tsangnai ka Jesuq phana kiraüta, “Ümnaq ardea sha Johan raq, maiq weshi saüho tlo nguta chongtiiwe kra, sha naishiq raq ahinti miki nguta khechang wa miraq?” nguta waito.

Acts 20:28

Riita ara chongkuq tiikang arai mren, namshiq raq maiqmii wenyi khum ka tiikhup wong wan shatmaq shongnga rong laq. Kiimaq Asii Wenyi raq namshiq jaqkhong na skuse kong ümchuwa trüm tlaq, kra thun ka samhea wiq maq rümkom ronglaq. Namshiq raq tsapkapkap maq Shiikeawe phungtu kra shiikum pan ronglaq. Phungtu ka Shiikeawe Se tsaitaq kra lümaq Shiikeawe rii she nguta tiija wanto.

1 Timothy 3:15

Kiimaq, ngi ka ümkhiimiiwa jaqlo kiina saüthin wan mang la tiihit rotki ha jiila, ara lak na nashiq Phungmaiqse ka jamkhii singa chang wa, kra miitu tsii chongkuq tiikang ara lang rong laq. Nashiq ka Shiikeawe setiim. Jamshiti. Ara jamshiti ngutiikai arka, Shiikeawe setiim phungtu sitlaq kra ngo nangnga chongtiikang. Shiikeawe ka pattup pat-sa siwan ruq li. Shiikeawe manphan tengteng bomtsi ka, phungtuti raq thüda wan tlo. Kiimaq tum akhiiq na saiqsam wan tiikai ikha, kai shreng laita ahea wiq, tsapsaü kapse maq thü wan tiikai.

1 Timothy 5:17

Phungtuti shunshea wan lam na, maiqlare kamasham jaqsham kewanti ka thepliip jaq maq kewan chang. Akhek ka trahoketi nai ashrinketi hunnii tlaq kra ma, jaqmaq kechang.

2 Timothy 4:2

Ümniiriika, maiqse angu ma trahoke wan kli shiichaq wan ruq riilaq. Kholam kholiiq, chiiriim laüta, akhing hongtaq lo, hong mak lo jiimin, chongkuq wanruq maq shiichaq laq. Ara chongkuq tlaü kra lümaq, maiqse tsan ka tiinin lili mirlaq. Tsangshiq raq tsii chhi wanli chang, bomtsi ka atsin maq trantsii son laüta, chong kuqlaq. Kiimaq tsangshiq tsaiji ka dokuq laq. Ara trahoke jaqsham arka, phanrap na nin wan ruq maq, chongkuq laq.

Titus 1:7

Phungtu sheati maiqla weshi she nguta sitlaq kriika, Shiikeawe jaqsham tawun howanti nguta sitlo. Kriikha maq, apaiq khum na jamlai phan mrong mra si min maimak. Apaiq tsan na ashkong tsii si raa mak. Apaiq ka mokhiq kai min khiq raa mak. Apaiq ka cherop ja raa mak. Atsan khiq raüla, jasam piqsii pheraiti ka raa mak. Atsan na kampho ma sükha tsii min rüm raa mak.

Hebrews 13:17

Kiimahali, namshiq ma lamsheatibi wokhong na, si lanta tsangshiq bomchong ka phaqchii nichii maq tai ronglaq. Tsangshiq raq namshiq ka, Wenyi rilung na tiichhan chhi wan miitu, naiqhü wasü hun nü wan tlo. Tsangshiq raq, Wenyi noboq jaqsham tlaq kra miitu, Shiikeawe ma heshap kewan chang asi. Namshiq ka tsangshiq wokhong na, phaqchii nichii maq tsangshiq bom tai lanta sihan jiila, tsangshiq raq shra jaqsham tlaq kra, chochikhiq maq misham. Namshiq raq tsangshiq bomchong tlea han jiila, tsangshiq ka tsan tiibishat lam miili, shra jaqsham ka misham. Kra raüka, namshiq ma jamlai achü shiiman lap chang ahü.

Hebrews 13:7

Kiimahali, man niiwa shrabi, namshiq ma Shiikeawe tsütsa chongke wantibi ka, naq laq rongkiq. Samhea wiq tiima lanta, shin ronglaq. Tsangshiq ka atsai wan na saüli, Shiikeawe ma kamtsantsii pharang rang maq thü raüta siwanto. Krai mren, ümchaü namshiq riimin la, tsangshiq changkhü kra song lanta si rong laq.

Hebrews 3:5

Mosheq ka Shiikeawe jamkun na tsapkapkap setsang setsii jaqshise ashi siwanto. Krai mren, Shiikeawe raq apaiq ma rawiichii miitu, jamlai bomtsi wa chongkuqtlaq kra phanphan tsapkapkap maq Israilnok ma chongkuqto.

1 Peter 4:10

Shiikeawe raq namshiq ma phanrap phanrii kongphiq ka akekun she. Krai mren, namshiq loweatek raq, maiqmii kongphiq atiitsang lap wan lan kriika, ahea wiq maq, khaqshkhaq jaqsham wan na lang rong laq. Kriika tarü ma amet dong chang jonghea miitu jaqsham tlan kriijaq lang ronglaq.