Luke 12:39 - ASII LAKDAP Bible (BSI)

³⁹ Kiimaq namshiq raq asap han, jamchongti we raq ahuk saüwa akhing ka sapshat ngu raü jiika, ajam ka ahuk ma tiihuk mak miraq.

Hawa Naga Bible 2001

³⁹ Mkhoc shoc maq yuimx taungjix waz rueq vguiuq waz kaz yaq vkhing kuex tuiuz ruiux yuq, piq kuex honc lvmz hvt httax vtueq, vyuimx kuex vguiuq rueq tvpuc wvt vtueq nyuip tuex rvmuq, tuiuz taq shuinz.

Muklom

³⁹ Iri sam inn, him tangteywa aa ahut thoktok tha usam eq ajo piq aa eshi ahut sha uhim náng baluk otho tathok moq sey angna.

Luke 12:39 Referencias Cruzadas

Matthew 24:42

“Ara chongtiikang arkha maq, namshiq ka pinthum honkam shatmaq shongnga ronglaq. Ara jamkhano chongtiikang ngukla namshiq raq Tatiwe saükai ranaiq akhing ka sap man.

Matthew 6:19

“Namshiq miitu tsiiq nai nyam tum ka mangjong hiq na naqto rongkiq. Arwiika sap nai chhii raq miphaq. Kiimaq thiimeaq raq mitek. Kiimaq ahuk raq mihuk ho.

2 Peter 3:10

Shatmaq Tatiwe Saükai Ranaiq ka ahuk dong wa tlaq ikhli, tiihanghiiq miili misaüki. Kra Ranaiq na ra thun nai ra na diim tlaq raiqsaiq jipi thun wiita hiq maq hutse, amok dungdung, apat arat wa trang liishe, wa raq tiibunlak, apun min ahü mikhiim baiq. Kiimaq ara mangjong hiq diim armin, hiq raikhü na ümchuwa diim tlaq kra wiita hutjok, tiisiirai wa maq michaq baiq.

Revelation 16:15

Tati raq nguto, “Tairong laq! Ngi ka ahuk dong kai ikha tiihang hiiq miili misaüki ha! Kechu jonghea, juwa akon riilaq mak maq, asam maq kheshat sitlaq. Kiimaq miirii ka tiije je maq sitlaq. Krai mren nokwe phong na apaiq ka raiqhü ma kha na nguta jea ngaü chang ahü miraq!”

Revelation 3:3

Arningkhan, man na namshiq Phung na shang wan pha ji na achongkuq, tengteng bomtsi raü kra, tsan na samhea tiitsang shat thü rong laq. Lanta, lang wan ruq maq sirong laq. Lang tlan krai mren, ngarai ka baiq rong liishe. Namshiq ka akon wa sam wan man li sihan jiila, ngi ka ahuk saüki tlaq ikha, namshiq phana tiihanghiiq miili misaükiha. Namshiq riika ngi saükai akhing min sap man mirhan.