Luke 12:37 - ASII LAKDAP Bible (BSI)

³⁷ Kopan jonghea miraq, ajaqshisetiim phong wa ümriiti wa tsangtijong we ka jangki tlaq akhing na, apaiq ka asam, kiimaq tiijeshat miloho! Ngi chongpha. Apaiq raq asamtong ka chhut raüta, tsangshiq ka atiinga miraq. Raüta, apaiq raq tsangshiq ma aheawiq maq tü adung thun kra mitiiphaqsiq.

Hawa Naga Bible 2001

³⁷ Jiyungx waz httuiuc waung ruiux yuq honc lvmz hvt maq httax yaq kuex jiyungx waz rueq khiz waung tuex nvrc waz kuex thuinhvlx httax yaq. Ngaz rueq nuimshiq muex jungx kuq ix, jiyungx waz kuex keshuit shuit ruiux raz tueq piq nvrc waz hez kuex wuinz waz ikhoc tv-ngaungc ruiux tv-phauk saq shuex.

Muklom

³⁷ Tangteywa thu ajo sanga tang athing kap khi atho eshi sanga tang ma sunmaan! Nga asing batphang, tangteywa rangkho samkhong sha chok eq usanga tang ma til satma tatong na, etho urelnáng ka eq chukdap kotna.

Luke 12:37 Referencias Cruzadas

ISAIA 62:5

Jerowe raq junsangse ka atanyung ma lam wantlaq ikha, Ümnaq phansangti raq ümniika achak ma milam wan. Alam wantiwe raq junrii nyung ma chochitlaq ikha, Üm Shiikeawe ka ümniima michochi.

JEREMIA 32:41

Ngi ka tsangshiq miitu shamhea kaiwa shamke wan niilishe mikhoq riiq siq wanha. Lata Ngi raq tsangshiq ka armung arjaq pattup miitu she mitiishong nga wanha.

JEPHANIA 3:17

Tati üm Shiikeawe ka, ümniirai asi. Apaiq ningkun jong maq ümniima, rekhat mitiitangkuq. Tatiwe ka ümniima michochi, Kiimaq apaiq lungwii wokhong maq, ümniima rilung anye she mikuq. Apaiq ka ashi ange miraq, kiimaq ümniima pinthum michochi,

Matthew 24:42

“Ara chongtiikang arkha maq, namshiq ka pinthum honkam shatmaq shongnga ronglaq. Ara jamkhano chongtiikang ngukla namshiq raq Tatiwe saükai ranaiq akhing ka sap man.

Luke 12:36

Ajaqshisetiim raq atijongwe ka maiqlam poi lom rü maq saüwa khetlaq ikha kherong laq. Tsangshiq ka khekham maq si raü jiika, apaiq ka jam na saüwa raüta, kilü na buk raüjaq tsangshiq raq apaiq ma kilü ka dikuq saq midi kuq.

Luke 12:43

Kra jaqshise ka atijong we saükai akhing na, apaiq ka tsapkapkap ajaqsham rea loho raü jiila, apaiq ka pinthum mikhoqriiq wan!

Luke 17:8

Riimak. Kiikhiika thaümaü! Kra la na, ümniiraq apaiq ka akha mithaü haü, ‘Ngi ma dung ka tsoq laq. Laüta, ngi dungsea bala, i tho na nga laüta khelaq. Ngi sea lot jai shetiq, ümniiraq dung ka silaq!’

Luke 21:36

Ara chong tiikai mra pin akhing saü wan tlaq kra thun ka wiita kunkun tang wan miitu, lanta namshiq ka tiichhii wan miitu, achu jaü shatmaq kiimaq, honkamshat maq si ronglaq. Lanta, namshiq ka Maiq Se man na chap wan li chang miitu, pharang rang maq si ronglaq.”

Luke 22:27

Riita, juwa ajong? Chamrii na nga tlaqti we kriisha ajong, sha apaiq ma lairap tiiphaq sia wanti we kriiwa ajong? Riikhaqli, chamrii na ngatlaqti we kriidea ajong. Shatmaq, ngi ka namshiq shiililii wanti jaqshise ma ja lata sitiikang.

John 12:26

Kiimaq jurwa i jaqshi ma jawan raüta, ngi shiililii wan lungwii tlaq, kriiti ka, i jai phan phan wa wawan raa tlo. I jaqshi ka, ngi rai nong nong maq sichang. Kiimaq, jurwa ngi shiililii tlaq, kriiti ka i We raq mishreng.”

1 Corinthians 2:9

Shatmaq Asii bomtsi na akha chongtlo, “Maiqse angu wa jurmin jangshi ra min, akha mihong tha wan nguta tiima chhi tai lot mak. Kra riiwe ka Shiikeawe raq apaiq lungwiitibi ümchuwa sitlaq, kriiti miitu tiije kuqto she.”

Philippians 1:21

Riita, ngi ma rilung ka jamlai wa? Kriika Khristoli she. Kriikha maq, ngi ka tsaikiha jiika, ngi ma liip jonghea.

Philippians 1:23

Ümchaü i rilung arka, ara tiima anai raq riinyea tlo. Ngi raq kla, ara han-ngam rilung arka baiqthü lata wawan ro tiikang. Lata, Khristo rai siwan ro tiikang. Kra riiwe ka ngi ma pinthum ahea.

2 Peter 1:11

Akha sihan jiila, Shiikeawe raq namshiq ma nashiq Tati Jesuq Khristo sichang pattup mungtan jam kiijaq siwan dam miitu kilü dije maq mikhe.

2 Peter 3:14

Riita ara chongtiikai krai mren, lungwii Phungmaiqse phunobi lei, kamto maq Shiikeawe saükai ranaiq na, Shiikeawe raq namshiq ka asii kechu maiqsetiim awongsii loholi chang miitu shiikut chaq lanta sirong laq.

Revelation 14:13

Kiijiishe ngi raq ramungtan wa maiq bom ashi hali akha chongto taikang, “Ara waiqlaq! Kechu jonghea ümriiti wa ümchaü ara miiphat she, Tatiwe lamphan na tsai tlaq!” “Ngohea dea tengto!” nguta Asii Wenyi raq treto. “Tsangshiq ka Shiikeawe jaqsham pinthum hun nü wanto. Ümchaü sanha, tsangshiq ka hunhü niihü miishe mitiisi nga. Jamkhano ngukla, tsangshiq raq minshiiq wantaq kra tsi ngo ka, tsangshiq rai nong nong ramungtan niishe saiqsam wanto.”

Revelation 16:15

Tati raq nguto, “Tairong laq! Ngi ka ahuk dong kai ikha tiihang hiiq miili misaüki ha! Kechu jonghea, juwa akon riilaq mak maq, asam maq kheshat sitlaq. Kiimaq miirii ka tiije je maq sitlaq. Krai mren nokwe phong na apaiq ka raiqhü ma kha na nguta jea ngaü chang ahü miraq!”

Revelation 3:21

Jurwa rekhat tangtlaq, kriiti ka ngi hokham ngacho tho na nga dam miitu ngi raq arang mikuqha, ngi raq rekhat tang lata, srea ma jawankang krai mren, ümchaü i We hokham ngacho tiinap na nga tiikang. Kiikhiisii kriiti kiimin ngi tiinap na i hokham ngacho na mitiinga ha.

Revelation 7:17

Ümchaü sanha, hokham ngacho wang mong na ngati, Skuse ka tsangshiq rümti she. Apaiq raq tsangshiq ka, rilung tsitsü raisetiim wa kham mitiinyang. Kiimaq Shiikeawe raq, tsangshiq makphai khüshang, wiita atat she mirkuq.”