Luke 12:28 - ASII LAKDAP Bible (BSI)

²⁸ Ara rum wa sangphii tiipü tlaq arka Shiikeawe raq ahata. Ara sangphii arka ümchaü asi anap ka ahü she. Wa na achaq baiqkun she miraq. Riita arthaq na apaiq raq namshiq ma apa khu akhea tiisam kuq mak sha miraq? Namshiq kamasham ka jamkhiiwa tran tlan!

Hawa Naga Bible 2001

²⁸ Kvmluimx thuinz vkomc nuk lex! Majuiuc raungnuiyq dvyx httax ruiux, invp raungnuiyq wvr mungx nuex tuip gay rvhumc yaq yaruix wawc httuingx jungx muex Tishox rueq kvkhoc tvsvmc kuq ruiux yuq kuex, nuimshiq muex kvruex htauk nuex lvy vtueq tvsvmc kuq shuex rvmuq haz?

Muklom

²⁸ Iri pilpung raa thaney aa atharang, inap aa wal náng tak chakna, etho Shkewa hun eshima tasampey aa. Ethi mal ang ajo, Shkewa nim ma iri phey náng eq rapney aqhal tasampey pha nin. Nim kam sha rapney aming!”

Luke 12:28 Referencias Cruzadas

ISAIA 40:6

Maiqbom ashi tiihong raüta gitlo, “Tsütsa ashi chiiriim laüta tiitailaq!” “Ngi raq jamlai tsütsa tiitai chang wa?” nguta ngi raq waikang. “Chiiriim laüta tiitailaq maiqse angu ka sangphiirü ikhli; tsangshiq rilung ka atoqse rumwa pepütu ikhli.

Matthew 14:31

Kiijiishe, Jesuq raq ajaq maq Petar ka hitjoq lapto, raüta, “Ümkam tsantsii ka jaro ranrai tla! Ümniiraq ngi ma kamtsantsii thü wan ka, tsanko tsanki ka jamkho thü tlaü?” nguta sonto.

Matthew 16:8

Jesuq raq tsangshiq liipan na riichong ka tai raüta tsangshiq ma waito, “Namshiq liipan na winsii ahü ngutiika jawa riichong rai tlan? Namshiq kamtsantsii ka akhiisiimin ahü ka jaro!

Matthew 17:17

Kiijiishe, Jesuq raq treto, “Namshiq kamtsantsii ka ahü. Kiimaq namshiq ka ajiq! Ngi raq namshiq chanja ka ümloq cho na saüli wa minin wanha ta? Üm se ka ana iphana shea wan laq!”

Matthew 17:20

Kiijiishe, “Namshiq kamtsantsii ka akom kha maq,” nguta Jesuq raq tsangshiq bom ka treto. “Ngi raq chongtiikang arka tengteng. Namshiq kamtsantsii ka jücha rai tinse li siraü jiimin, kam lanta ara hiqlam arnang nga, ‘Arba arwa tiikoq wanlaq, laüta ahin niishe kii wan laq’ nguta thaühan jiila, ngohea dea mitiikoq wan. Namshiq raq phanrap miklo lot han!”

Matthew 6:30

Shiikeawe raq mangjong hiq raikhü ka atinkhan tsomhea pepü wiihii maq tiimiikhiiq tlo. Arka jaqlose miitu li. Ümchaü asi anap ka ashin she mirki. Ikha jiika, ümniima Shiikeawe raq khu akhea ka kuq sam mak shea miraq? Üm kamtsantsii ka jaro ran rai tla!

Matthew 8:26

Jesuq raq tsangshiq ka sonto, “Namtsam ka kiitinkhan jaram kiinyii rai wa? Namshiq kamtsantsii ka ranhea!” Kra ngu raütiishe apaiq ka tiidopot raüta, rathaiq hengwa nai khamtso blun hengwa kriima, “Tsaq ronglaq” nguta aming tatto. Krai mren, rathaiq nai khamtso brak watrang kriika sangsaq li she, kaiqshak sanglili she sangkito.

Luke 8:25

Kra raütiishe, apaiq raq ajaqshisetiim ka, “Namshiq kamtsantsii ka ümbano?” nguta sonto. Shatmaq, tsangshiq ka kra chhi raüta, kai awangrai li riito. Kiimaq akiinyii rai riito. Kiimaq tsangshiq liipan na, “Riita arwe arka juwa nya? Apaiq raq rathaiq rahai wa tlaq kra nai khamtso blun tlaq kra miimin aming kuq tlo!” nguta tsangshiq liipan na riibomto.

Hebrews 6:7

Shiikeawe raq ra tiijun raüta, hiqngam ka awin wiq ma tiija tlo. Raüta petsi wiqtsam ahea wiq tiidong man tlo. Krai mren, petsi ka maiqse ma aphaq asea chang chamtraq tiidong man kuq tlo.

1 Peter 1:24

Asii bomtsi na akha chongtlo, “Maiqse angu ka sangphii cham tlaq ikhli, kiimaq tsangshiq jongla khushü kiimin rum wa pepü ikhli. Sangphii ka ashin riiki tlo, kiimaq pepü kiimin hiq na rokki tlo.