Luke 12:15 - ASII LAKDAP Bible (BSI)

¹⁵ Kra ngu raütiishe, Jesuq raq tsangshiq tarü ma akha chongkuqto, “Sükha ramho kharü mong na dea man chang miitu, honkamshat maq si rong laq. Ara jamkhano chongtiikang ngukla, riikhaqli maiqse rilung ngutlaq kriika, ajaq na tsiiq anyam rüm tlaq, kra lamlam li ka riimak. Apaiq ka ümtinkhan chiithe we li jiimin ümriilaq.”

Hawa Naga Bible 2001

¹⁵ Kvruex yimaq tsuingshiq lotlaz muex vpiq rueq jungx tueq kuex, “Phvnx ruip saz nuex kvkax wax yaq kvwawc nuimshiq shauk pumz kuex kvguing kvwungx ruiux honc lvmz hvt rvshuinz, yvmx khoc lac ngoz ruiux lec mtanc dvyx luiz waungx ruiux muinz, piq rullungx shauk kuex tsak vnyvmx htauk nuex httax yaq rvmuq,” ngoz tueq.

Muklom

¹⁵ Etho piq aa thaji miqtang ma batta, “Rangtun eq tong inn, kaplap tinthin wang rangtun eq tong inn; chammatakoi ashey miq chamtan tanglom ang ajo tho iriwang piq rollung sha chamtho ahung angna.”

Luke 12:15 Referencias Cruzadas

1 HOKHVMX 2:40

Kra tairaüta apaiq ka akumtoq kaü thaq na chao raüta Gath chela Hokhamwe Achish phana adise nai ritkai kihoto. Raüta apaiq raq adise nai ka humto. Raüta jam na shea wanto.

YOBA 2:4

Kiijiishe Soitan raq treto, “Maiqse riika tsitsü atra maq si miitu phanrap phanrii wiita thum thum mimiimbaiq!

Tvtsvmc 10:3

Abi maiqse ka apaiq raq ashut ramho rümtlaq kra miitu shiikongkhiq sitlo; Shakaqwe riika manson kiqsü riitlo raüta Tatiwe ka shipoq baiqtlo.

Tvtsvmc 37:16

Kechu maiqse jaq na tsiiq akhüse rümtlaq kra thii ka abi maiqse kong tsiiq ka wiita rom raü min apa miraq,

Tvtsvmc 62:10

Riitsea riita ma naq kamkiq; thiimeaqtek laüta amet milapha nguta naqkamkiq; ümtsiiq tum thun ka mawan raü min, kriima naqlamkamkiq.

TAKSU LAK 15:16

Chiithe lüwa nguraü, acha apa miili sirai nam miika, miitsan jiimin Tatiwe ma hai raüta, singa riiwe ka ahea.

TAKSU LAK 16:16

Chaq nai seng riichom nam miika, taksu tsii nai nyan phaqchi tsin chang. Arka rahea pinthum.

TAKSU LAK 28:16

Atsii ahü maq mungpengti ka, senaino kaqphaq truli miraq, Tsiiqlap siqmakti raq, mung ka alu mipeng.

JEREMIA 6:13

Maiq ajong aran wiita pili raq, kampho ka arot akiq lamlu kiiwa lapwan kli shiichaq wantlo. Shammibi nai ramwebi raq dongdii min mungmaiqse ka laoliitlo.

EJEKIEL 33:31

Krai mren, isenginok ka ümbom chong kra taiwa kongta hushhu ümphana watlo. Shatmaq ümniiraq tsangshiq ma jamlai bom wa chongkuq tlaü kriika tsangshiq raq lang mak. Tsangnübok miika lungwii bomtsi bomtlo. Shatmaq tsangshiq ka sükha rilung lam kra phan raütli sitlo.

Mikha 2:2

Tsangshiq raq aroro maiq wak nyeatlo Tsangshiq raq aroro maiqjam nyeahoto. Maiqta maiqwii tachong nyeahotlo, maiqta kiimaq tsanghup tsang sam, tiiwongchang ahü.

HABAKUK 2:9

“Phiiptsi chang jo ümniima! ümniiraq ümjamkun ka, mattsiiq tsa tsiiq maq, chiithe ma tiija wan laü. Ümniiraq ümjam ka liihawe chü ikha, raqkha khu na hai wan laü. Chiqse rewe raq thin wa mak, mirlaq nguta!”

Mark 7:22

maiqchak rai sra, sükha tsii, kiimaq ahin abi tiima tsantsii rümtlaq thun kra; laopha tsii, raweahü hon aja, makshu rashe tsii, maiq chongsea, ashkong tsii, kiimaq ngila sang jasha rong arai siwan tlaq kra;

Luke 12:16

Kra ngu raütiishe, Jesuq raq tsangshiq ma ara shiiton manphan ara phan kuqto, “Man na maiq chiithewe weshi asi riito. Awak ajam chamtraq asi. Wak wa tsam min pahea lapto.

Luke 16:14

Phorisinok raq ara traho bomchong ara taiwi raüta, tsangshiq ka khüphit nüphit wa li she, Jesuq ka shummiito. Jamkhano ngukla, tsangshiq ka kampho ma süram heanok.

Luke 21:34

“Namshiq ka honkam shat maq si rong laq! Namshiq ka che nyang dungsea peosea na nai mungkang han-ngam miitu chapasea niili ka, naqmo chü rongkiq. Kra Ranaiq raq namshiq ka

Luke 8:14

Tsamlai wiijam kiimko rang babaiqhü ba na arokti ka ara. Maiq ümriiti riiwa Shiikeawe bomtsi ka taitlo. Shamtaq, mangjong han-ngam miitu chapa tlaq kriiraq, kiimaq tsiiq nai nyam ma ranphan tlaq kiimaq mangjong han-ngam peo lam phan tiima tsantsii kriiraq kaqhotlo. Raüta, tsangshiq kamtsantsii ka tsingo mak bikitlo. Kriiti ka tsamlai shuk cham mong na arokti maq shiiton tlo.

1 Corinthians 6:10

jurwa ahuk arot ma ja tlaq lo, juwa shakaq ma ja tlaq lo, juwa cherop ma jatlaq lo, jurwa maiq chongsiq tlaq lo, jurwa alao riitlaq ara chongtiikai akhnok maiqse ka Shiikeawe sengi ma jalot mak.

Colossians 3:5

Namshiq raq namkhum na ara mangjong han-ngam ramho raq jamlai jaq wa shamtlaq thun kriika atsea baiq raa dongdii she. Kriika arthun ara: sethoq sepiija, ashe ashi riinyatshat, sükha, abi ati kiimung, kiimaq shakaq tsii, (arka sumlanoq ngarai tang) thun ara riito.

2 Timothy 3:2

Maiqse angu ka maiqmii miitu tiimali she, asükha trangli she, ashkong wa trangli she, kiimaq atiibainge wa trangli she miraq. Tsangshiq ka maiqshu wa trangli she, anyung we bom tlea wa trangli she miraq. Maiq ma kechutum ke ka sap mak miraq. Kiimaq apii ashi jam min sapmak she miraq.

Hebrews 13:5

Kampho ma naq sü ramrai rongkiq. Kra rii na, namjaq na jamlai wa asi, kra sham lantli, chochikhiq maq si ronglaq. Jamkhano ngukla, Shiikeawe raq, “Ngi raq namshiq ka ümtiikii jiimin, amang ale maq tiichamchao mang. Ngi raq namshiq ka ümtiikii jiimin, tiishaü baiq mang,” nguta ngutlo.

JOSHUA 7:21

Sepat lopi hupsam lapkai phong kiijaq, ngi raq Bebilon mung wa khea samtongjong kaü ashi, toknai tin kampho ngam, kiimaq chaq ngam pan ka tokthiq kra chhikang. Isiikha tsi ninlot mang kha maq, arthun ara lam wan kang. Namshiq raq kriithun ka Ijam tombutiip na, kampho ka atakiq na lapthü kang kra mihum han.”

2 Peter 2:14

Tsangshiq riika sethoq sepii jati jechakre rai hai nga dam kli rittlo. Tsangshiq tsan mong niika ngarai rilung peosea kli walü wa ikha nyai tlo. Tsangshiq raq kamasham na jehin nore ikhiiti wiita tsangshiq thiikho na tiithap wan tlo. Tsangshiq tsan atsii ka ngarai sükha tum raq aliim wan wishe. Tsangshiq ka Shiikeawe manson walü mong niishe sitlo!

2 Peter 2:3

Ara arot shrabi thun arka, shakaq kong siisaq. Arot kamasham bomtsi tri raü kra phanchan kuq raüta, tsangshiq miitu kampho amet pahea mitiidong. Shiikeawe raq tsangshiq ka man niiphü ashra baiq wan wishe. Raüta tsangshiq ka miqchup shiithen baiq wan miitu kha apho wishe thütlo. Shiikeawe ka kon mak. Asam! Apaiq raq chongthütaq krai mren, ümchaü kha ka apho kun she. Apaiq raq tsangshiq ka mitiichamchao wan she.