Luke 12:10 - ASII LAKDAP Bible (BSI)

¹⁰ “Jurwa Maiq Se ma angeng bom bom tlaq, kra ngarai ka adiike wan mimai. Shatmaq, jurwa Asii Wenyi ma ngeng raüta, riikhiq ashut bom tlaq, kra ngarai ka diikuq mak miraq.

Hawa Naga Bible 2001

¹⁰ “Miq Saz vmac kvjaz maq yaq kuy jix waz kuex mvrax dawc kuy juing lvmx httax yaq, yuq muinz Vsawc Siyac muex yaq kuy kvjaz kvjak jix waz kuex mvrax dawc kuy juing lvmx httax tuex rvmuq.

Muklom

¹⁰ Miqna Sa shima miiksuk eq raaq ajo jin tol eq na; etharin Asang Tsija sha miiksuk eq raaq ajo baluk otho tolchak moq angna.

Luke 12:10 Referencias Cruzadas

Luke 23:34

Kiijiishe, Jesuq raq, “I We le, tsangshiq ngarai ka adii riikuq laq! Tsangshiq raq jamlai wa klo tlaq kra sapmak,” nguta nguto. Tsangshiq raq langlii raüta, apaiq khea ka tsangshiq liipan na riipheato.

1 Timothy 1:13

Ngi raq man na, phung na mishang wan ha shaq na, apaiq ka shulii wan kang. Kiimaq apaiq ka ngeng wan kang. Lata Phungmaiqse ka shiikeng miileng, rachhai ralüp longliiq wankang. Li jiimin, Shiikeawe raq, ngi ma apaiq mangchan tsii kli khoti tiichhikuqto. Ara jamkhano chongtiikang ngukla, kra akhing na ngi raq, i shutphit lam ka chhi phaq mang dea lea wan kang. Jamkhano ngukla, kiitiikaq ngi raq apaiq ma mikam wanha shaqli riikang. Kriikha maq, ngi shut lam ka sap mang dea lea wan kang. Kiitiikaq i tsii ka chhi mang shaqli lea wan kang.

1 John 5:16

Namshiq raq namphuno we ka ngarai tangrea michhihan. Kiitiina kra ngarai ka apaiq tsaili chang wiqwiq kla riimak miraq. Kra chhihan jiila, Shiikeawe jaq wa apaiq miitu achu jaükuq ronglaq. Kra riihan jiila, Shiikeawe raq apaiq mra ka adii mirkuq. Ara achu jaükuq ronglaq nguta chongtiikang arka, ju ngarai wa tsangshiq miisaq thumli chang ka riimak, kriiti miituli chongtiikang. Shatmaq jurwa apaiq miisaq thumli chang ngarai she tang tlaq, kriiti miitu ka namshiq raq Shiikeawe jaq wa achu jaüke ka raa mak she.