Luke 11:36 - ASII LAKDAP Bible (BSI)

³⁶ Riita, ara chongtiikai akha, ümkhum ka wiipumtam na, walü li ka liliim tlaq jiika, ashok ano thun niimin ranyaq mak miraq. Kra ngu haü jiika, wiipumtam na walüli wa li she miraq. Kriika lemtem ashi ka ümkhum thaq na achhai anyii liliim tlaq ikha miraq.”

Hawa Naga Bible 2001

³⁶ Mkhoc shoc maq m-gvnz wvpumz tuimx nuex vnyauk raungluingx muinz vguez wuix ruiux yuq, wvrkok luic rueq mhtauk nuex tvwuic kuq yaq ikhoc m-gvnpumz muinz wuix wvnc tuex,” ngoz tueq jungx tueq.

Muklom

³⁶ Nim thaji han na amaan tho anak hung aa thaji alang na angta ta ang ajo nim thaji haan sha nalpang mal alang angna.”

Luke 11:36 Referencias Cruzadas

TAKSU LAK 1:5

Ara taksu bomtsi arka taksmawe miimin, nyan phaqchi shrinketi, phaqchi pinja atsinti miimin, hon atsii chongketi.

TAKSU LAK 20:27

Tatiwe raq nashiq ma, khutsai nai tsantsii kuqto; nashiq raq paü lot mai.

TAKSU LAK 6:23

Tsangshiq danhon ka, ümniima achai anyii waniitu, Tsangshiq honchong ka, ümniima rilung lam.

ISAIA 42:16

“Ngi raq isengi makchukti thun mishun sheaha, tsangshiq raq jangshi min khum mak lam thun maq. Ngi raq tsangshiq ranyaq ka rawü ma mitiijaha, kiimaq tsangshiq khaki na rumtang lam thun ka, nyeadang danghea mitan kuqha. Arthun ara ikiqkham raüpot, kiimaq bom poshi min tiikhoi mang maq mitiiku wanha.

ISAIA 8:20

Kra nguraüla, namshiq raq akha tre ronglaq, “Tati raq namshiq ma jamlai wa tlangkuqtlaq kra samhea tiitsang taironglaq! Tha shammibi bom ka naqtai rongkiq! Tsangshiq raq namshiq ma jamlai wa chongkuqtlaq kriiriika namshiq miitu jamlai achu min ahü miraq.”

Hosea 6:3

Nashiq raq apaiq tiima tsantsii, khonwan miitu shiichaq rong i. Apaiq nashiq phana, ranap rashe kii li ikha miki dongdii. Lamse sat ma rajuntsi paü pan ikha, apaiq nashiq phana misaüki. Raüta nashiq ma achu shiiman mikuq.”

Matthew 13:52

Kiijiishe Jesuq raq treto, “Ikhiijiika Thungtri shrinketi phong wa, juwa Ramungtan na asengi ma tiija wan tlaq, kriiti ka maiq laopan weshi raq, apaiq jamkun mong na atsiiq anyam tum totlaq kra, tsiiq chü nai tsii nye thun kra lam raüta, damjong na raüphong tlaq ikhiishe chiithe jong she mija wan.”

Matthew 5:15

Jurmin lemtem ka tiinyai raüta taükok maq hong baiq mak. Kra rii na khoti lemtem ka atochang na mito. Krai mren, jam mong na maiq ümchu wa sitlaq kriima walüli asi miraq.

Luke 11:35

Ara chong tiikang arkha maq, namkhum wa walüli sitlaq kriika, ranyaq ma naq tiija rongkiq.

Luke 11:37

Jesuq raq trahoke lot jai she, Phorisiwe raq Jesuq ka dung tiisea ma nguta tsangjam na shea wanto. Krai mren, Jesuq ka apaiq rai wawan damto. Raüta, dungsea ngato.

2 Corinthians 4:6

Shiikeawe raq ra nai hiq tiiq wan lam maq, “Ranyaq mong ka rawüli miishe mija laq” nguta aming tatto. Ara chongtiikai Shiikeawe riisü hali, naishiq tsan mong na, apaiq tiichhii wan wanii tu ka tliliim kuqtlo. Ara naishiq tsan mong na liliim tlaq walüli raq, Shiikeawe khushü chhainyii tlaq kra naishiq ma tiichhikuq tlo. Riita ara walüli ka Khristo theaphi wa liliim tlo.

Ephesians 4:14

Kra akhing na, nashiq ka nosere ikha, maiq bom maiqsa ma kona jon wa, kona shonki ka riimai she. Arot akiq maiqse, maiqlao liiti raq jamlai wa, arot akiq traho bomtsi shrinkuqtlaq, kra manphan jüche ka tai laita, nashiq ka shonbii kimai she. Tsangshiq riika laolot mak she.

Colossians 3:16

Khristo tsütsa chiithe jong ümtinkhan wa sitlaq kriika, namshiq tsan nai mongjii na samhea wiq maq tiicham lili rong laq. Weshi raq weshi ma shrinkuq lanta sirong laq. Kiimaq sungkhu tsiilam ka taksma tsii ümtinkhan wa rüm tlan, kra khuthaq maq, riichong phan lanta sirong laq. Asii bomtsi na ashi lak sitlaq kriiwa shinge rong laq. Tsütsa shi ka shinge rong laq. Kiimaq asii shi ka shinge rong laq. Shiikeawe ma kechutum lanta shinge rong laq.

Hebrews 5:14

Dung chungkaq seati kriika maiqla she ngushat. Kriika maiqmii rilung na, Shiikeawe bomtsi kra lang raüta, Shiikeawe maklii na, jamlai wa ajiq nai alam kra tseatsiiq wan angam she. Kiimaq atsin she ngushat.

James 1:25

Shatmaq, Tsütsa Ahea ka, Shiikeawe raq maiqse ma akuq minhap thungtri raütu. Ara minhap tri raütu raq, ngarai maiqse ka, kharü mong wa daa wan tlo. Jurwa ara tri raütu na jamlai wa chongtlaq kra thun ka, tiitho tiipha sidi raüta, liichum kra thusi tlaq, raüta laq mak phan maq, tsan na thü raüta, ranaiqtek lang tlaq, Shiikeawe raq apaiq ma phanrap na achu shiiman mikuq.

2 Peter 3:18

Shatmaq nashiq Tatiwe kiimaq Chhiitiwe Jesuq Khristo kaphap na kiimaq apaiq sap wan niili chhanchhi wan ruq ronglaq. Apaiq khushü ngao kli ümchaü kiimaq pattup pat-sa na saüli mijong laq! Amen.